Apocalipsis 3:7 - Li Santil hu

⁷ Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Filadelfia, ut ta̱ye re: Li ti̱c xchꞌo̱l ut li tzꞌakal Dios, aꞌan cuan xcuanquilal joꞌ li cuanquil li quiqꞌueheꞌ re laj David junxil. Li oqueba̱l li tixte aꞌan, ma̱ ani naru ta̱tzꞌapok re; ut li oqueba̱l li tixtzꞌap aꞌan, ma̱ ani naru ta̱tehok re.

Q'eqchi Bible

⁷ “Tz'iib'an rik'in li x'ánjel li Iklees li wank Filadelfia: «A'in naxye li Sant, li Paab'ajel, li wank xlaaw laj David rik'in: naq a'an natehok, maa'ani taaruhanq chi xtz'apb'al; naq a'an natz'apok, maa'ani taaruhanq chi xteeb'al.

Apocalipsis 3:7 ပူးပေါင်းရင်းမြစ်များ

Isaías 22:22

Tinqꞌue li i̱k saꞌ xbe̱n re nak aꞌan chic ta̱ilok re li rochocheb li ralal xcꞌajol li rey David. Li oqueba̱l li tixte aꞌan, ma̱ ani naru ta̱tzꞌapok re. Ut li oqueba̱l li tixtzꞌap aꞌan, ma̱ ani naru ta̱tehok re.

San Mateo 16:19

Ut la̱in tinqꞌue a̱cuanquil saꞌ xbe̱neb li ani teꞌpa̱ba̱nk cue. Ut chixjunil li cꞌaꞌru ta̱cꞌu̱b ru saꞌ xya̱lal saꞌ ruchichꞌochꞌ, li Dios tixcꞌu̱b ajcuiꞌ ru saꞌ choxa. Li cꞌaꞌru ta̱ye us arin saꞌ ruchichꞌochꞌ, li Dios tixye ajcuiꞌ nak us. Ut li cꞌaꞌru ta̱ye incꞌaꞌ us, li Dios tixye ajcuiꞌ nak incꞌaꞌ us.—

Apocalipsis 1:18

La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

Li xHu LAJ JOB 12:14

Li cꞌaꞌru naxpoꞌ ru li Dios, ma̱ ani chic naru nayi̱ban re. Cui li Dios naraj tixba̱nu raylal re junak cristian, tixba̱nu. Ma̱ ani naru ta̱colok re chiru.

Apocalipsis 6:10

Ut queꞌxye chi cau xya̱b xcux: —At nimajcual Dios, la̱at Santo ut la̱at ti̱c a̱chꞌo̱l. ¿Jokꞌe tatrakok a̱tin saꞌ xbe̱neb li tenamit xban li raylal xeꞌxba̱nu ke? Ut, ¿jokꞌe ta̱qꞌue re̱kaj reheb nak xoeꞌxcamsi? chanqueb.

San Juan 14:6

Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

San Lucas 1:32

Nimak xcuanquil nak ta̱cua̱nk ut chixjunileb teꞌnaꞌok re nak aꞌan tzꞌakal Ralal li Dios. Ut li Ka̱cuaꞌ ta̱qꞌuehok xcuanquil chi takla̱nc joꞌ nak quicuan chi takla̱nc li rey David lix xeꞌto̱nil yucuaꞌ.

San Marcos 1:24

Li cui̱nk aꞌan quixjap re ut quixye: —¿Cꞌaꞌru ta̱cuaj kiqꞌuin, at Jesús aj Nazaret? ¿Ma chikasachbal xatchal? Ninnau anihat la̱at. La̱at lix Santil Alal li Dios, chan.

Isaías 41:14

Mexxucuac, la̱ex li ralal xcꞌajolex laj Jacob. Mexxucuac la̱ex aj Israel usta ma̱cꞌaꞌ e̱cuanquil ut usta incꞌaꞌ qꞌuihex. La̱in tintenkꞌa̱nk e̱re, chan li Ka̱cuaꞌ. La̱in aj Colol e̱re. La̱in le̱ santil Dios la̱ex aj Israel.

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

Apocalipsis 19:11

Ut teto li choxa nak quicuil. Quicuil jun li cacua̱y sak rix. Ut lix cꞌabaꞌ li cꞌojcꞌo chirix li cacua̱y, aꞌan “Tzꞌakal Dios” ut “Ti̱c Xchꞌo̱l”, xban nak aꞌan saꞌ ti̱quilal ta̱rakok a̱tin ut saꞌ ti̱quilal ta̱pletik.

