Apocalipsis 3:1 - Li Santil hu

¹ Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Sardis ut ta̱ye re: Li cuan li Santil Musikꞌej riqꞌuin ut li cuan li cuukub chi chahim saꞌ rukꞌ naxye e̱re chi joꞌcaꞌin: La̱in ninnau chanru nak cuanquex. Eb li tenamit nequeꞌxye nak la̱ex tzꞌakal aj pa̱banelex. Abanan moco ya̱l ta. La̱in ninnau nak incꞌaꞌ nequexpa̱ban chi tzꞌakal. Chanchan camenakex.

Q'eqchi Bible

¹ “Tz'iib'an rik'in li x'ánjel li Iklees li wank Sardes: «A'in naxye li wank wuqub' chi xmusiq' li Yos rik'in ut li wuqub' chi chahim. Ninnaw laab'aanuhom; yo'yookat naq neke'xye, ab'an kamenaqat.

Apocalipsis 3:1 ပူးပေါင်းရင်းမြစ်များ

1 Timoteo 5:6

Abanan li xma̱lcaꞌan li naxsicꞌ xsahil xchꞌo̱l junes riqꞌuin li naxrahi ru, li jun aꞌan chanchan ac camenak xban lix ma̱c usta toj yoꞌyo.

Santiago 2:26

Junak tzꞌejcualej ma̱cꞌaꞌ chic xmusikꞌ, ma̱cꞌaꞌ na-oc cuiꞌ xban nak camenak chic. Joꞌcan ajcuiꞌ li kapa̱ba̱l. Cui incꞌaꞌ nakaba̱nu li us, ma̱cꞌaꞌ na-oc cuiꞌ.

Apocalipsis 1:4

La̱in laj Juan. Yo̱quin chi tzꞌi̱bac e̱riqꞌuin la̱ex li cuukub chꞌu̱talex chi aj pa̱banel li cuanquex aran Asia. Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Dios li ac cuan chak saꞌ xticlajic, li cuan anakcuan, ut li cua̱nk chi junelic, ut li naxqꞌue li Santil Musikꞌej li cuan cuiꞌ lix lokꞌlaj cꞌojariba̱l li Ka̱cuaꞌ.

Colosenses 2:13

Junxil camenakex nak quexcuan chak xban li ma̱c ut xban nak ma̱jiꞌ isinbil saꞌ le̱ chꞌo̱l lix rahinquil ru li ma̱usilal. Aban anakcuan yoꞌyo̱quex chic. Li Dios quicuaclesin cuiꞌchic re li Jesucristo chi yoꞌyo. Ut joꞌcan ajcuiꞌ la̱ex, yoꞌyo̱quex chic xban nak acꞌ chic le̱ yuꞌam qꞌuebil e̱re xban li Dios ut cuybil sachbil chixjunil le̱ ma̱c.

San Judas 1:12

Xuta̱nal chokꞌ e̱re nak cuanqueb laj balakꞌ saꞌ e̱ya̱nk nak nequeba̱nu le̱ ninkꞌe re sahil chꞌo̱lej. Eb laj balakꞌ caꞌaj cuiꞌ li numcuaꞌac ut num ucꞌac nequeꞌxba̱nu ut incꞌaꞌ nequeꞌxuta̱nac. Junes xchꞌolaninquileb rib nequeꞌxcꞌoxla. Eb laj balakꞌ aꞌan chanchaneb li chok li ma̱cꞌaꞌ hab chi saꞌ, li nacꞌameꞌ yalak bar xban li ikꞌ. Laj balakꞌ ma̱cꞌaꞌ nequeꞌoc cuiꞌ. Chanchaneb li cheꞌ li incꞌaꞌ nequeꞌu̱chin, li namichꞌman chi junaj cua ut nachakic.

Apocalipsis 2:19

La̱in ninnau chanru nak cuanquex. Ninnau nak nequexrahoc ut nequexpa̱ban. Ninnau nak cau nequexcꞌanjelac chicuu ut nabal li raylal nequecuy. La̱in ninnau nak kꞌaxal cuiꞌchic cau yo̱quex chi cꞌanjelac chiru li xeba̱nu junxil.

