Apocalipsis 22:17 - Li Santil hu

¹⁷ Li Santil Musikꞌej ut li ixakilbej nequeꞌxye: —Cha̱lkex.— Li ani ta̱abi̱nk re li a̱tin aꞌin, chixyehak ajcuiꞌ —cha̱lkex.— Li ani ta̱raj rucꞌbal li haꞌ, li retalil li junelic yuꞌam, chicha̱lk chi ucꞌac chi ma̱tan.

Q'eqchi Bible

¹⁷ Li Musiq'ej ut li Ixaqilb'ej neke'xye: “Chalqat!”. Li taa'ab'inq re, chixyehaq: “Chalqat!”. Ut li taachaqiq re, chalqaq; li taa'ajoq re, chixk'ulaq chi maatan li ha' nak'ehok yu'am.

Apocalipsis 22:17 ပူးပေါင်းရင်းမြစ်များ

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

Apocalipsis 21:6

Ut quixye cue: —Xtzꞌakloc ru chixjunil. La̱in li Alfa ut li Omega. La̱in tinqꞌue chi ma̱tan li yuꞌam chi junelic re li ani ta̱raj joꞌ nak ta̱qꞌuehekꞌ chi ucꞌac li ani ta̱chakik re.

San Juan 7:37

Li rosoꞌjic li ninkꞌe, aꞌan li cutan li kꞌaxal lokꞌ chiruheb. Saꞌ li ho̱nal aꞌan, li Jesús quixakli chiruheb ut quixye chi cau xya̱b xcux: —Li ani ta̱chakik re, cha̱lk cuiqꞌuin. La̱in tinqꞌue rucꞌa.

Isaías 12:3

Cꞌajoꞌ nak ta̱sahokꞌ xchꞌo̱leb riqꞌuin li colba-ib. Chanchan nak nacꞌojla xchꞌo̱l li ta̱chakik re nak narucꞌ li haꞌ.

San Juan 4:10

Li Jesús quixye re: —Cui ta nacanau cꞌaꞌru li ma̱tan li naxqꞌue li Dios, ut cui ta nacanau anihin la̱in li yo̱quin chixtzꞌa̱manquil cuucꞌa a̱cue, la̱at ta̱tzꞌa̱ma raj a̱cuucꞌa cuiqꞌuin ut tinqꞌue raj a̱cue li haꞌ li naqꞌuehoc junelic yuꞌam, chan li Jesús.

Salmos 34:8

Yalomak rix li Ka̱cuaꞌ re nak te̱qꞌue retal chanru lix cha̱bilal. Us xak re li ani cau xchꞌo̱l riqꞌuin.

Isaías 2:5

Abihomak ex ralal xcꞌajol laj Jacob. Chocua̱nk saꞌ xcutan xsaken li Ka̱cuaꞌ li nimajcual Dios.

Apocalipsis 22:1

Ut li ángel quixcꞌut chicuu li nimaꞌ li naqꞌuehoc yuꞌam chi junelic. Li haꞌ sak sak ru. Chanchan lem. Na-el chak cuan cuiꞌ lix lokꞌlaj cꞌojariba̱l li Dios ut li Jun li chanchan carner.

Apocalipsis 21:9

Quichal jun reheb li cuukub chi ángel li queꞌcuan li cuukub chi secꞌ riqꞌuineb, li cuan cuiꞌ li cuukub chi raylal li queꞌxcꞌul saꞌ rosoꞌjic, ut quixye cue: —Quim. Tincꞌut cha̱cuu li ixk li ta̱sumla̱k cuiꞌ li Jun li chanchan carner, chan.

Apocalipsis 21:2

Ut quicuil nak yo̱ chak chi cubec saꞌ choxa cuan cuiꞌ li Dios li santil tenamit, li Acꞌ Jerusalén. Cꞌajoꞌ xchꞌinaꞌusal. Chanchan jun li ixakilbej tikibanbil chi cha̱bil xban nak oc re chi sumla̱c.

Romanos 3:24

Ut xban li rusilal li Dios, chixjunileb li nequeꞌpa̱ban, nequeꞌxma̱tani xti̱quilal xchꞌo̱leb saꞌ xcꞌabaꞌ li Ka̱cuaꞌ Jesucristo laj Colonel.

