Apocalipsis 4:11 - Li Santil hu

¹¹ Ut queꞌxye re: At Ka̱cuaꞌ, at kaDios, a̱cꞌulub nak takaqꞌue a̱lokꞌal. A̱cꞌulub nak ta̱nima̱k a̱cuu ut ta̱qꞌuehekꞌ a̱cuanquil xban nak la̱at catyi̱ban re chixjunil li cꞌaꞌru cuan. Xban nak joꞌcan xacuaj la̱at, joꞌcan nak xayoꞌobtesiheb li cꞌaꞌru cuanqueb.

Q'eqchi Bible

¹¹ “Aak'ulub', at Qaawa', at qaYos, xk'ulb'al laanimal laaloq'al, li loq'onink ut laawankilal, xb'aan naq laa'at katyoob'tesink re chixjunil: rik'in laawajom ke'yoob'tesiik ut wankeb' chik anaqwan”.

Apocalipsis 4:11 ပူးပေါင်းရင်းမြစ်များ

Apocalipsis 5:12

Queꞌxye chi cau xya̱b xcux: Li Jun li chanchan carner li quicamsi̱c, aꞌan xcꞌulub nak ta̱qꞌuehekꞌ xlokꞌal xban nak numtajenak xcuanquil, xbiomal, xnaꞌleb, ut xcacuilal. Ut xcꞌulub nak ta̱qꞌuehekꞌ xlokꞌal, ta̱nima̱k ru ut ta̱lokꞌoni̱k.

Isaías 40:28

¿Ma incꞌaꞌ ta biꞌ nequenau nak li Ka̱cuaꞌ ac aꞌan ajcuiꞌ chalen chak najter kꞌe cutan? Ut, ¿Ma incꞌaꞌ ta biꞌ e̱rabiom nak li Ka̱cuaꞌ, aꞌan li quiyoꞌobtesin re li cꞌaꞌru cuan saꞌ chixjunil li ruchichꞌochꞌ? Aꞌan incꞌaꞌ nalub chi moco nalaj lix metzꞌe̱u. Lix cꞌaꞌux ma̱ ani nataꞌoc re.

Proverbios 16:4

Cuan xya̱lal nak quixyi̱b li cꞌaꞌak re ru li Dios. Ut quixyi̱beb ajcuiꞌ li incꞌaꞌ useb xnaꞌleb re nak teꞌroybeni lix tojbal lix ma̱queb.

Apocalipsis 10:6

ut quixba̱nu li juramento saꞌ xcꞌabaꞌ li Jun li yoꞌyo chi junelic, li quiyoꞌobtesin re li choxa joꞌ ajcuiꞌ li ruchichꞌochꞌ ut chixjunil li cuan chiru, joꞌ ajcuiꞌ li palau ut chixjunil li cuan chi saꞌ. Quixye nak ac xcuulac xkꞌehil. Incꞌaꞌ chic ta̱ba̱yk.

Apocalipsis 14:7

Yo̱ chixyebal chi cau xya̱b xcux: —Chexucua̱k ru li Dios ut cheqꞌue xlokꞌal xban nak xcuulac xkꞌehil nak ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Chelokꞌonihak aꞌan li quiyi̱ban re li choxa, li ruchichꞌochꞌ, ut li palau joꞌqueb ajcuiꞌ li yuꞌam haꞌ, chan.

Apocalipsis 5:9

Queꞌxbicha jun li acꞌ bich ut queꞌxye: A̱cꞌulub xchapbal li botbil hu ut xtebal li sello xban nak la̱at catcamsi̱c. Riqꞌuin la̱ quiqꞌuel xalokꞌeb nabal re nak teꞌoc chokꞌ ralal xcꞌajol li Dios. Yalak ani xacoleb aꞌ yal ani xte̱paleb xxeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Hebreos 1:10

Li Dios quixye cuiꞌchic re li Cꞌajolbej: La̱at, at Ka̱cuaꞌ, saꞌ xticlajic cayi̱b li ruchichꞌochꞌ ut riqꞌuin ajcuiꞌ a̱cuukꞌ cayi̱b li choxa.

