Apocalipsis 3:17 - Li Santil hu

¹⁷ La̱ex nequeye nak biomex ut cuan chixjunil li cꞌaꞌru e̱re. “Ma̱cꞌaꞌ napaltoꞌ ke,” chanquex. Abanan incꞌaꞌ nequeqꞌue retal nak kꞌaxal ra cuanquex. Chanchan nebaꞌex ut mutzꞌex. Chanchan tꞌustꞌu̱quex xban nak incꞌaꞌ niquine̱pa̱b. Kꞌaxal tokꞌoba̱l e̱ru.

Q'eqchi Bible

¹⁷ B'ihomin -chankat- xinb'ihomo'k, maak'a' namajelo'k we. Ut ink'a' nakanaw naq maak'a' wank aawe, xtoq'ob'aal aawu, neb'a'at, mutz'at ut t'ust'uukat.

Apocalipsis 3:17 ပူးပေါင်းရင်းမြစ်များ

Proverbios 13:7

Cuanqueb li cristian nacꞌutun nak biomeb, usta ma̱cꞌaꞌ cuan reheb. Ut cuanqueb ajcuiꞌ li cristian nacꞌutun nak nebaꞌeb usta biomeb.

Oseas 12:8

Eb li ralal xcꞌajol laj Efraín nequeꞌxye: —Chi ya̱l nak xobiomoꞌ. Xkatau kabiomal chokꞌ ke. Ma̱ ani ta̱yehok ke nak incꞌaꞌ us xkaba̱nu. Ma̱ ani ta̱yehok ke nak ma̱c xkaba̱nu riqꞌuin li kacꞌanjel, chanqueb.

Apocalipsis 2:9

La̱in ninnau chanru cuanquex. Ninnau chixjunil li raylal nequecꞌul. Ninnau nak nebaꞌex. Abanan cuan e̱biomal riqꞌuin li Dios. Ninnau nak nequexmajecua̱c xbaneb li nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Aj cꞌanjeleb ban chiru laj tza.

Romanos 7:24

¡Cꞌajoꞌ xtokꞌoba̱l cuu! ¿Ani ta̱colok cue chiru lin najter naꞌleb li nacꞌamoc chak re li ca̱mc saꞌ inbe̱n?

San Lucas 1:53

Li ma̱cꞌaꞌ cuan reheb naxqꞌue chi nabal cꞌaꞌru reheb. Ut eb li biom naxtaklaheb chi ma̱cꞌaꞌ cuan reheb.

San Mateo 9:12

Nak quirabi li cꞌaꞌru quipatzꞌeꞌ reheb lix tzolom, li Jesús quixye: —Li cauheb ma̱cꞌaꞌ na-oc cuiꞌ aj banonel reheb. Aban li yajeb, aꞌaneb li teꞌraj banecꞌ.

Apocalipsis 16:15

Ut la̱in quicuabi nak li Ka̱cuaꞌ quixye: —La̱in tincha̱lk chi ma̱cꞌaꞌ saꞌ xchꞌo̱leb li tenamit joꞌ nak nachal laj e̱lkꞌ. Us xak re li ani nayoꞌlec re cuoybeninquil ut incꞌaꞌ nachꞌinan xchꞌo̱l saꞌ xpa̱ba̱l. Aꞌan incꞌaꞌ ta̱xuta̱na̱k chicuu nak tincꞌulu̱nk xban nak ti̱c xchꞌo̱l, chan.

Romanos 12:3

Xban ruxta̱n li Dios nak qꞌuebil cue lin cꞌanjel. Joꞌcan nak ninchꞌolob xya̱lal che̱ru re nak incꞌaꞌ te̱nimobresi e̱rib. Cheqꞌuehak ban xcuanquil le̱ cꞌanjel qꞌuebil e̱re xban li Dios saꞌ xcꞌabaꞌ le̱ pa̱ba̱l.

Génesis 3:7

Tojoꞌnak chi xcabichaleb queꞌxnau chic cꞌaꞌru li us ut cꞌaꞌru li incꞌaꞌ us. Queꞌxqꞌue retal nak tꞌustꞌu̱queb. Queꞌxboj xak li cheꞌ higuera xcꞌabaꞌ chokꞌ ru̱chileb li rakꞌ. Ut riqꞌuin aꞌan queꞌxtzꞌap ribeb.

