Apocalipsis 22:14 - Li Santil hu

¹⁴ Us xak reheb li cuybil sachbil xma̱queb xban li Dios, xban nak eb aꞌan ta̱ru̱k teꞌxtzaca li ru li cheꞌ li retalil li junelic yuꞌam. Ut teꞌoc ajcuiꞌ saꞌ li oqueba̱l re li tenamit.

Q'eqchi Bible

¹⁴ Us xaq reheb' li neke'xpuch' li raq'eb': chi jo'kan te'ruuq chi tz'aqk rik'in li che' nak'ehok yu'am ut te'ok sa'eb' li rokeb'aal li tenamit.

Apocalipsis 22:14 ပူးပေါင်းရင်းမြစ်များ

Apocalipsis 21:27

Li ani cuanqueb xma̱c incꞌaꞌ ta̱ru̱k teꞌoc aran. Eb li nequeꞌxba̱nu ma̱usilal chi moco li nequeꞌticꞌtiꞌic, teꞌoc saꞌ li tenamit aꞌan. Li ani teꞌoc aran, caꞌaj cuiꞌ li tzꞌi̱banbileb xcꞌabaꞌ saꞌ lix hu li Jun li chanchan carner, li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic.

1 Juan 5:3

Aꞌan aꞌin lix ra̱bal li Dios: nak takapa̱b lix chakꞌrab. Moco chꞌaꞌaj ta xpa̱banquil lix chakꞌrab.

Apocalipsis 22:7

Li Jesús quixye: —Qꞌuehomak retal. Chi se̱b tincha̱lk la̱in. Us xak re li ani naxcꞌu̱la saꞌ xchꞌo̱l li a̱tin li tzꞌi̱banbil saꞌ li hu aꞌin chirix li cꞌaꞌru talajcꞌulma̱nk mokon, chan.

1 Juan 3:3

Li ani yo̱ chiroybeninquil lix cꞌulunic li Cristo, aꞌan naxsakobresi li ra̱m saꞌ ti̱quilal joꞌ li Ka̱cuaꞌ Jesucristo ti̱c xchꞌo̱l.

San Juan 14:15

Cui niquine̱ra, cheba̱nuhak joꞌ xexinchakꞌrabi cuiꞌ.

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

1 Corintios 7:19

Li ani naxcꞌul li circuncisión juntakꞌe̱t riqꞌuin li ani incꞌaꞌ naxcꞌul xban nak li circuncisión ma̱cꞌaꞌ xcuanquil. Li kꞌaxal us xba̱nunquil, aꞌan xpa̱banquil lix chakꞌrab li Dios.

Apocalipsis 22:2

Li nimaꞌ aꞌan nanumeꞌ saꞌ xyi li tenamit. Chire li nimaꞌ xcaꞌ pacꞌalil cuan li cheꞌ retalil li junelic yuꞌam. Cablaju pa̱y li ru naxqꞌue ut rajlal po nau̱chin. Lix xak nacꞌanjelac re xqꞌuebal xcacuilaleb lix ni̱nkal ru tenamit.

San Juan 10:7

Joꞌcan nak li Jesús quixye cuiꞌchic reheb: —Relic chi ya̱l ninye e̱re, La̱in li oqueba̱l reheb li teꞌpa̱ba̱nk cue.

San Juan 10:9

La̱in li oqueba̱l. Chixjunileb li nequeꞌpa̱ban cue la̱in, teꞌcolekꞌ ut la̱in tin-ilok reheb. Chanchaneb li carner li nequeꞌoc ut nequeꞌel ut nequeꞌxtau lix cuaheb.

Salmos 112:1

Lokꞌoninbil taxak li Ka̱cuaꞌ. Us xak reheb li ani nequeꞌxucuan ru li Ka̱cuaꞌ. Us xak reheb li nequeꞌsahoꞌ saꞌ xchꞌo̱leb xba̱nunquil li cꞌaꞌru naxye lix chakꞌrab li Dios.

Apocalipsis 7:14

Ut la̱in quinchakꞌoc ut quinye re: —Ka̱cuaꞌ, la̱at nacatnaꞌoc re.— Ut aꞌan quixye cue: —Aꞌaneb aꞌin li xeꞌcuyuc chak xnumsinquil li nimla raylal xeꞌxcꞌul. Aꞌaneb li cuybil sachbil lix ma̱queb xban nak quihoyeꞌ xquiqꞌuel li Jun li chanchan carner nak quicam saꞌ xcꞌabaꞌeb.

