Apocalipsis 3:15 - Li Santil hu

¹⁵ La̱in ninnau chanru nak cuanquex. La̱ex incꞌaꞌ yo̱quex chinpa̱banquil chi anchal e̱chꞌo̱l, chi moco yo̱quex chintzꞌekta̱nanquil. Us raj nak tine̱pa̱b chi anchal e̱chꞌo̱l malaj ut tine̱tzꞌekta̱na raj chi junaj cua. Abanan la̱ex chanchanex li haꞌ moco tik ta, chi moco que. Yal lulu ban.

Q'eqchi Bible

¹⁵ Ninnaw laab'aanuhom; moko kehat ta chi moko tiqat. Us rajan kehat ta malaj tiqat taxaq!

Apocalipsis 3:15 ပူးပေါင်းရင်းမြစ်များ

Romanos 12:11

Qꞌuehomak e̱chꞌo̱l chi cꞌanjelac chiru li Ka̱cuaꞌ. Mexcꞌanjelac chi yal minbil e̱ru. Chexcꞌanjelak ban chiru li Ka̱cuaꞌ chi anchal e̱chꞌo̱l.

San Mateo 6:24

Ma̱ ani naru nacꞌanjelac chiru cuib chi patrón. Naru tixra li jun ut tixtzꞌekta̱na li jun chic malaj ut xicꞌ ta̱ril li jun ut tix-oxlokꞌi li jun chic. Joꞌcan nak ma̱ jokꞌe naru te̱cꞌoxla li Dios cui caꞌaj cuiꞌ le̱ biomal nequecꞌoxla.

Santiago 1:8

Li ani cuib ru lix chꞌo̱l, junpa̱t naxjal xcꞌaꞌux riqꞌuin li cꞌaꞌru naxcꞌoxla xba̱nunquil.

1 Reyes 18:21

Ut laj Elías quijiloc cuanqueb cuiꞌ chixjunil li tenamit ut quixye reheb: —¿Joꞌ najtil chic texcua̱nk chi cuib ru le̱ cꞌaꞌux? Cui li Ka̱cuaꞌ, aꞌan li tzꞌakal Dios, ¿cꞌaꞌut nak incꞌaꞌ te̱pa̱b? Ut cui laj Baal, aꞌan li tzꞌakal Dios, ta̱kehomak aꞌan, chan. Ut eb li tenamit ma̱ jun a̱tin queꞌxye.

Apocalipsis 2:4

Abanan cuan jun e̱paltil chicuu. La̱ex incꞌaꞌ chic niquine̱ra joꞌ nak xine̱ra chak junxil.

San Mateo 24:12

Ut xban nak ta̱numta̱k li ma̱usilal, nabaleb teꞌxcanab xra̱baleb li ras ri̱tzꞌin.

Proverbios 23:26

Ex cualal incꞌajol, cheqꞌuehak e̱chꞌo̱l chirabinquil li cꞌaꞌru tinye e̱re. Ut cheba̱nuhak li us joꞌ ninba̱nu la̱in.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

Filipenses 1:9

Ut li nintzꞌa̱ma chiru li Dios nak nintijoc che̱rix, aꞌan aꞌin: nak kꞌaxal cuiꞌchic cherahak e̱rib chi ribil e̱rib. Ut chinumta̱k taxak li rahoc ut chiqꞌuehekꞌ taxak e̱naꞌleb re xtaubal bar cuan li tzꞌakal ya̱l.

2 Corintios 12:20

Nincꞌoxla nak tincuulak e̱riqꞌuin ma̱re incꞌaꞌ sahak e̱chꞌo̱l cuiqꞌuin, ut la̱in ma̱re incꞌaꞌ sahak inchꞌo̱l e̱riqꞌuin xban nak toj cuan li cꞌaꞌak re ru incꞌaꞌ us saꞌ e̱ya̱nk. Ma̱re toj cuan li pletic ut li cakali̱nc saꞌ e̱ya̱nk ut ma̱re toj cuan li joskꞌil ut li nimobresi̱nc ib, malaj ut li kꞌaba̱nc ut li xicꞌ iloc ut ma̱re toj cuan li kꞌetkꞌetil e̱riqꞌuin malaj ut li poꞌoj ib.

