Apocalipsis 22:1 - Li Santil hu

¹ Ut li ángel quixcꞌut chicuu li nimaꞌ li naqꞌuehoc yuꞌam chi junelic. Li haꞌ sak sak ru. Chanchan lem. Na-el chak cuan cuiꞌ lix lokꞌlaj cꞌojariba̱l li Dios ut li Jun li chanchan carner.

Q'eqchi Bible

¹ Chirix chik a'an li ánjel kixk'ut chiwu li xnima'ul li yu'amha', nalemtz'unk jo' li krixtal, na'elk chaq sa' li xnimaqwal k'ojarib'aal li Yos ut li Karneer.

Apocalipsis 22:1 ပူးပေါင်းရင်းမြစ်များ

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

Apocalipsis 21:6

Ut quixye cue: —Xtzꞌakloc ru chixjunil. La̱in li Alfa ut li Omega. La̱in tinqꞌue chi ma̱tan li yuꞌam chi junelic re li ani ta̱raj joꞌ nak ta̱qꞌuehekꞌ chi ucꞌac li ani ta̱chakik re.

Zacarías 14:8

Jun li yuꞌam haꞌ ta̱e̱lk aran Jerusalén. Yijach ta̱xic saꞌ li nimla palau li cuan saꞌ li este li na-el cuiꞌ chak li sakꞌe. Ut li yijach chic ta̱xic saꞌ li palau li cuan saꞌ li oeste li na-oc cuiꞌ li sakꞌe. Li yuꞌam haꞌ aꞌan incꞌaꞌ ta̱chakik. Ta̱cua̱nk li haꞌ saꞌ habalkꞌe ut ta̱cua̱nk ajcuiꞌ saꞌ sakꞌehil.

Salmos 46:4

Li rusilal li Dios cuan saꞌ xbe̱neb li ralal xcꞌajol. Aꞌan chanchan li nimaꞌ li naxqꞌue xsahil xchꞌo̱l lix santil tenamit li nimajcual Dios, li cuan cuiꞌ lix santil naꞌaj.

Apocalipsis 22:17

Li Santil Musikꞌej ut li ixakilbej nequeꞌxye: —Cha̱lkex.— Li ani ta̱abi̱nk re li a̱tin aꞌin, chixyehak ajcuiꞌ —cha̱lkex.— Li ani ta̱raj rucꞌbal li haꞌ, li retalil li junelic yuꞌam, chicha̱lk chi ucꞌac chi ma̱tan.

Jeremías 17:13

At Ka̱cuaꞌ, la̱at li kayoꞌon la̱o aj Israel. Eb li nequeꞌtzꞌekta̱nan a̱cue xuta̱nal teꞌe̱lk. Joꞌ nak nasach li cꞌabaꞌej tzꞌi̱banbil saꞌ li poks, joꞌcan ajcuiꞌ nak teꞌsachekꞌ ruheb li nequeꞌtzꞌekta̱nan a̱cue. At Ka̱cuaꞌ, la̱at li nacatqꞌuehoc junelic yuꞌam. Chanchanat li yuꞌam haꞌ li incꞌaꞌ nachakic.

Jeremías 2:13

Cuib li ma̱c queꞌxba̱nu lin tenamit. Quineꞌxtzꞌekta̱na la̱in li Dios, li chanchanin li yuꞌam haꞌ li incꞌaꞌ na-osoꞌ xban nak ninqꞌue xyuꞌameb. Chanchan nak queꞌxbec xjulel li haꞌ, li incꞌaꞌ natꞌil haꞌ chi saꞌ, nak queꞌxlokꞌoni li jalanil dios.

Isaías 41:18

La̱in tinqꞌueheb chi be̱c rok li nimaꞌ saꞌ eb li tzu̱l. Ut tinqꞌueheb li yuꞌam haꞌ saꞌ li ru takꞌa. Li chaki chꞌochꞌ tinsukꞌisi chokꞌ xnaꞌaj haꞌ. Saꞌ li chaki chꞌochꞌ ta̱e̱lk li yuꞌam haꞌ.

Apocalipsis 3:21

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l, la̱in tinqꞌue chi cꞌojla̱c chincꞌatk saꞌ lin cꞌojariba̱l joꞌ nak cꞌojcꞌo̱quin chixcꞌatk lin Yucuaꞌ saꞌ lix cꞌojariba̱l xban nak xincuy xnumsinquil li raylal.

Hechos 2:33

Quicꞌameꞌ xban li Dios re nak ta̱cꞌojla̱k saꞌ lix nim ukꞌ ut quiqꞌueheꞌ xcuanquil. Ut quiqꞌueheꞌ li Santil Musikꞌej re xban li Dios. Ut quixqꞌue ajcuiꞌ ke la̱o li Santil Musikꞌej joꞌ quiyechiꞌi̱c ke. Aꞌan aꞌin li yo̱quex chirilbal ut chirabinquil anakcuan.