San Lucas 15:24

xban nak li cualal aꞌin chanchan camenak nak xcuan chak. Aꞌut anakcuan xsukꞌi cuiꞌchic chi yoꞌyo. Sachenak nak xcuan ut xtauman cuiꞌchic, chan. Ut queꞌoc chi ninkꞌei̱c.

Apocalipsis 1:16

Saꞌ lix nim ukꞌ chapcho cuukub li chahim. Ut saꞌ re cuan jun li chꞌi̱chꞌ caꞌ pacꞌal xkꞌesnal. Cꞌajoꞌ nalemtzꞌun li ru. Chanchan nak nalemtzꞌun li sakꞌe.

Efesios 2:5

Nak toj camenako chak saꞌ li kama̱c, riqꞌuin lix cuaclijic cuiꞌchic chi yoꞌyo li Cristo, li Dios quixqꞌue ke jun acꞌ yuꞌam. Yal xban rusilal li Dios nak colbilo.

San Lucas 15:32

Abanan tento nak toninkꞌei̱k anakcuan ut ta̱sahokꞌ saꞌ kachꞌo̱l xban nak la̱ cui̱tzꞌin chanchan camenak nak xcuan; abanan xsukꞌi cuiꞌchic chi yoꞌyo. Quisach ut xtauman cuiꞌchic, chan li yucuaꞌbej.

Efesios 2:1

Junxil la̱ex li ma̱cuaꞌex aj judío chanchan camenakex xban li ma̱usilal ut li ma̱c li xeba̱nu chak.

Apocalipsis 2:13

La̱in ninnau chanru nak cuanquex. La̱in ninnau nak cuan xcuanquil laj tza saꞌ li tenamit li cuanquex cuiꞌ. Abanan la̱ex toj yo̱quex chinlokꞌoninquil. Incꞌaꞌ xecanab inpa̱banquil usta quicamsi̱c laj Antipas xban nak quixye cuesilal aran saꞌ le̱ tenamit li cuan rubel xcuanquil laj tza.

Apocalipsis 1:20

Lix ya̱lal li cuukub chi chahim li xacuil saꞌ lin nim ukꞌ, aꞌan li retalileb li cuukub lix takl li Dios li nequeꞌiloc reheb li cuukub chꞌu̱tal chi aj pa̱banel. Ut lix ya̱lal li cuukub chi candelero, aꞌan retalileb li cuukub chꞌu̱tal chi aj pa̱banel.

Apocalipsis 4:5

Ut saꞌ li lokꞌlaj cꞌojariba̱l nareploc li chanchan rakꞌ ca̱k ut lix ya̱b li choki̱nc chanchan nak namok li ca̱k. Chiru cuan cuukub li lámpara lochlo retalil li Santil Musikꞌej.

Apocalipsis 1:11

Quixye cue: —Li cꞌaꞌru tincꞌutbesi cha̱cuu ta̱tzꞌi̱ba saꞌ jun li botbil hu ut ta̱takla riqꞌuineb li cuukub chꞌu̱taleb laj pa̱banel li cuanqueb saꞌ xcue̱nt Asia. Takla riqꞌuineb li cuanqueb Éfeso, Esmirna, ut Pérgamo. Ut ta̱takla ajcuiꞌ riqꞌuineb li cuanqueb Tiatira, Sardis, Filadelfia ut Laodicea, chan.

San Juan 1:33

Incꞌaꞌ raj xinnau nak aꞌan li Cristo cui ta incꞌaꞌ quicuil li quicꞌulman. Xinnau nak aꞌan li Cristo xban nak li Dios li quitaklan chak cue chi cubsi̱nc haꞌ quixye cue, “Nak ta̱cuil li Santil Musikꞌej chanchan jun li paloma yo̱k chi cubec ut ta̱hila̱nk saꞌ xbe̱n jun li cui̱nk, aꞌan retalil nak aꞌan li ta̱qꞌuehok e̱re li Santil Musikꞌej”, chan li Dios.

San Juan 1:16

Xban xnimal rusilal, kꞌaxal numtajenak li kosobtesinquil naxqꞌue.

