Apocalipsis 4:5 - Li Santil hu

⁵ Ut saꞌ li lokꞌlaj cꞌojariba̱l nareploc li chanchan rakꞌ ca̱k ut lix ya̱b li choki̱nc chanchan nak namok li ca̱k. Chiru cuan cuukub li lámpara lochlo retalil li Santil Musikꞌej.

Q'eqchi Bible

⁵ Sa' li nimajwal k'ojarib'aal na'elk chaq li raq'kaaq, li xyaab' kuxej ut li kaaq; ut chiru li nimajwal k'ojarib'aal wank wuqub' chi xam lochlookeb', a'aneb' li wuqub' chi xmusiq' li Yos.

Apocalipsis 4:5 ပူးပေါင်းရင်းမြစ်များ

Apocalipsis 11:19

Ut quicuil nak quiteheꞌ lix templo li Dios cuan saꞌ choxa. Ut quicꞌutun li Lokꞌlaj Ca̱x li cuan cuiꞌ li contrato saꞌ lix templo li Dios. Nareploc li rakꞌ ca̱k ut nabal li choki̱nc. Quicuan jun li hi̱c ut nabal li sakbach quitꞌaneꞌ nak quicuil.

Apocalipsis 8:5

Ut li ángel quixchap li xnaꞌaj li incienso ut quixnujobresi riqꞌuin li ru xam li cuan saꞌ li artal, ut quixcut saꞌ ruchichꞌochꞌ. Nak quitꞌaneꞌ saꞌ ruchichꞌochꞌ naquililnac joꞌ nak namok li ca̱k, ut nareploc li rakꞌ ca̱k ut quicuan ajcuiꞌ hi̱c.

Apocalipsis 1:4

La̱in laj Juan. Yo̱quin chi tzꞌi̱bac e̱riqꞌuin la̱ex li cuukub chꞌu̱talex chi aj pa̱banel li cuanquex aran Asia. Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Dios li ac cuan chak saꞌ xticlajic, li cuan anakcuan, ut li cua̱nk chi junelic, ut li naxqꞌue li Santil Musikꞌej li cuan cuiꞌ lix lokꞌlaj cꞌojariba̱l li Ka̱cuaꞌ.

Apocalipsis 5:6

Quicuil Jun xakxo aran chiru li lokꞌlaj cꞌojariba̱l li sutsu xbaneb li ca̱hib li chanchaneb ángel joꞌqueb ajcuiꞌ li ca̱hib xcaꞌcꞌa̱l li cꞌojcꞌo̱queb aran. Quicꞌutun nak li jun aꞌan ac camsinbil. Chanchan carner. Cuan cuukub xxucub ut cuan ajcuiꞌ cuukub xnakꞌ ru retalil li Santil Musikꞌej li quitakla̱c saꞌ chixjunil li ruchichꞌochꞌ.

Éxodo 19:16

Saꞌ rox li cutan toj ekꞌela, natenloc li ca̱k ut nareploc li rakꞌ ca̱k. Quicuan jun chok kꞌaxal moymo ru saꞌ xbe̱n li tzu̱l. Chixjunileb li tenamit queꞌrabi xya̱b li trompeta chi cau ut nequeꞌsicsot xbaneb xxiu.

Apocalipsis 3:1

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Sardis ut ta̱ye re: Li cuan li Santil Musikꞌej riqꞌuin ut li cuan li cuukub chi chahim saꞌ rukꞌ naxye e̱re chi joꞌcaꞌin: La̱in ninnau chanru nak cuanquex. Eb li tenamit nequeꞌxye nak la̱ex tzꞌakal aj pa̱banelex. Abanan moco ya̱l ta. La̱in ninnau nak incꞌaꞌ nequexpa̱ban chi tzꞌakal. Chanchan camenakex.

Zacarías 4:2

Ut quixye cue: —¿Cꞌaꞌru yo̱cat chirilbal?— Ut la̱in quinchakꞌoc ut quinye re: —Yo̱quin chirilbal jun li candelero yi̱banbil riqꞌuin oro. Ut saꞌ xbe̱n cuan xnaꞌaj li aceite ut cuan xnaꞌaj cuukub candil ut cuan ajcuiꞌ cuukub li nanumeꞌ cuiꞌ li aceite.