Génesis 1:1

Saꞌ xticlajic li Dios quixyi̱b chak li choxa ut li ruchichꞌochꞌ.

Romanos 11:36

Chixjunil li cꞌaꞌ re ru cuan, riqꞌuin li Dios nachal chak. Li Dios quiyi̱ban re chixjunil ut aꞌan aj e̱chal re chixjunil. Lokꞌoninbil taxak li Ka̱cuaꞌ Dios chi junelic kꞌe cutan. Joꞌcan taxak.

Efesios 3:9

Joꞌcan nak tento tinchꞌolob yalak bar lix ya̱lal li naꞌleb li mukmu nak quicuan chak junxil. Chalen chak saꞌ xticlajic chixjunil li naꞌleb aꞌin mukmu chak xban li Dios li quiyi̱ban re chixjunil.

Hechos 14:15

—Ex tenamit, ¿cꞌaꞌut nak nequeba̱nu chi joꞌcan? La̱o yal cui̱nko joꞌ la̱ex. Juntakꞌe̱to e̱riqꞌuin. Aꞌan aj e nak xochal arin saꞌ e̱ya̱nk chixyebal e̱re nak te̱canab li joꞌ ma̱joꞌil naꞌleb. Sicꞌomak ban li yoꞌyo̱quil Dios li quiyi̱ban re li choxa, li ruchichꞌochꞌ, li palau ut chixjunil li cꞌaꞌru cuan.

Jeremías 32:17

—At Ka̱cuaꞌ, at nimajcual Dios, kꞌaxal nim la̱ cuanquil. La̱at catyi̱ban re li choxa ut li ruchichꞌochꞌ riqꞌuin xnimal a̱cuanquil. Ma̱cꞌaꞌ chꞌaꞌaj cha̱cuu la̱at.

Salmos 18:3

At Ka̱cuaꞌ, nacatinlokꞌoni xban nak a̱cꞌulub li lokꞌoni̱c. Ninya̱ba la̱ cꞌabaꞌ ut niquina̱col chiruheb li xicꞌ nequeꞌiloc cue.

Nehemías 9:5

Laj Jesúa, laj Cadmiel, laj Bani, laj Hasabnías, laj Serebías, laj Hodías, laj Sebanías, ut laj Petaías queꞌxye reheb li tenamit: —Cuaclinkex. Qꞌuehomak xlokꞌal li Ka̱cuaꞌ li kaDios, li kꞌaxal nim xcuanquil. Qꞌuehomak xlokꞌal chi junelic. Chiqꞌuehekꞌ taxak xlokꞌal lix lokꞌlaj cꞌabaꞌ ut chinima̱k taxak ru chi junelic kꞌe cutan.—

Hechos 17:24

Ut aꞌan ajcuiꞌ li Dios, li quiyi̱ban re li ruchichꞌochꞌ ut chixjunil li cꞌaꞌak re ru cuan. Aꞌan laj e̱chal re li choxa ut li ruchichꞌochꞌ. Aꞌan incꞌaꞌ nacuan saꞌ junak cab yi̱banbil xban cui̱nk.

2 Samuel 22:4

Tinqꞌue xlokꞌal li Ka̱cuaꞌ xban nak xcꞌulub nak ta̱qꞌuehekꞌ xlokꞌal. Tinya̱ba xcꞌabaꞌ li Ka̱cuaꞌ ut aꞌan ta̱colok cue chiruheb li xicꞌ nequeꞌiloc cue.

Apocalipsis 5:2

Ut quicuil jun li ángel kꞌaxal cau rib ut chi cau xya̱b xcux quixye: —¿Ani li xcꞌulub risinquil li sello ut xtebal li hu? chan.