Gálatas 5:6

Cui la̱o reho chic li Jesucristo, ma̱cꞌaꞌ naxye cui takacꞌul li circuncisión malaj ut incꞌaꞌ. Li kꞌaxal tento xba̱nunquil, aꞌan xpa̱banquil li Jesucristo. Ut cui ya̱l nak nakapa̱b li Cristo, ta̱cꞌutu̱nk li kapa̱ba̱l xban nak nocorahoc.

Apocalipsis 21:12

Li tenamit sutsu saꞌ jun nimla tzꞌac najt xteram ut cuan cablaju li oqueba̱l. Cablaju chi ángel cuanqueb saꞌ eb li oqueba̱l. Chiru li oqueba̱l tzꞌi̱banbil retalileb li xcꞌabaꞌeb li cablaju xte̱paleb li ralal xcꞌajol laj Israel.

1 Corintios 9:5

Eb li ri̱tzꞌin li Ka̱cuaꞌ Jesucristo cuanqueb rixakil ut nequeꞌxcꞌam chirixeb bar nequeꞌxic. Ut joꞌcan ajcuiꞌ naxba̱nu li apóstol Pedro. ¿Ma incꞌaꞌ ta biꞌ raj ta̱ru̱k tinsumla̱k riqꞌuin junak ixk aj pa̱banel la̱in ut tincꞌam chicuix bar tinxic joꞌ nequeꞌxba̱nu eb li apóstol jun chꞌol chic?

1 Corintios 8:9

Naru te̱tzaca li mayejanbil tzacae̱mk. Abanan cheqꞌuehak retal nak incꞌaꞌ te̱luctasi xchꞌo̱l li toj kꞌuneb xchꞌo̱l saꞌ lix pa̱ba̱leb xban nak nequetzaca aꞌan. Cheqꞌuehak retal nak incꞌaꞌ ta̱oc cuiꞌchic chi ma̱cobc e̱ban la̱ex.

San Juan 14:6

Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

San Juan 4:12

Laj Jacob li kaxeꞌto̱nil yucuaꞌ quixcanab chokꞌ ke li becbil haꞌ aꞌin. Arin qui-ucꞌac aꞌan ut arin ajcuiꞌ queꞌucꞌac li ralal xcꞌajol ut lix queto̱mk. ¿Ma la̱at ta biꞌ kꞌaxal nim a̱cuanquil chiru aꞌan? chan li ixk.

Daniel 12:12

Us xak reheb li ti̱queb xchꞌo̱l li teꞌxcuy xnumsinquil li oxib chihab riqꞌuin cuukub po ut oꞌlaju cutan (1,335 cutan) chi incꞌaꞌ teꞌchꞌina̱nk xchꞌo̱leb.

Génesis 2:9

Ut li Ka̱cuaꞌ Dios quixqꞌue chi mokc saꞌ li naꞌajej aꞌan nabal pa̱y ru li cheꞌ li chꞌinaꞌus rilbal joꞌ ajcuiꞌ li cheꞌ li ta̱u̱chi̱nk re teꞌxtzaca. Ut saꞌ xyi lix naꞌaj li acui̱mk li Ka̱cuaꞌ Dios quixqꞌue jun to̱n li cheꞌ li naqꞌuehoc yuꞌam chi junelic. Ut quixqꞌue ajcuiꞌ aran jun to̱n li cheꞌ re xnaubal ru li us ut li incꞌaꞌ us.

Génesis 3:22

Quixye li Ka̱cuaꞌ Dios: —Anakcuan li cui̱nk juntakꞌe̱t chic kiqꞌuin la̱o. Naxnau chic li us ut li incꞌaꞌ us. Tento takisi saꞌ li naꞌajej Edén re nak incꞌaꞌ tixsicꞌ ut tixlou ru li cheꞌ li naqꞌuehoc junelic yuꞌam, ut ta̱cua̱nk lix yuꞌam chi junelic, chan.

Éxodo 19:10

Li Dios quixye re laj Moisés: —Tatxic riqꞌuineb li cristian. Chiru li cutan aꞌin ut cuulaj ta̱kꞌaxtesiheb saꞌ cuukꞌ. Eb aꞌan teꞌxpuchꞌ li rakꞌeb, ut teꞌxti̱cobresi lix yuꞌameb chi tzꞌakal. Teꞌati̱nk ut teꞌxpuchꞌ li rakꞌeb joꞌ retalil nak xeꞌxyi̱b xyuꞌameb.

Salmos 118:20

Caꞌaj cuiꞌ li ti̱queb xchꞌo̱l naru nequeꞌoc aran saꞌ lix puertil lix templo li Ka̱cuaꞌ.