Apocalipsis 21:11

Lix lokꞌal li Dios cuan riqꞌuin. Cꞌajoꞌ xchꞌinaꞌusal. Chanchan jun li terto̱quil pec jaspe. Kꞌaxal xchakꞌal ru ut nalemtzꞌun joꞌ li lem.

San Juan 15:26

Nak ta̱cha̱lk li Santil Musikꞌej, laj Cꞌojobanel Chꞌo̱l, e̱riqꞌuin aꞌan tixcꞌut chi tzꞌakal lix ya̱lal che̱ru chicuix la̱in. La̱in tintakla chak e̱riqꞌuin li Santil Musikꞌej li nachal riqꞌuin lin Yucuaꞌ.

Apocalipsis 5:13

Ut quicuabi ajcuiꞌ nak queꞌa̱tinac chixjunil li cꞌaꞌak re ru quiyoꞌobtesi̱c xban li Dios, joꞌ li cuanqueb saꞌ choxa, joꞌ li cuanqueb saꞌ ruchichꞌochꞌ, joꞌ ajcuiꞌ li cuanqueb saꞌ li palau, joꞌqueb ajcuiꞌ li cuanqueb saꞌ xnaꞌajeb li camenak. Chixjunileb li queꞌyoꞌobtesi̱c xban li Dios queꞌxye: Aꞌ taxak li Dios li cꞌojcꞌo saꞌ xcꞌojariba̱l joꞌ ajcuiꞌ li Jun li chanchan carner, chilokꞌoni̱k ut chiqꞌuehekꞌ xlokꞌal. Chiqꞌuehekꞌ xcuanquil ut chinima̱k ru chi junelic kꞌe cutan.

Isaías 48:18

Xeba̱nu raj li xinye e̱re. Cui ta xeba̱nu, cuanquex raj saꞌ tuktu̱quil usilal. Li tuktu̱quil usilal chanchan raj jun nimaꞌ incꞌaꞌ nachakic. Ut le̱ ti̱quilal chanchan raj lix cau ok li palau li ma̱cꞌaꞌ rosoꞌjic.

Apocalipsis 5:6

Quicuil Jun xakxo aran chiru li lokꞌlaj cꞌojariba̱l li sutsu xbaneb li ca̱hib li chanchaneb ángel joꞌqueb ajcuiꞌ li ca̱hib xcaꞌcꞌa̱l li cꞌojcꞌo̱queb aran. Quicꞌutun nak li jun aꞌan ac camsinbil. Chanchan carner. Cuan cuukub xxucub ut cuan ajcuiꞌ cuukub xnakꞌ ru retalil li Santil Musikꞌej li quitakla̱c saꞌ chixjunil li ruchichꞌochꞌ.

Isaías 66:12

Joꞌcaꞌin naxye li Ka̱cuaꞌ: —La̱in tinqꞌue li tuktu̱quil usilal e̱re la̱ex aj Jerusalén. Chanchanak jun li nimaꞌ incꞌaꞌ nachakic. Lix biomaleb li xni̱nkal ru tenamit teꞌcꞌamekꞌ chak Jerusalén chi nabal. Chanchan li nimaꞌ nak yo̱ chi butꞌu̱nc. Sa textzaca̱nk. Chanchanakex li cꞌulaꞌal li nequeꞌtuꞌuc ut nequeꞌkꞌalu̱c ut nequeꞌkꞌunbesi̱c xban lix naꞌeb.

Apocalipsis 1:1

Li tzꞌi̱banbil saꞌ li hu aꞌin quicꞌutbesi̱c chiru li Jesucristo xban li Dios. Quixcꞌutbesi chiru li Jesucristo re nak aꞌan chic ta̱cꞌutbesi̱nk re chiruheb laj pa̱banel li cꞌaꞌru ta̱cꞌulma̱nk chi se̱b. Joꞌcan nak li Jesucristo quixtakla lix ángel chixcꞌutbesinquil aꞌin chiru laj Juan laj cꞌanjel chiru.

Apocalipsis 21:9

Quichal jun reheb li cuukub chi ángel li queꞌcuan li cuukub chi secꞌ riqꞌuineb, li cuan cuiꞌ li cuukub chi raylal li queꞌxcꞌul saꞌ rosoꞌjic, ut quixye cue: —Quim. Tincꞌut cha̱cuu li ixk li ta̱sumla̱k cuiꞌ li Jun li chanchan carner, chan.

Apocalipsis 22:6

Ut li ángel quixye cue: —Eb li a̱tin aꞌin tzꞌakal ya̱l ut us xpa̱banquil. Li Ka̱cuaꞌ Dios li nacꞌutbesin chiruheb lix profeta cꞌaꞌru teꞌxye, aꞌan xtakla chak lix ángel chixcꞌutbal chiruheb laj cꞌanjel li cꞌaꞌru ta̱cꞌulma̱nk chi se̱b.—

San Juan 13:32

Cui la̱in tincꞌutbesi lix lokꞌal li Dios, aꞌan chi se̱b ajcuiꞌ tixcꞌutbesi lin lokꞌal la̱in li Cꞌajolbej.