Apocalipsis 4:10 - Li Santil hu

¹⁰ Eb li chanchaneb ángel yo̱queb chi lokꞌoni̱nc, ut li ca̱hib xcaꞌcꞌa̱l chi aj cꞌamol be nequeꞌxcuikꞌib ribeb chiru li Ka̱cuaꞌ Dios, li cꞌojcꞌo saꞌ lix cꞌojariba̱l ut queꞌxlokꞌoni xban nak yoꞌyo chi junelic kꞌe cutan ut queꞌxqꞌue lix corona chiru lix cꞌojariba̱l re xqꞌuebal xlokꞌal.

Q'eqchi Bible

¹⁰ eb' li kaahib' xka'k'aal chi cheekel winq neke'xhupub' rib' chiru li k'ojk'o sa' li nimajwal k'ojarib'aal, neke'xloq'oni li yo'yo chi junelik q'e kutan ut neke'xkut li xkorooneb' chiru li nimajwal k'ojarib'aal, yookeb' chi xyeeb'al:

Apocalipsis 4:10 ပူးပေါင်းရင်းမြစ်များ

Apocalipsis 5:8

Nak quixchap li botbil hu, li ca̱hib li chanchaneb ángel ut li ca̱hib xcaꞌcꞌa̱l li cꞌojcꞌo̱queb aran queꞌxcuikꞌib ribeb chiru li Jun li chanchan carner. Cuanqueb x-arpa chi xju̱nkaleb ut cuanqueb xsecꞌ yi̱banbil riqꞌuin oro ut cuan li sununquil ban chi saꞌ retalil lix tijeb li ralal xcꞌajol li Dios.

Apocalipsis 19:4

Ut li ca̱hib xcaꞌcꞌa̱l li cꞌojcꞌo̱queb saꞌ xcꞌojariba̱leb joꞌqueb ajcuiꞌ li ca̱hib li yoꞌyo̱queb li chanchaneb ángel queꞌxcuikꞌib ribeb ut queꞌxlokꞌoni li Dios li cꞌojcꞌo saꞌ li lokꞌlaj cꞌojariba̱l ut queꞌxye: Lokꞌoninbil taxak li Ka̱cuaꞌ. Joꞌcan taxak, chanqueb.

Apocalipsis 11:16

Ut eb li ca̱hib xcaꞌcꞌa̱l li cꞌojcꞌo̱queb saꞌ lix cꞌojariba̱l queꞌxcuikꞌib ribeb ut queꞌxlokꞌoni li Dios.

Salmos 95:6

Cha̱lkex ut kacuikꞌibak kib re xlokꞌoninquil li nimajcual Dios. Takacuikꞌib kib ut takalokꞌoni li Ka̱cuaꞌ li quiyoꞌobtesin ke.

Apocalipsis 4:4

Ut chi xjun sutam li lokꞌlaj cꞌojariba̱l cuanqueb ca̱hib xcaꞌcꞌa̱l chic li cꞌojariba̱l. Ut aran cꞌojcꞌo̱queb li ca̱hib xcaꞌcꞌa̱l li queꞌcꞌamoc chak be chiruheb laj pa̱banel. Sak li rakꞌeb ut cuanqueb xcorona oro saꞌ xjolomeb.

Apocalipsis 7:11

Ut chixjunileb li ángel li cuanqueb chi xjun sutam li lokꞌlaj cꞌojariba̱l ut li ca̱hib li chanchaneb ángel, joꞌqueb ajcuiꞌ li ca̱hib xcaꞌcꞌa̱l li cꞌojcꞌo̱queb aran, queꞌxcuikꞌib ribeb chiru li lokꞌlaj cꞌojariba̱l ut queꞌxlokꞌoni li Dios.