2 Pedro 1:9

Li ani incꞌaꞌ naxba̱nu li cꞌaꞌak re ru aꞌin, aꞌan chanchan jun li mutzꞌ malaj chanchan jun li incꞌaꞌ na-iloc chi tzꞌakal. Li jun aꞌan incꞌaꞌ naxqꞌue saꞌ xchꞌo̱l nak ac colbil chic chiru li ma̱c li quixba̱nu junxil.

San Mateo 5:3

—Us xak reheb li nequeꞌrecꞌa nak cubenak xcuanquileb xban nak eb aꞌan cua̱nkeb chic rubel lix nimajcual cuanquilal li Dios.

San Lucas 6:24

Abanan, la̱ex li biomex raylal cha̱lel saꞌ e̱be̱n xban nak ac xecꞌojob e̱chꞌo̱l arin saꞌ ruchichꞌochꞌ.

Zacarías 11:5

Eb li nequeꞌlokꞌoc reheb li carner, nequeꞌxcamsi ut nequeꞌxcꞌoxla nak ma̱cꞌaꞌeb xma̱c. Ut eb li nequeꞌcꞌayin reheb nequeꞌxye: —Bantiox xak re li Ka̱cuaꞌ nak yo̱co chi biomocꞌ. Chi moco laj ilol reheb nequeꞌril xtokꞌoba̱l ruheb li carner.

Éxodo 32:35

Ut li Ka̱cuaꞌ Dios quixtakla jun raylal saꞌ xbe̱neb li tenamit xban nak queꞌxqꞌue chi yi̱ba̱c li cuacax oro xban laj Aarón.

Romanos 11:25

Ex herma̱n, nacuaj nak te̱nau jun li naꞌleb mukmu nak quicuan, li quicꞌutbesi̱c chak xya̱lal chicuu. Cui te̱nau aꞌin incꞌaꞌ te̱nimobresi e̱rib riqꞌuin xcꞌoxlanquil nak cuan e̱naꞌleb. Eb laj judío li incꞌaꞌ queꞌpa̱ban queꞌcacuubresi̱c lix chꞌo̱leb. Abanan eb aꞌan teꞌpa̱ba̱nk ajcuiꞌ nak talajeꞌpa̱ba̱nk lix qꞌuialeb li ma̱cuaꞌeb aj judío.

Romanos 11:20

Ya̱l ajcuiꞌ nequeye, aban xban nak incꞌaꞌ nequeꞌpa̱ban joꞌcan nak queꞌisi̱c. Ut la̱ex chic quexletzeꞌ saꞌ xnaꞌajeb aꞌan xban nak nequexpa̱ban. Joꞌcan nak chexucua ru li Dios ut me̱nimobresi e̱rib.

Jeremías 2:31

La̱ex aj Israel, ¿cꞌaꞌut nak incꞌaꞌ nequerabi li cꞌaꞌru ninye e̱re? ¿Ma la̱in ta biꞌ joꞌ jun li naꞌajej chaki che̱ru? ¿Ma la̱in joꞌ jun li kꞌojyi̱n nak nequecꞌoxla? ¿Ma ma̱cꞌaꞌ nin-oc cuiꞌ che̱ru? ¿Cꞌaꞌut nak nequeye nak te̱ba̱nu li cꞌaꞌru nequeraj? ¿Cꞌaꞌut nak nequeye nak incꞌaꞌ chic texsukꞌi̱k cuiqꞌuin?

Isaías 42:19

¿Aniheb li chanchaneb mutzꞌ? Aꞌaneb lin tenamit. Ut, ¿aniheb li chanchaneb tzꞌap xic? Aꞌaneb li sicꞌbileb ru inban li quebintakla chixchꞌolobanquil lix ya̱lal.

Proverbios 30:9

Cui nabal ta̱qꞌue cue, ma̱re tatintzꞌekta̱na ut ma̱re tinye nak incꞌaꞌ ninnau a̱cuu. Ut cui incꞌaꞌ tzꞌakal li cꞌaꞌru cuan cue, ma̱re tin-elkꞌak ut tincꞌut a̱xuta̱n, at inDios, chan.

Apocalipsis 3:16

Xban nak xcab rix e̱chꞌo̱l nak yo̱quex chinpa̱banquil, la̱in texintzꞌekta̱na. Chanchan texinxaꞌcua nak texintzꞌekta̱na.