Éxodo 20:18

Eb laj Israel queꞌrabi nak natenloc li ca̱k ut queꞌril nak nareploc. Queꞌrabi xya̱b li trompeta ut queꞌril nak nabukuknac li sib. Chixjunileb nequeꞌsicsot xbaneb xxiu ut queꞌjiloc chirixeb saꞌ junpa̱t.

Joel 3:16

Nak la̱in tina̱tinak chi cau xya̱b incux saꞌ li tzu̱l Sión aran Jerusalén, li choxa joꞌ ajcuiꞌ li ruchichꞌochꞌ teꞌecꞌa̱nk saꞌ xnaꞌaj. Abanan eb laj Israel lin tenamit cauhakeb xchꞌo̱l cuiqꞌuin. Ut cuiqꞌuin teꞌyoꞌoni̱nk xban nak la̱in tincolok reheb.

Ezequiel 1:13

Eb li ca̱hib li yoꞌyo̱queb, li chanchaneb ángel, aꞌan queꞌcꞌutun saꞌ li visión joꞌ li ru xam li yo̱ xxamlel. Cuan li xam chanchan yo̱ chi be̱c saꞌ xya̱nkeb ut nalemtzꞌun ut saꞌ li xam narepoc li ca̱k.

Salmos 68:35

Cꞌajoꞌ xlokꞌal li Ka̱cuaꞌ. Sachba chꞌo̱lej li naxba̱nu. Lix Dioseb laj Israel naxtenkꞌaheb lix tenamit ut naxqꞌue xcacuilaleb. Lokꞌoninbil taxak li Ka̱cuaꞌ.

2 Crónicas 4:20

eb li candelero joꞌ eb ajcuiꞌ li candil li nequeꞌxqꞌue saꞌ xbe̱n yi̱banbil riqꞌuin cha̱bil oro li queꞌqꞌueheꞌ chiru li Lokꞌlaj Santil Naꞌajej ut queꞌxloch xxamlel joꞌ quiyeheꞌ reheb;

Éxodo 37:23

Ut queꞌxyi̱b ajcuiꞌ li cuukub chi candil joꞌ ajcuiꞌ li chꞌi̱chꞌ li ta̱cꞌanjelak re xsetbal lix mechil ut li plato li naxocman cuiꞌ li teꞌxset. Chixjunil queꞌxyi̱b riqꞌuin tzꞌakal oro.

Hechos 2:3

Queꞌril li chanchan rakꞌ xam. Li rakꞌ xam queꞌxjeqꞌui rib ut queꞌhilan saꞌ xbe̱neb chi xjunju̱nkaleb.

San Mateo 3:11

Ya̱l nak la̱in nincubsi e̱haꞌ riqꞌuin haꞌ retalil nak xyotꞌeꞌ e̱chꞌo̱l ut xejal e̱cꞌaꞌux. Abanan cha̱lc re li kꞌaxal nim xcuanquil. Xban nak kꞌaxal nim xcuanquil chicuu la̱in, moco incꞌulub ta nak tincuisi lix xa̱b. Aꞌan tixcubsi e̱haꞌ riqꞌuin li Santil Musikꞌej ut riqꞌuin xam.

Génesis 15:7

Li Dios quixye re laj Abram; —La̱in li Ka̱cuaꞌ Dios. La̱in xin-isin chak a̱cue saꞌ li tenamit Ur ut xatincꞌam chak saꞌ li tenamit aꞌin. Ut li chꞌochꞌ aꞌin, la̱at tat-e̱chani̱nk re, chan.

Éxodo 25:37

Ut nak acak xya̱loꞌ li candelero, te̱yi̱b ajcuiꞌ cuukub li candil ut te̱qꞌue saꞌ xnaꞌaj saꞌ li candelero re nak lix xamlel tixcutanobresi li naꞌajej cua̱nk cuiꞌ.

San Mateo 25:1

Lix nimajcual cuanquilal li Dios, aꞌan chanchan li quicꞌulman saꞌ jun li sumla̱c. Li laje̱b chi tukꞌ ixk queꞌxcꞌam lix candil ut co̱eb saꞌ jun li sumla̱c chixcꞌulbal li be̱lomej.

Apocalipsis 10:3

Ut quixjap re chi cau xya̱b xcux chanchan nak naxjap re li cakcoj. Ut qui-abi̱c cuukub xya̱b cux chanchan ca̱k nak queꞌecꞌan.