Apocalipsis 22:20 - Li Santil hu

²⁰ Li Jesús li nachꞌoloban xya̱lal li cꞌaꞌak re ru aꞌin naxye: —Relic chi ya̱l chi se̱b tincha̱lk.— Joꞌcan taxak. Cha̱lkat, at Ka̱cuaꞌ Jesús.

Q'eqchi Bible

²⁰ Li Jesus li nach'olob'ank xyaalal chixjunil a'in naxye: “Relik chi yaal naq tinchalq chi seeb'”. Jo'kan taxaq. Chalqat, at Qaawa' Jesus!

Apocalipsis 22:20 ပူးပေါင်းရင်းမြစ်များ

Apocalipsis 22:7

Li Jesús quixye: —Qꞌuehomak retal. Chi se̱b tincha̱lk la̱in. Us xak re li ani naxcꞌu̱la saꞌ xchꞌo̱l li a̱tin li tzꞌi̱banbil saꞌ li hu aꞌin chirix li cꞌaꞌru talajcꞌulma̱nk mokon, chan.

Hebreos 9:28

Joꞌcan nak li Jesucristo jun sut ajcuiꞌ quixmayeja rib re risinquil lix ma̱queb li qꞌuila tenamit. Mokon tol-e̱lk cuiꞌchic, aban ma̱cuaꞌ chic re cuyuc ma̱c ta̱cha̱lk. Tol-e̱lk ban li Jesucristo re xtzꞌakobresinquil li kacolbal chikajunil li yo̱co chi yoꞌoni̱nc re.

Apocalipsis 22:12

—Qꞌuehomak retal, chan li Jesús. —La̱in chi se̱b tincha̱lk ut tincꞌam chak le̱ kꞌajca̱munquil. Tinqꞌue xkꞌajca̱munquil li junju̱nk aꞌ yal chanru lix yehom xba̱nuhom.

2 Timoteo 4:8

Anakcuan caꞌaj chic lin ma̱tan nacuoybeni li naqꞌueheꞌ reheb li ti̱queb xchꞌo̱l. Li Ka̱cuaꞌ li narakoc a̱tin saꞌ ti̱quilal, aꞌan ta̱qꞌuehok cue saꞌ li cutan nak tol-e̱lk cuiꞌchic. Ut moco caꞌaj cuiꞌ ta cue la̱in tixqꞌue. Tixqꞌue aj ban cuiꞌ reheb chixjunileb li yo̱keb chi oybeni̱nc re lix cꞌulunic chi anchaleb xchꞌo̱l.

1 Corintios 16:22

Li Ka̱cuaꞌ Jesucristo chi se̱b ta̱cha̱lk. Cui cuan junak saꞌ e̱ya̱nk incꞌaꞌ naxra li Jesucristo, chi cha̱lc ta raylal saꞌ xbe̱n.

Apocalipsis 22:10

Ut quixye ajcuiꞌ cue li ángel: —Ma̱muk chiruheb li tenamit lix ya̱lal li tzꞌi̱banbil saꞌ li hu aꞌin. Ma̱muk chiruheb li cꞌaꞌru ta̱cꞌulma̱nk xban nak cuulac re xkꞌehil nak ta̱cꞌulma̱nk li cꞌaꞌru tzꞌi̱banbil saꞌ li hu aꞌin.

Isaías 25:9

Saꞌ li cutan aꞌan eb li tenamit teꞌxye: —Relic chi ya̱l li Ka̱cuaꞌ, aꞌan li kaDios. Xkacꞌojob kachꞌo̱l riqꞌuin ut aꞌan xcoloc ke. Aꞌan li Ka̱cuaꞌ li kaDios. Xkapa̱b li Dios ut anakcuan aꞌan xcoloc ke. Joꞌcan nak sa saꞌ kachꞌo̱l, chaꞌakeb.

Apocalipsis 1:2

Ut aꞌan quixye resil chixjunil li quicꞌutbesi̱c chiru. Aꞌan aꞌin li quixye li Dios joꞌ quicꞌutbesi̱c chiru laj Juan xban li Jesucristo.

Apocalipsis 22:18

Aꞌan aꞌin li tinye re li ani ta̱abi̱nk reheb li a̱tin li tzꞌi̱banbil saꞌ li hu aꞌin chirix li ta̱cꞌulma̱nk mokon: Cui ani tixqꞌue xtzꞌakob li a̱tin aꞌin, li Dios tixqꞌue li raylal saꞌ xbe̱n joꞌ tzꞌi̱banbil retalil saꞌ li hu aꞌin.

San Juan 21:25

Toj cuan chic nabal li cꞌaꞌak re ru quilajxba̱nu li Jesús. Cui ta tzꞌi̱banbil retalil chi xjunju̱nkal, la̱in ninye nak ma̱ jokꞌe raj ta̱tzꞌaklok li ruchichꞌochꞌ chokꞌ xnaꞌaj li hu li ta̱tzꞌi̱bama̱nk cuiꞌ retalil. Joꞌcan taxak.

Apocalipsis 1:18

La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

Cantares 8:14

Se̱ba a̱cuib, at cui̱nk li nacatinra. Quim cuiqꞌuin. A̱linan joꞌ nak nequeꞌa̱linac li quej li nequeꞌchal chak saꞌ eb li tzu̱l saꞌ li naꞌajej cꞌajoꞌ xsununcal.

Hebreos 10:37

Joꞌcaꞌin tzꞌi̱banbil saꞌ li Santil Hu: Chi se̱b tol-e̱lk li Cristo. Incꞌaꞌ ta̱ba̱yk chak.

Apocalipsis 2:16

Joꞌcan nak isihomakeb saꞌ e̱ya̱nk li incꞌaꞌ useb xnaꞌleb. Cui incꞌaꞌ nequerisiheb, la̱in tinxic chi junpa̱t e̱riqꞌuin ut tinpletik riqꞌuineb. Chanchan nak tincamsiheb riqꞌuin kꞌesnal chꞌi̱chꞌ nak tinsach ruheb riqꞌuin li cua̱tin.