Apocalipsis 22:11 - Li Santil hu

¹¹ Li ani yo̱k chixba̱nunquil li ma̱usilal, xba̱nuhak li ma̱usilal. Ut li ani yo̱k chi ma̱cobc, xba̱nuhak li ma̱c. Li ani ti̱c xchꞌo̱l, yo̱k chixba̱nunquil li ti̱quilal. Li ani santobresinbil, chicua̱nk saꞌ santilal.—

Q'eqchi Bible

¹¹ Ani ink'a' tiik xch'ool, xb'aanuuq wan li maa'usilal; ut li ani muxb'il, toj xmuxaq wan rib'. Ani tiik xch'ool, mixkanab' xb'aanunkil li tiikilal, ut li sant mixkanab' xsantob'resinkil rib'”.

Apocalipsis 22:11 ပူးပေါင်းရင်းမြစ်များ

Daniel 12:10

Nabaleb teꞌsantobresi̱k xban lix ni̱nkal raylal teꞌxcꞌul. Abanan li incꞌaꞌ useb xnaꞌlebeb yo̱keb chixba̱nunquil li ma̱usilal ut ma̱ jun saꞌ xya̱nkeb teꞌxtau ru li cꞌaꞌru yo̱k chi cꞌulma̱nc. Caꞌaj cuiꞌ eb li cuanqueb xnaꞌleb teꞌxtau ru chixjunil.

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

Ezequiel 3:27

Abanan la̱in tatinqꞌue cuiꞌchic chi a̱tinac nak tinye a̱cue cꞌaꞌru ta̱ye. La̱at ta̱ye reheb: Joꞌcaꞌin xye li Ka̱cuaꞌ Dios. Cui la̱ex nequeraj abi̱nc, chex-abi̱nk. Ut cui incꞌaꞌ nequeraj abi̱nc, mex-abin, xban nak la̱ex jun tenamit kꞌetkꞌetex.

2 Timoteo 3:13

Ut ta̱numta̱k lix ma̱usilaleb laj balakꞌ li incꞌaꞌ useb xnaꞌleb. Yo̱keb chi balakꞌi̱nc ut yo̱k ajcuiꞌ xbalakꞌinquileb aꞌan.

San Mateo 15:14

Canabomakeb. Aꞌaneb mutzꞌeb ut nequeꞌxberesiheb li mutzꞌ. Ut cui li mutzꞌ nequeꞌxberesi li rech mutzꞌil, chi xcabichaleb teꞌtꞌanekꞌ saꞌ jul.—

San Mateo 5:6

Us xak reheb li teꞌraj ru xba̱nunquil li ti̱quilal. Chanchan li teꞌtzꞌoca̱k ut teꞌchakik re. Us xak reheb xban nak li Dios ta̱tenkꞌa̱nk reheb chixba̱nunquil li us.

Li xHu LAJ JOB 17:9

Abanan li ti̱c xchꞌo̱l cau cua̱nk saꞌ lix pa̱ba̱l ut xban nak ti̱c xchꞌo̱l, cauhak rib.

San Judas 1:24

Ut anakcuan lokꞌoninbil taxak li nimajcual Dios. Aꞌan kꞌaxal nim xcuanquil che̱colbal re nak incꞌaꞌ texma̱cobk. Nim ajcuiꞌ xcuanquil che̱kꞌaxtesinquil saꞌ xnimal xlokꞌal li Dios chi ma̱cꞌaꞌak e̱ma̱c ut chi sa saꞌ e̱chꞌo̱l.

San Mateo 25:10

Ut cuanqueb chak chixlokꞌbal lix yaꞌal lix candil nak col-e̱lk li be̱lomej. Ut li o̱b chic li cuanqueb xyaꞌal lix candil queꞌoc rochben saꞌ li cab. Ut quitzꞌapeꞌ li oqueba̱l.

