Apocalipsis 3:19 - Li Santil hu

¹⁹ Li ani nequebinra, nintijeb ut ninkꞌuseb. Joꞌcan nak ninye e̱re nak jalomak e̱cꞌaꞌux ut qꞌuehomak e̱chꞌo̱l chinpa̱banquil.

Q'eqchi Bible

¹⁹ «Laa'in chixjunileb' li nekeb'inra, nekeb'inq'us ut nekeb'intij. K'e b'i' aach'ool ut jal aak'a'uxl.

Apocalipsis 3:19 ပူးပေါင်းရင်းမြစ်များ

1 Corintios 11:32

Ut nak narakman a̱tin saꞌ kabe̱n xban li Ka̱cuaꞌ nocokꞌuseꞌ re nak incꞌaꞌ tzꞌekta̱nanbilako kochbeneb li incꞌaꞌ nequeꞌpa̱ban.

Apocalipsis 2:5

Cheqꞌuehak retal cꞌaꞌru xexpaltoꞌ cuiꞌ. Chijulticokꞌ e̱re chanru nak xine̱ra chak junxil. Yotꞌomak e̱chꞌo̱l ut jalomak e̱cꞌaꞌux ut chine̱rahak cuiꞌchic joꞌ nak xine̱ra chak junxil. Cui incꞌaꞌ ta̱yotꞌekꞌ e̱chꞌo̱l ut te̱jal e̱cꞌaꞌux, la̱in tincuisi le̱ candelero saꞌ xnaꞌaj chi junpa̱t.

Li xHu LAJ JOB 5:17

Us xak re li cui̱nk li nakꞌuseꞌ xban li Dios. Joꞌcan nak ma̱tzꞌekta̱na la̱ kꞌusbal li naxqꞌue li nimajcual Dios.

2 Corintios 7:11

Qꞌuehomak retal chanru nak xextenkꞌa̱c xban nak xecuy li raylal joꞌ naraj li Dios. Quixqꞌue xcacuil e̱chꞌo̱l saꞌ le̱ pa̱ba̱l. Anakcuan nequeraj rilbal cuu ut nequeraj xpatzꞌbal xcuybal le̱ ma̱c. Nachal chic e̱joskꞌil ut e̱xiu xban li incꞌaꞌ us li nequeꞌxba̱nu li cuanqueb saꞌ e̱ya̱nk. Nequeraj nak laj ma̱c teꞌxtoj rix lix ma̱queb. Riqꞌuin chixjunil aꞌin nacꞌutun nak la̱ex ma̱cꞌaꞌ e̱ma̱c riqꞌuin li cꞌaꞌru quicꞌulman.

Jeremías 31:18

La̱in quicuabi nak eb li ralal xcꞌajol laj Efraín yo̱queb chi ya̱bac xban li raylal yo̱queb chixcꞌulbal. Ut queꞌxye, “Xoa̱tij joꞌ nak natijeꞌ junak bo̱yx toj sa̱j li ma̱jiꞌ tijbil. Ut xkacꞌul li kakꞌusbal. At Ka̱cuaꞌ, choa̱cꞌul ta cuiꞌchic xban nak nakaj cuiꞌchic sukꞌi̱c a̱cuiqꞌuin. La̱at li kaDios.

Jeremías 10:24

At Ka̱cuaꞌ, choa̱kꞌus taxak saꞌ ti̱quilal. Moa̱kꞌus saꞌ joskꞌil ma̱re anchal incꞌaꞌ takacuy.

Jeremías 7:28

La̱at ta̱ye reheb: La̱ex aj Israel, la̱ex jun li tenamit li incꞌaꞌ xeba̱nu li cꞌaꞌru xye e̱re li Ka̱cuaꞌ. Incꞌaꞌ xecꞌu̱luban le̱ kꞌusbal xqꞌue e̱re li Ka̱cuaꞌ le̱ Dios. Incꞌaꞌ nequexcuan saꞌ xya̱lal, chi moco nequeye li ya̱l.

Isaías 26:16

At Ka̱cuaꞌ, la̱at coa̱qꞌue chixtojbal li kama̱c ut cotijoc cha̱cuu. Nak yo̱co chixcꞌulbal li raylal, xkatzꞌa̱ma katenkꞌanquil a̱cue.

Proverbios 22:15

Eb li cocꞌal nequeꞌxba̱nu li incꞌaꞌ us xban nak ma̱cꞌaꞌeb xnaꞌleb. Abanan cui teꞌqꞌuehekꞌ chi tzꞌu̱m teꞌxtau xnaꞌleb.

Proverbios 15:32

Li ani incꞌaꞌ naxqꞌue saꞌ xchꞌo̱l lix kꞌusbal, aꞌan xjunes naxtzꞌekta̱na rib. Abanan li ani naxqꞌue saꞌ xchꞌo̱l lix kꞌusbal naxtau xnaꞌleb.

Salmos 69:9

Cꞌajoꞌ nak ninra la̱ cuochoch ut nayotꞌeꞌ inchꞌo̱l nak nequeꞌxba̱nu li incꞌaꞌ us saꞌ la̱ cuochoch. Saꞌ inbe̱n quinak la̱ majecuanquil li queꞌxba̱nu eb li queꞌhoboc a̱cue.