Apocalipsis 5:6

Quicuil Jun xakxo aran chiru li lokꞌlaj cꞌojariba̱l li sutsu xbaneb li ca̱hib li chanchaneb ángel joꞌqueb ajcuiꞌ li ca̱hib xcaꞌcꞌa̱l li cꞌojcꞌo̱queb aran. Quicꞌutun nak li jun aꞌan ac camsinbil. Chanchan carner. Cuan cuukub xxucub ut cuan ajcuiꞌ cuukub xnakꞌ ru retalil li Santil Musikꞌej li quitakla̱c saꞌ chixjunil li ruchichꞌochꞌ.

1 Pedro 1:11

Eb li profeta queꞌxye resil li raylal tixcꞌul li Cristo ut lix nimal xlokꞌal li ta̱cꞌutbesi̱k mokon. Queꞌxqꞌue xchꞌo̱l chixsiqꞌuinquil ani tzꞌakal li Cristo. Queꞌxsicꞌ xya̱lal jokꞌe ut cꞌaꞌru chi cutanil ta̱cꞌulma̱nk li yo̱ chi cꞌutbesi̱c chiruheb xban li Santil Musikꞌej.

Hechos 2:33

Quicꞌameꞌ xban li Dios re nak ta̱cꞌojla̱k saꞌ lix nim ukꞌ ut quiqꞌueheꞌ xcuanquil. Ut quiqꞌueheꞌ li Santil Musikꞌej re xban li Dios. Ut quixqꞌue ajcuiꞌ ke la̱o li Santil Musikꞌej joꞌ quiyechiꞌi̱c ke. Aꞌan aꞌin li yo̱quex chirilbal ut chirabinquil anakcuan.

San Juan 20:22

Ut nak quixye aꞌan, quirapuheb ut quixye reheb: —Cꞌulumak li Santil Musikꞌej.

San Juan 3:34

Li Jesucristo, aꞌan taklanbil chak xban li Dios ut naxye li cꞌaꞌru nayeheꞌ re xban li Dios xban nak li Santil Musikꞌej cuan riqꞌuin chi tzꞌakal.

Apocalipsis 2:9

La̱in ninnau chanru cuanquex. Ninnau chixjunil li raylal nequecꞌul. Ninnau nak nebaꞌex. Abanan cuan e̱biomal riqꞌuin li Dios. Ninnau nak nequexmajecua̱c xbaneb li nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Aj cꞌanjeleb ban chiru laj tza.

Apocalipsis 2:2

La̱in ninnau chixjunil li nequeba̱nu. Ninnau nak cau nequexcꞌanjelac ut ninnau ajcuiꞌ nak incꞌaꞌ nachꞌinan e̱chꞌo̱l. Ninnau nak xicꞌ nequeril li nequeꞌxba̱nu ma̱usilal. Xeqꞌue retal li ani xeꞌxqꞌue ribeb chokꞌ apóstol ut ma̱cuaꞌeb. Ut xenau nak aj balakꞌeb ut aj ticꞌtiꞌeb.

Apocalipsis 3:2

Qꞌuehomak retal chanru nak cuanquex. La̱ex incꞌaꞌ tzꞌakal re ru le̱ yuꞌam chiru li Ka̱cuaꞌ Dios. Joꞌcan nak qꞌuehomak e̱chꞌo̱l chi pa̱ba̱nc chi tzꞌakal ut michꞌinan chic e̱chꞌo̱l.

Apocalipsis 3:8

Aꞌan yo̱ chixyebal e̱re chi joꞌcaꞌin: La̱in ninnau chanru nak cuanquex. La̱in xinte li oqueba̱l che̱ru ut ma̱ ani naru ta̱tzꞌapok re. Ninnau nak incꞌaꞌ cau e̱rib. Abanan incꞌaꞌ xine̱tzꞌekta̱na. Junelic ban nequeba̱nu li cꞌaꞌru ninye.

Apocalipsis 3:15

La̱in ninnau chanru nak cuanquex. La̱ex incꞌaꞌ yo̱quex chinpa̱banquil chi anchal e̱chꞌo̱l, chi moco yo̱quex chintzꞌekta̱nanquil. Us raj nak tine̱pa̱b chi anchal e̱chꞌo̱l malaj ut tine̱tzꞌekta̱na raj chi junaj cua. Abanan la̱ex chanchanex li haꞌ moco tik ta, chi moco que. Yal lulu ban.