Isaías 2:3

Ut eb li tenamit teꞌxye: —Quimkex ut takekꞌo saꞌ xbe̱n li tzu̱l cuan cuiꞌ li rochoch li Dios. Toxic saꞌ li rochoch lix Dios laj Jacob. Ut aꞌan tixcꞌut chiku li cꞌaꞌru naraj takaba̱nu. Ut la̱o takaba̱nu li bar cuan tixye ke, xban nak saꞌ li tzu̱l Sión ta̱e̱lk chak li chakꞌrab ut saꞌ li tenamit Jerusalén ta̱cha̱lk li ra̱tin li Ka̱cuaꞌ.—

Apocalipsis 22:16

Ut li Jesús quixye: —La̱in xintakla lin ángel a̱cuiqꞌuin re nak ta̱chꞌolob lix ya̱lal aꞌin reheb laj pa̱banel. La̱in li chanchanin xtux li cheꞌ. Quinyoꞌla saꞌ xya̱nkeb li ralal xcꞌajol li rey David. La̱in chanchanin li cak chahim li nalemtzꞌun chak toj ekꞌela, chan li Jesús.

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

Jeremías 50:5

Teꞌxpatzꞌ bar cuan li be li naxic Sión ut aran teꞌxic. Ut teꞌxye, “Cha̱lkex ut takacꞌam cuiꞌchic kib saꞌ usilal riqꞌuin li Ka̱cuaꞌ. Takaba̱nu jun li contrato riqꞌuin li Ka̱cuaꞌ chi junelic re nak incꞌaꞌ ta̱sachk saꞌ kachꞌo̱l,” chaꞌakeb.

1 Corintios 2:12

Li Dios quixqꞌue ke jun li Musikꞌej. Ma̱cuaꞌ yal xmusikꞌ cui̱nk li cuan kiqꞌuin. Aꞌ lix Santil Musikꞌ li Dios, aꞌan li cuan kiqꞌuin. Li Dios quixqꞌue ke li Santil Musikꞌej re nak takatau ru li cꞌaꞌru naxqꞌue ke riqꞌuin xnimal rusilal.

Miqueas 4:2

Ut nabaleb li tenamit teꞌcha̱lk ut teꞌxye: —Yoꞌkeb. Takekꞌo chiru li tzu̱l li cuan cuiꞌ li templo. Toxic saꞌ rochoch lix Dios laj Jacob ut aꞌan ta̱cꞌutuk chiku cꞌaꞌru ta̱raj takaba̱nu. Ut la̱o takaba̱nu li cꞌaꞌru naraj aꞌan xban nak aran Sión nayeman chak lix chakꞌrab li Ka̱cuaꞌ. Aran Jerusalén nayeman chak li ra̱tin li Dios.

San Juan 4:29

—Yoꞌkeb chicuix chirilbal jun li cui̱nk quixye cue chixjunil lin yehom inba̱nuhom. Ma̱re aꞌan li Cristo li yo̱co chiroybeninquil, chan.

Ezequiel 47:1

Li cui̱nk quinixcꞌam cuiꞌchic saꞌ li oqueba̱l re li templo. Ut quicuil nak rubel li oqueba̱l yo̱ chak chi e̱lc li haꞌ ut yo̱ chi xic saꞌ li este bar na-iloc cuiꞌ li templo. Li haꞌ yo̱ chi e̱lc rubel li templo saꞌ li sur ut yo̱ chi numecꞌ chixcꞌatk li artal.

San Juan 4:11

Quichakꞌoc li ixk ut quixye re: —Ka̱cuaꞌ, ¿Cꞌaꞌ ta cuiꞌ ru ta̱cuisi cuiꞌ li haꞌ? Cham cuan chak. Ut, ¿chan ta cuiꞌ ru nak ta̱qꞌue li haꞌ li naqꞌuehoc yuꞌam?

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

Apocalipsis 14:13

Ut quicuabi jun yo̱ chi a̱tinac saꞌ choxa ut quixye cue: —Tzꞌi̱ba li a̱tin aꞌin: Chalen anakcuan us xak reheb li nequeꞌcam, li ac xeꞌxpa̱b li Ka̱cuaꞌ. Ya̱l. Us xak reheb, chan li Santil Musikꞌej, xban nak teꞌhila̱nk chixba̱nunquil li cha̱bil cꞌanjel li ac xeꞌxba̱nu ut teꞌxcꞌul xkꞌajca̱munquil.—

San Juan 1:37

Ut eb lix tzolom cuib, nak queꞌrabi li quixye laj Juan, queꞌxta̱ke li Jesús.