Salmos 39:11

Nak nacakꞌuseb li nequeꞌma̱cob, nacaqꞌueheb chixtojbal rix lix ma̱queb. Nak nacasach li cꞌaꞌru lokꞌ chiruheb, chanchan nak nacꞌuxeꞌ li tꞌicr xban lix xulel. Relic chi ya̱l li kayuꞌam ma̱cꞌaꞌ na-oc cuiꞌ.

Deuteronomio 8:5

Chijulticokꞌ e̱re nak li Ka̱cuaꞌ le̱ Dios naxtijeb li ralal xcꞌajol joꞌ nak li yucuaꞌbej naxtij li ralal xcꞌajol.

Santiago 1:12

Us xak reheb li nequeꞌxcuy xnumsinquil li raylal ut incꞌaꞌ nequeꞌchꞌinan xchꞌo̱l. Li ani naxcuy xnumsinquil li yalecꞌ teꞌxcꞌul lix ma̱tan li naxyechiꞌi li Dios reheb li nequeꞌrahoc re. Ut lix ma̱taneb, aꞌan li yuꞌam chi junelic.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Romanos 12:11

Qꞌuehomak e̱chꞌo̱l chi cꞌanjelac chiru li Ka̱cuaꞌ. Mexcꞌanjelac chi yal minbil e̱ru. Chexcꞌanjelak ban chiru li Ka̱cuaꞌ chi anchal e̱chꞌo̱l.

Jeremías 30:11

La̱in cua̱nkin e̱riqꞌuin ut la̱in tincolok e̱re. Usta tinsacheb ru chi junaj cua li tenamit li xexinjeqꞌui cuiꞌ, abanan la̱in incꞌaꞌ tinsach e̱ru chi junaj cua. La̱in tinkꞌusuk e̱re, abanan tinba̱nu saꞌ ti̱quilal. Incꞌaꞌ texincanab chi incꞌaꞌ te̱toj rix le̱ ma̱c.

Salmos 94:10

¿Ma ma̱cuaꞌ ta biꞌ li Dios nakꞌusuc reheb li tenamit? ¿Ma incꞌaꞌ ta biꞌ tixqꞌue chixtojbal xma̱queb li incꞌaꞌ useb xnaꞌleb? ¿Ma ma̱cuaꞌ ta biꞌ aꞌan naqꞌuehoc xnaꞌlebeb li cristian? ¿Ma incꞌaꞌ ta biꞌ tixnau chixjunil li cꞌaꞌru na-uxman?

Salmos 6:1

At Ka̱cuaꞌ, mina̱kꞌus chi yo̱ a̱joskꞌil, ut mina̱qꞌue chixtojbal inma̱c xban a̱joskꞌil.

2 Samuel 7:14

La̱inak lix yucuaꞌ ut aꞌanak li cualal. Nak tixba̱nu li incꞌaꞌ us, la̱in tinkꞌusuk re, ut tinqꞌue chixtojbal xma̱c, joꞌ nak naxkꞌus ut naxqꞌue chi tzꞌu̱m li ralal junak yucuaꞌbej.

2 Corintios 6:9

Cuan li nequeꞌxba̱nu joꞌ li incꞌaꞌ nequeꞌxnau ku, abanan chixjunileb nequeꞌxnau ku. Caꞌchꞌin chic ma̱ xocam, abanan toj yoꞌyo̱co. Kꞌaxal ra xkacꞌul abanan li Dios incꞌaꞌ nocoxcanab chi camsi̱c.

San Juan 2:17

Tojoꞌnak quinak saꞌ xchꞌo̱leb lix tzolom nak tzꞌi̱banbil retalil saꞌ li Santil Hu li naxye chi joꞌcaꞌin: La̱in ninra la̱ cuochoch ut narahoꞌ saꞌ inchꞌo̱l nak nequeꞌxba̱nu li incꞌaꞌ us saꞌ la̱ cuochoch. (Sal. 69:9)

Proverbios 15:10

Li nequeꞌxcanab xba̱nunquil li us tento xkꞌusbaleb chi cau. Li ani xicꞌ naril lix kꞌusbal ta̱ca̱mk.

Gálatas 4:18

Us cui teꞌraj e̱tenkꞌanquil cui chi anchal xchꞌo̱leb teꞌxba̱nu. Abanan tento teꞌxba̱nu chi junelic ut ma̱cuaꞌ caꞌaj cuiꞌ nak cuanquin e̱riqꞌuin.

Sofonías 3:2

Incꞌaꞌ queꞌrabi li cꞌaꞌru quixye li Dios chi moco queꞌxcꞌul lix kꞌusbaleb li quixqꞌue. Incꞌaꞌ queꞌxcꞌojob xchꞌo̱l riqꞌuin li Dios chi moco queꞌxsicꞌ.

Jeremías 2:30

Ma̱cꞌaꞌ rajbal nak quebinkꞌus chi cau le̱ ralal e̱cꞌajol xban nak incꞌaꞌ queꞌxqꞌue saꞌ xchꞌo̱l lix tijbaleb. La̱ex xecamsiheb li profeta joꞌ nak li cakcoj naxcamsi lix tib.

San Mateo 25:7

Ut li laje̱b chi tukꞌ ixk queꞌaj ru ut queꞌoc xyi̱banquil lix candil.