Apocalipsis 3:14

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Laodicea ut ta̱ye re: Li ani naxcꞌabaꞌin “Amén”, li junelic ti̱c xchꞌo̱l chixyebal li ya̱l, li ac cuan chak nak quiyi̱ba̱c chak li ruchichꞌochꞌ ut chixjunil li cꞌaꞌak re ru cuan, naxye e̱re chi joꞌcaꞌin:

Isaías 54:5

La̱in li Ka̱cuaꞌ li quinyoꞌobtesin e̱re. Chanchanakin le̱ be̱lom. “Nimajcual Dios” incꞌabaꞌ. La̱in li Ka̱cuaꞌ lix santil Dios laj Israel. La̱in tincolok e̱re. La̱in li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ.

Apocalipsis 5:9

Queꞌxbicha jun li acꞌ bich ut queꞌxye: A̱cꞌulub xchapbal li botbil hu ut xtebal li sello xban nak la̱at catcamsi̱c. Riqꞌuin la̱ quiqꞌuel xalokꞌeb nabal re nak teꞌoc chokꞌ ralal xcꞌajol li Dios. Yalak ani xacoleb aꞌ yal ani xte̱paleb xxeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Apocalipsis 1:11

Quixye cue: —Li cꞌaꞌru tincꞌutbesi cha̱cuu ta̱tzꞌi̱ba saꞌ jun li botbil hu ut ta̱takla riqꞌuineb li cuukub chꞌu̱taleb laj pa̱banel li cuanqueb saꞌ xcue̱nt Asia. Takla riqꞌuineb li cuanqueb Éfeso, Esmirna, ut Pérgamo. Ut ta̱takla ajcuiꞌ riqꞌuineb li cuanqueb Tiatira, Sardis, Filadelfia ut Laodicea, chan.

Hechos 3:14

La̱ex incꞌaꞌ queraj xcolbal rix li santil cui̱nk aꞌin, li ti̱c xchꞌo̱l. Aꞌ chic laj camsinel queqꞌue chi achꞌaba̱c.

San Mateo 24:35

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk chixjunil li cꞌaꞌak re ru xinye.

Apocalipsis 1:5

Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Jesucristo li ti̱c xchꞌo̱l chixyebal li ya̱l. Li Jesucristo aꞌan li xbe̱n li quicuacli chi yoꞌyo saꞌ xya̱nkeb li camenak. Aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Aꞌan quirahoc ke ut aꞌan qui-isin re li kama̱c nak quihoyeꞌ lix quiqꞌuel nak quicam saꞌ kacꞌabaꞌ.

San Lucas 4:34

—Canabo kajunes. ¿Cꞌaꞌru ta̱cuaj kiqꞌuin, at Jesús aj Nazaret? ¿Ma xatchal chikasachbal? La̱in ninnau nak la̱at lix Santil Alal li Dios, chan.

Isaías 55:5

Chaqꞌuehak retal. Ta̱bokeb li tenamit li incꞌaꞌ xanauheb chak ru. Ut eb li tenamit, li incꞌaꞌ xeꞌxnau a̱cuu teꞌxic a̱cuiqꞌuin saꞌ a̱nil saꞌ incꞌabaꞌ la̱in, li Dios Santo, lix Dioseb laj Israel li ninqꞌuehoc a̱lokꞌal.—

Apocalipsis 15:3

Yo̱queb chixbichanquil li bich li quixbicha laj Moisés laj cꞌanjel chiru li Dios re xlokꞌoninquil li Jun li chanchan carner. Ut yo̱queb chixyebal: At Ka̱cuaꞌ, at nimajcual Dios, nim a̱cuanquil ut sachba chꞌo̱lej rilbal li nacaba̱nu. Kꞌaxal ti̱c a̱chꞌo̱l ut junelic nacaye li ya̱l. La̱at li tzꞌakal rey. Kꞌaxal nim a̱cuanquil saꞌ xbe̱neb chixjunileb li tenamit.

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

Isaías 48:17

Li Dios Santo, le̱ Dios la̱ex aj Israel, laj Colol e̱re, quixye chi joꞌcaꞌin: —La̱in li Ka̱cuaꞌ le̱ Dios. La̱in nincꞌutuc che̱ru li cꞌaꞌru te̱ba̱nu re nak us tex-e̱lk. La̱in ninberesin e̱re re nak te̱ba̱nu li us.