Apocalipsis 5:14

Ut li ca̱hib li yoꞌyo̱queb li chanchaneb ángel, yo̱queb chixyebal: —Joꞌcan taxak.— Ut eb li ca̱hib xcaꞌcꞌa̱l li cꞌojcꞌo̱queb aran queꞌxcuikꞌib ribeb ut queꞌxlokꞌoni li yoꞌyo chi junelic kꞌe cutan.

Apocalipsis 15:4

¿Ma cuan ta biꞌ junak incꞌaꞌ tixxucua a̱cuu? Chixjunileb teꞌxnima a̱cuu, at Ka̱cuaꞌ, xban nak caꞌaj cuiꞌ la̱at ti̱c a̱chꞌo̱l. Chixjunileb li cuanqueb saꞌ li xni̱nkal ru tenamit teꞌcha̱lk ut teꞌxcuikꞌib ribeb cha̱cuu ut tateꞌxlokꞌoni xban nak teꞌxqꞌue retal nak la̱at tatrakok a̱tin saꞌ ti̱quilal.

Salmos 72:11

Chixjunileb li rey teꞌxcuikꞌib ribeb chiru ut teꞌcꞌanjelak chiru chixjunileb li tenamit.

Apocalipsis 4:9

Rajlal nequeꞌxqꞌue xlokꞌal ut nequeꞌxnima ru ut nequeꞌxbantioxi chiru li nimajcual Dios, li yoꞌyo chi junelic kꞌe cutan, li cꞌojcꞌo saꞌ lix lokꞌlaj cꞌojariba̱l.

1 Crónicas 29:20

Chirix aꞌan laj David quixye reheb chixjunileb li tenamit li chꞌutchꞌu̱queb aran: —Lokꞌonihomak li Ka̱cuaꞌ li kaDios, chan. Ut chixjunileb queꞌxlokꞌoni li Ka̱cuaꞌ, lix Dioseb lix xeꞌto̱nil yucuaꞌ. Queꞌxcuikꞌib ribeb saꞌ chꞌochꞌ chiru li Ka̱cuaꞌ ut chiru ajcuiꞌ li rey.

San Mateo 2:11

Ut nak queꞌoc saꞌ li cab, queꞌxtau li cꞌulaꞌal rochben lix María li naꞌbej. Ut queꞌxcuikꞌib rib chiru li Jesús ut queꞌxlokꞌoni. Ut queꞌxte lix cꞌu̱leba̱leb ut queꞌxqꞌue lix ma̱tan. Ut li ma̱tan li queꞌxqꞌue, aꞌan li oro, li incienso ut li sununquil ban mirra xcꞌabaꞌ.

2 Crónicas 7:3

Nak eb laj Israel queꞌril nak quicube chak saꞌ choxa li xam ut lix lokꞌal li Dios quinujac saꞌ li templo chixjunileb queꞌxcuikꞌib ribeb ut queꞌxxulub lix jolom saꞌ chꞌochꞌ ut queꞌxnima ru li Ka̱cuaꞌ ut queꞌxqꞌue xlokꞌal. Queꞌxye: —Kꞌaxal cha̱bil li Ka̱cuaꞌ ut kꞌaxal nim li ruxta̱n saꞌ kabe̱n junelic, chanqueb.

San Lucas 24:52

Nak ac xeꞌxlokꞌoni li Ka̱cuaꞌ, eb aꞌan queꞌsukꞌi cuiꞌchic Jerusalén chi cꞌajoꞌ xsahil saꞌ xchꞌo̱leb.

Salmos 115:1

At Ka̱cuaꞌ, la̱at taxak chiqꞌuehekꞌ a̱lokꞌal. Ma̱cuaꞌ taxak la̱o. La̱at taxak chiqꞌuehekꞌ a̱lokꞌal xban nak la̱at li nacatcꞌutuc lix ya̱lal chiku ut la̱at li nacat-uxta̱nan ku.