Li xHu LAJ JOB 36:3

La̱in tinchꞌolob cha̱cuu chi tzꞌakal lix ya̱lal xban nak cuan innaꞌleb re xcꞌutbal cha̱cuu nak li Dios li quiyoꞌobtesin cue, cuan rajbal nak xqꞌue li raylal saꞌ a̱be̱n.

Salmos 68:34

Cheqꞌuehak retal nak kꞌaxal nim xcuanquil li Dios. Aꞌan li kꞌaxal nim xcuanquil saꞌ e̱be̱n la̱ex aj Israel. Kꞌaxal nim xcuanquil joꞌ saꞌ choxa joꞌ saꞌ ruchichꞌochꞌ.

Hebreos 1:2

Aban anakcuan ma̱cuaꞌeb chic li profeta nequeꞌyehoc re li ra̱tin li Dios. Aꞌ chic li Dios Cꞌajolbej. Saꞌ xcꞌabaꞌ aꞌan, li Dios quixyi̱b li ruchichꞌochꞌ ut chixjunil li cꞌaꞌak re ru cuan. Chixjunil li quixyi̱b quicana saꞌ rukꞌ li Dios Cꞌajolbej.

Jeremías 10:11

La̱ex aj Israel, cheyehak reheb li xni̱nkal ru tenamit nak eb lix yi̱banbil dios teꞌisi̱k saꞌ ruchichꞌochꞌ. Ma̱cuaꞌeb li yi̱banbil dios li queꞌyi̱ban re li choxa ut li ruchichꞌochꞌ.

Isaías 40:26

Taksihomak le̱ riloba̱l saꞌ choxa ut te̱qꞌue retal. ¿Ani li quiyoꞌobtesin re li choxa ut lix sahob ru? Aꞌan li Ka̱cuaꞌ li kꞌaxal nim xcuanquil. Aꞌan naxqꞌue li junju̱nk saꞌ xnaꞌaj ut naxqꞌue xcꞌabaꞌ li junju̱nk. Ma̱ jun ta̱paltok.

Deuteronomio 32:4

Li Ka̱cuaꞌ, aꞌan li nacoloc ke joꞌ jun li sako̱nac li nequeꞌxcol cuiꞌ ribeb li tenamit. Li Ka̱cuaꞌ, aꞌan kꞌaxal cha̱bil ut ti̱c xchꞌo̱l. Naxba̱nu li ti̱quilal. Li Ka̱cuaꞌ kꞌaxal cha̱bil. Incꞌaꞌ naxba̱nu li incꞌaꞌ us. Junelic ban naxba̱nu li us ut li ti̱quilal.

Éxodo 20:11

Chiru cuakib cutan li Ka̱cuaꞌ Dios quixyi̱b li choxa, li ruchichꞌochꞌ ut li palau. Quilajxyi̱b chixjunil li cꞌaꞌak re ru cuan saꞌ ruchichꞌochꞌ joꞌ ajcuiꞌ saꞌ choxa. Ut saꞌ xcuuk li cutan quihilan. Joꞌcan nak li Ka̱cuaꞌ Dios quirosobtesi li hiloba̱l cutan ut quixsantobresi.

Apocalipsis 1:6

Aꞌan naqꞌuehoc kacuanquil re tocꞌanjelak chokꞌ aj tij chiru li Acuabej Dios. Lokꞌoninbil taxak li Jesucristo. Nimanbilak taxak ru ut aꞌan taxak chicua̱nk xcuanquil saꞌ xbe̱n chixjunil chi junelic kꞌe cutan. Joꞌcan taxak.

Apocalipsis 19:1

Chirix chic aꞌan quicuabi nak nabaleb queꞌecꞌan saꞌ choxa. Chi cau xya̱b xcuxeb yo̱queb chixyebal: Aleluya. Lokꞌoninbil taxak li Ka̱cuaꞌ. Li kaDios, aꞌan li nacoloc. Aꞌan li kꞌaxal nim xcuanquil ut xcꞌulub nak ta̱lokꞌoni̱k.