Isaías 47:4

Laj Colol ke, aꞌan li nimajcual Dios, lix santil Dios eb laj Israel. Naxye:

Isaías 41:20

Tinba̱nu chixjunil aꞌin re nak eb li tenamit teꞌxqꞌue retal nak la̱in li Ka̱cuaꞌ xinba̱nun re aꞌan. Teꞌxnau nak li Ka̱cuaꞌ lix Dioseb laj Israel quiba̱nun re chixjunil.

Isaías 41:16

Te̱ra̱linaheb chi najt. Chanchan nak te̱cuteb saꞌ li ikꞌ ut teꞌcꞌamekꞌ ut telajeꞌjeqꞌui̱k yalak bar. Ut la̱ex ta̱sahokꞌ saꞌ e̱chꞌo̱l riqꞌuin li Ka̱cuaꞌ. Ta̱sahokꞌ saꞌ e̱chꞌo̱l riqꞌuin li Dios santo li nequelokꞌoni la̱ex aj Israel.

Isaías 6:3

Ut queꞌxjap re chi ribileb rib chixyebal: —Santo, santo, santo li Ka̱cuaꞌ li nimajcual Dios. Chixjunil li ruchichꞌochꞌ nujenak riqꞌuin lix nimal xlokꞌal, chanqueb.

Salmos 145:17

Li nimajcual Dios naxba̱nu chixjunil saꞌ ti̱quilal. Ut junelic na-uxta̱nan u.

Salmos 89:18

At nimajcual Dios, la̱at li nacatcoloc ke. La̱at li karey la̱o aj Israel. La̱at santo.

Li xHu LAJ JOB 11:10

Cui li Dios ta̱raj ta̱rakok a̱tin saꞌ a̱be̱n, ma̱ ani ta̱ru̱k ta̱yehok re nak incꞌaꞌ tixba̱nu.

Apocalipsis 21:5

Li cꞌojcꞌo saꞌ li cꞌojariba̱l quixye: —La̱in tinacꞌobresi chixjunil li cꞌaꞌak re ru.— Ut quixye ajcuiꞌ: —Tzꞌi̱ba retalil aꞌin xban nak li a̱tin aꞌin tzꞌakal ya̱l ut us xpa̱banquil.—

Apocalipsis 19:2

Aꞌan ti̱c xchꞌo̱l chi rakoc a̱tin saꞌ xya̱lal. Aꞌan xrakoc a̱tin saꞌ xbe̱n li nimla tenamit li chanchan jun li ixk naxcꞌayi rib. Xban nak numtajenak lix ma̱usilal, aꞌan quipoꞌoc ruheb li tenamit li cuanqueb saꞌ ruchichꞌochꞌ. Li Dios xqꞌueheb chixtojbal rix lix ma̱queb xban nak queꞌxcamsi nabaleb laj cꞌanjel chiru.

Apocalipsis 16:7

Ut quicuabi jun yo̱ chak chi a̱tinac saꞌ li artal. Ut quixye: Relic chi ya̱l, at Ka̱cuaꞌ, at nimajcual Dios, La̱at nacatrakoc a̱tin saꞌ xya̱lal ut saꞌ ti̱quilal, chan.

Apocalipsis 4:8

Cuan cuakitk xiqꞌueb li junju̱nk. Nabal li xnakꞌeb ru cuan xcaꞌ pacꞌalil. Chi kꞌek chi cutan yo̱queb chixyebal: Santo, santo, santo. Lokꞌoninbil taxak ru li Ka̱cuaꞌ Dios li kꞌaxal nim xcuanquil, li ac cuan ajcuiꞌ chak saꞌ xticlajic, li cuan anakcuan ut li cua̱nk chi junelic.

Apocalipsis 2:1

Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Éfeso ut ta̱ye re chi joꞌcaꞌin: —Li cuan cuukub chi chahim saꞌ xnim ukꞌ, li yo̱ chi be̱c saꞌ xya̱nkeb li cuukub chi candelero yo̱ chixyebal e̱re chi joꞌcaꞌin:

Isaías 30:11

Elenkex chiku. Canabomak xba̱nunquil li us li yo̱quex chixba̱nunquil. Incꞌaꞌ chic nakaj rabinquil li cꞌaꞌru nequeye chirix li kaDios santo, la̱o aj Israel, chanqueb.

Salmos 16:10

At inDios, la̱in ninnau nak tina̱cuaclesi cuiꞌchic chi yoꞌyo saꞌ xya̱nkeb li camenak. Ut ninnau ajcuiꞌ nak incꞌaꞌ ta̱canab chi osocꞌ chi junaj cua li sicꞌbil ru a̱ban.