Proverbios 14:32

Li ani incꞌaꞌ useb xnaꞌleb, aꞌ ajcuiꞌ lix ma̱usilaleb nasachoc reheb. Ut eb li ti̱c xchꞌo̱leb incꞌaꞌ nequeꞌxxucua ru li ca̱mc xban nak cuan li cꞌaꞌru nequeꞌroybeni.

Efesios 5:27

Li Cristo quixba̱nu aꞌan re nak tixcꞌuleb li ralal xcꞌajol chi kꞌaxal nim xlokꞌal, chi ma̱cꞌaꞌ xma̱c ut chi ma̱cꞌaꞌ xpaltil chiru.

San Mateo 21:19

Ut quiril jun to̱n li cheꞌ higo chire li be. Nak quicuulac cuan cuiꞌ li cheꞌ quiril nak ma̱cꞌaꞌ ru. Junes xak cuan. Quixye re li jun to̱n chi higo: —Ma̱ jun cua chic tatu̱chi̱nk, chan. Ut saꞌ junpa̱t quichakic li cheꞌ.

Salmos 81:12

Joꞌcan nak quincanabeb xba̱nunquil li cꞌaꞌru queꞌraj eb aꞌan. Xban nak cauheb xchꞌo̱l, queꞌxba̱nu li cꞌaꞌru queꞌraj xjuneseb.

San Juan 8:21

Ut li Jesús quixye cuiꞌchic reheb: —La̱in tinxic. Tine̱sicꞌ raj chic abanan incꞌaꞌ tine̱tau xban nak incꞌaꞌ ta̱ru̱k texxic bar tinxic cuiꞌ la̱in. Texca̱mk ban saꞌ le̱ ma̱c, chan.

Apocalipsis 16:21

Quitꞌaneꞌ ni̱nki sakbach saꞌ ruchichꞌochꞌ. Ju̱nk ciento libra ra̱lal li junju̱nk chi sakbach. Ut queꞌnak saꞌ xbe̱neb li cristian ut queꞌxmajecua li Dios xban li nimla raylal li yo̱queb chixcꞌulbal.

Eclesiastés 11:3

La̱o incꞌaꞌ nakanau cꞌaꞌru ta̱cꞌulma̱nk. Cui nachal li chok rochben li hab saꞌ ruchichꞌochꞌ, naru nachal. Cui li cheꞌ ta̱tꞌanekꞌ saꞌ li norte, naru natꞌaneꞌ aran. Ut cui natꞌaneꞌ saꞌ li sur, tꞌanekꞌ aran. Li naꞌajej li ta̱tꞌanekꞌ cuiꞌ, aran ta̱cana̱k.

Apocalipsis 22:3

Aran ma̱cꞌaꞌak chic ma̱usilal. Lix lokꞌlaj cꞌojariba̱l li Dios ta̱cua̱nk aran ut ta̱cua̱nk ajcuiꞌ lix lokꞌlaj cꞌojariba̱l li Jun li chanchan carner. Ut eb laj cꞌanjel chiru teꞌlokꞌoni̱nk re.

Colosenses 1:22

Abanan anakcuan xban lix camic li Cristo quexcꞌam saꞌ usilal riqꞌuin li Dios. Xban nak li Cristo quicam saꞌ kacꞌabaꞌ, naru toxkꞌaxtesi chiru li Dios chi ac santobresinbilo ut chi ma̱cꞌaꞌak chic kama̱c ut chi tzꞌakalak re ru li kapa̱ba̱l.

San Mateo 5:45

Cui te̱ba̱nu chi joꞌcan, la̱exak ralal xcꞌajol le̱ Yucuaꞌ cuan saꞌ choxa. Aꞌan naqꞌuehoc chak li sakꞌe saꞌ xbe̱neb li useb xnaꞌleb joꞌ ajcuiꞌ li incꞌaꞌ useb xnaꞌleb. Ut aꞌan ajcuiꞌ naqꞌuehoc chak li hab saꞌ xbe̱neb li ti̱queb xchꞌo̱l joꞌ ajcuiꞌ li incꞌaꞌ ti̱queb xchꞌo̱l.