San Mateo 10:37

Ut ani kꞌaxal naxra xnaꞌ xyucuaꞌ chicuu la̱in, moco xcꞌulub ta nak tincꞌul chokꞌ cualal. Ut ani kꞌaxal naxra li ralal xcꞌajol chicuu la̱in, moco xcꞌulub ta nak tincꞌul chokꞌ cualal.

Deuteronomio 5:29

Us raj nak eb li cualal incꞌajol incꞌaꞌ teꞌxjal xcꞌaꞌuxeb. Junelic raj teꞌxxucua cuu. Junelic raj teꞌxba̱nu li cꞌaꞌru naxye saꞌ lin chakꞌrab re nak junelic us teꞌe̱lk joꞌ eb ajcuiꞌ li ralal xcꞌajoleb.

Apocalipsis 3:1

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Sardis ut ta̱ye re: Li cuan li Santil Musikꞌej riqꞌuin ut li cuan li cuukub chi chahim saꞌ rukꞌ naxye e̱re chi joꞌcaꞌin: La̱in ninnau chanru nak cuanquex. Eb li tenamit nequeꞌxye nak la̱ex tzꞌakal aj pa̱banelex. Abanan moco ya̱l ta. La̱in ninnau nak incꞌaꞌ nequexpa̱ban chi tzꞌakal. Chanchan camenakex.

Apocalipsis 2:2

La̱in ninnau chixjunil li nequeba̱nu. Ninnau nak cau nequexcꞌanjelac ut ninnau ajcuiꞌ nak incꞌaꞌ nachꞌinan e̱chꞌo̱l. Ninnau nak xicꞌ nequeril li nequeꞌxba̱nu ma̱usilal. Xeqꞌue retal li ani xeꞌxqꞌue ribeb chokꞌ apóstol ut ma̱cuaꞌeb. Ut xenau nak aj balakꞌeb ut aj ticꞌtiꞌeb.

2 Ts 1:3

Ex inherma̱n, incꞌaꞌ nakacanab xbantioxinquil chiru li Dios saꞌ e̱cꞌabaꞌ la̱ex. Tento takabantioxi chiru li Dios xban nak yo̱ chi cacuu̱c e̱chꞌo̱l saꞌ le̱ pa̱ba̱l ut kꞌaxal cuiꞌchic nequera e̱rib che̱ribil e̱rib.

Oseas 10:2

Eb aꞌan aj caꞌ pacꞌal uheb xban nak nequeꞌxcꞌanjela ru li yi̱banbil dios ut nequeꞌraj ajcuiꞌ cꞌanjelac chiru li Ka̱cuaꞌ. Joꞌcan nak anakcuan li Ka̱cuaꞌ tixqꞌueheb chixtojbal rix lix ma̱queb. Tixpuqꞌui lix artaleb ut tixsacheb ru lix dioseb.

1 Corintios 16:22

Li Ka̱cuaꞌ Jesucristo chi se̱b ta̱cha̱lk. Cui cuan junak saꞌ e̱ya̱nk incꞌaꞌ naxra li Jesucristo, chi cha̱lc ta raylal saꞌ xbe̱n.

Oseas 7:8

Eb li ralal xcꞌajol laj Efraín queꞌxjunaji ribeb riqꞌuineb li jalaneb xtenamit li incꞌaꞌ useb xnaꞌleb. Chanchaneb li cua li incꞌaꞌ sukꞌisinbil. Chakꞌ jun pacꞌal ut kꞌem ru jun pacꞌal.

Apocalipsis 3:16

Xban nak xcab rix e̱chꞌo̱l nak yo̱quex chinpa̱banquil, la̱in texintzꞌekta̱na. Chanchan texinxaꞌcua nak texintzꞌekta̱na.