Li xHu LAJ JOB 1:20

Nak quirabi aꞌan, laj Job quicuacli ut quixpej li rakꞌ ut quixbes li rismal retalil lix rahil xchꞌo̱l ut quixcuikꞌib rib saꞌ chꞌochꞌ ut quixlokꞌoni li Dios.

1 Corintios 15:10

Abanan xban rusilal li Dios nak la̱in apóstol. Ut li rusilal li Dios incꞌaꞌ quicana chi ma̱cꞌaꞌ rajbal xban nak kꞌaxal cau cuiꞌchic nincꞌanjelac chiru chixjunileb li apóstol. Aban ma̱cuaꞌ injunes nincꞌanjelac. Li Dios natenkꞌan cue xban xnimal rusilal li xinma̱tani.

Deuteronomio 32:40

La̱in nintaksi li cuukꞌ saꞌ choxa ut ninye: La̱in li yoꞌyo̱quil Dios chi junelic kꞌe cutan.

Salmos 47:8

Li Dios, aꞌan cuan saꞌ lix lokꞌlaj cꞌojariba̱l ut riqꞌuin xnimal xcuanquil, aꞌan nataklan saꞌ xbe̱neb li xni̱nkal ru tenamit.

Isaías 6:1

Saꞌ li chihab nak quicam li rey Uzías, chanchan matqꞌuenbil quinba̱nu nak quixcꞌutbesi rib li Ka̱cuaꞌ chicuu. Quicuil nak cꞌojcꞌo saꞌ xbe̱n jun cꞌojariba̱l saꞌ jun naꞌajej najt xteram ut ma̱ cꞌajoꞌ xchakꞌal ru. Ut quinujac li rochoch li Dios riqꞌuin li rakꞌ.

Daniel 4:34

—Nak ac xnumeꞌ li cuukub chihab, chan li rey Nabucodonosor, la̱in quin-iloc saꞌ choxa ut quiqꞌueheꞌ cuiꞌchic cue lin naꞌleb. Ut la̱in quinlokꞌoni li nimajcual Dios. Quinqꞌue xlokꞌal li Ka̱cuaꞌ li yoꞌyo chi junelic. Aꞌan li cuan xcuanquil chi junelic kꞌe cutan.

Daniel 12:7

Ut li jun li lino rakꞌ, li cuan saꞌ xbe̱n li haꞌ, quixtaksi li rukꞌ xcabichal ut quicuabi nak quixpatzꞌ xcꞌabaꞌ li Dios li cuan chi junelic kꞌe cutan ut quixye nak li sachba chꞌo̱lej aꞌin ta̱cꞌulma̱nk chiru oxib chihab riqꞌuin media. Nak acak xsacheꞌ xcuanquileb lix tenamit li Dios, ta̱rakekꞌ xcꞌulbal chixjunil aꞌin, chan.

Apocalipsis 4:2

Ut saꞌ li visión li quixcꞌutbesi chicuu li Dios riqꞌuin xcuanquil li Santil Musikꞌej, quicuil saꞌ choxa jun li lokꞌlaj cꞌojariba̱l. Ut quicuil nak cuan jun cꞌojcꞌo saꞌ li cꞌojariba̱l aꞌan.

Apocalipsis 10:6

ut quixba̱nu li juramento saꞌ xcꞌabaꞌ li Jun li yoꞌyo chi junelic, li quiyoꞌobtesin re li choxa joꞌ ajcuiꞌ li ruchichꞌochꞌ ut chixjunil li cuan chiru, joꞌ ajcuiꞌ li palau ut chixjunil li cuan chi saꞌ. Quixye nak ac xcuulac xkꞌehil. Incꞌaꞌ chic ta̱ba̱yk.

Apocalipsis 15:7

Ut jun reheb li ca̱hib li yoꞌyo̱queb li chanchaneb ángel, quixqꞌue reheb li cuukub chi ángel li cuukub chi secꞌ oro nujenak riqꞌuin xjoskꞌil li Dios, li yoꞌyo chi junelic kꞌe cutan.