Apocalipsis 22:21 - Li Santil hu

²¹ Aꞌ taxak li usilal li naxqꞌue li Ka̱cuaꞌ Jesucristo chicua̱nk e̱riqꞌuin che̱junilex la̱ex laj pa̱banel. Joꞌcan taxak.

Q'eqchi Bible

²¹ Li rusilal li Qaawa' Jesus chiwanq taxaq rik'ineb' chixjunil. Jo'kan taxaq!

Apocalipsis 22:21 ပူးပေါင်းရင်းမြစ်များ

2 Ts 3:18

Aꞌ taxak li usilal li naxqꞌue li Ka̱cuaꞌ Jesucristo chicua̱nk e̱riqꞌuin che̱junilex. Joꞌcan taxak.

Romanos 16:20

Ut li Ka̱cuaꞌ Dios, li naqꞌuehoc li tuktu̱quil usilal, aꞌan tixsach xcuanquil laj tza ut textenkꞌa re nak la̱ex chic texnumta̱k saꞌ xbe̱n. Li rusilal li Ka̱cuaꞌ Jesucristo chicua̱nk e̱riqꞌuin.

2 Corintios 13:14

Chicua̱nk taxak e̱riqꞌuin li rusilal li Ka̱cuaꞌ Jesucristo, ut chicua̱nk taxak e̱riqꞌuin li rahoc ib li naxqꞌue li Ka̱cuaꞌ Dios, ut aꞌ taxak li Santil Musikꞌej chicua̱nk e̱riqꞌuin. Joꞌcan taxak.

Apocalipsis 1:4

La̱in laj Juan. Yo̱quin chi tzꞌi̱bac e̱riqꞌuin la̱ex li cuukub chꞌu̱talex chi aj pa̱banel li cuanquex aran Asia. Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Dios li ac cuan chak saꞌ xticlajic, li cuan anakcuan, ut li cua̱nk chi junelic, ut li naxqꞌue li Santil Musikꞌej li cuan cuiꞌ lix lokꞌlaj cꞌojariba̱l li Ka̱cuaꞌ.

Romanos 1:7

Yo̱quin chi tzꞌi̱bac e̱riqꞌuin la̱ex li cuanquex aran saꞌ li tenamit Roma. Raro̱quex ut bokbilex xban li Dios ut la̱ex aj santil pa̱banel. Li usilal ut li tuktu̱quilal chi cua̱nc e̱riqꞌuin xban li Dios Acuabej ut xban li Ka̱cuaꞌ Jesucristo.

Romanos 16:23

Naxtakla ajcuiꞌ xsahil e̱chꞌo̱l laj Gayo, li naqꞌuehoc cuochochnal. Ut saꞌ ajcuiꞌ li rochoch aꞌan nequeꞌxchꞌutub rib laj pa̱banel. Laj Erasto, laj cꞌulul tumin saꞌ li tenamit, naxtakla xsahil e̱chꞌo̱l. Ut naxtakla ajcuiꞌ xsahil e̱chꞌo̱l laj Cuarto.

Apocalipsis 1:2

Ut aꞌan quixye resil chixjunil li quicꞌutbesi̱c chiru. Aꞌan aꞌin li quixye li Dios joꞌ quicꞌutbesi̱c chiru laj Juan xban li Jesucristo.

Apocalipsis 22:7

Li Jesús quixye: —Qꞌuehomak retal. Chi se̱b tincha̱lk la̱in. Us xak re li ani naxcꞌu̱la saꞌ xchꞌo̱l li a̱tin li tzꞌi̱banbil saꞌ li hu aꞌin chirix li cꞌaꞌru talajcꞌulma̱nk mokon, chan.