Apocalipsis 21:9 - Li Santil hu

⁹ Quichal jun reheb li cuukub chi ángel li queꞌcuan li cuukub chi secꞌ riqꞌuineb, li cuan cuiꞌ li cuukub chi raylal li queꞌxcꞌul saꞌ rosoꞌjic, ut quixye cue: —Quim. Tincꞌut cha̱cuu li ixk li ta̱sumla̱k cuiꞌ li Jun li chanchan carner, chan.

Q'eqchi Bible

⁹ Toja' naq kichalk jun reheb' li wuqub' chi ánjel li wankeb' chaq rik'in li wuqub' chi sek' nujenaqeb' rik'in li wuqub' chi rahilal chaalel sa' roso'jik; kinraatina ut kixye: “Kim, ink'utaq chawu li Ixaqilb'ej, li rixaqil li Karneer”.

Apocalipsis 21:9 ပူးပေါင်းရင်းမြစ်များ

Apocalipsis 21:2

Ut quicuil nak yo̱ chak chi cubec saꞌ choxa cuan cuiꞌ li Dios li santil tenamit, li Acꞌ Jerusalén. Cꞌajoꞌ xchꞌinaꞌusal. Chanchan jun li ixakilbej tikibanbil chi cha̱bil xban nak oc re chi sumla̱c.

Apocalipsis 19:7

Chisahokꞌ taxak saꞌ kachꞌo̱l. Chikaqꞌue xlokꞌal li Ka̱cuaꞌ xban nak xcuulac xkꞌehil lix sumlajic li Jun li chanchan carner. Li ixakilbej ac xcauresi rib.

Apocalipsis 17:1

Ut jun reheb li cuukub chi ángel, li cuanqueb li cuukub chi secꞌ riqꞌuineb, quixye cue: —Quim arin. Tincꞌut cha̱cuu jun li ixk li naxcꞌayi rib chunchu saꞌ xbe̱n li haꞌ retalil li nimal tenamit Babilonia li cuan xcuanquil saꞌ xbe̱neb nabal chi tenamit. Tincꞌut cha̱cuu li tojba ma̱c li xchal saꞌ xbe̱n li tenamit aꞌan xban li ma̱usilal nequeꞌxba̱nu.

Apocalipsis 1:1

Li tzꞌi̱banbil saꞌ li hu aꞌin quicꞌutbesi̱c chiru li Jesucristo xban li Dios. Quixcꞌutbesi chiru li Jesucristo re nak aꞌan chic ta̱cꞌutbesi̱nk re chiruheb laj pa̱banel li cꞌaꞌru ta̱cꞌulma̱nk chi se̱b. Joꞌcan nak li Jesucristo quixtakla lix ángel chixcꞌutbesinquil aꞌin chiru laj Juan laj cꞌanjel chiru.

Apocalipsis 21:17

Chirix aꞌan quixbis li tzꞌac li sutsu cuiꞌ li tenamit. Lix bisbal aꞌan o̱b xca̱cꞌa̱l metro (65). Li ángel quixbis li tzꞌac joꞌ nequeꞌbisoc saꞌ ruchichꞌochꞌ.

Apocalipsis 22:1

Ut li ángel quixcꞌut chicuu li nimaꞌ li naqꞌuehoc yuꞌam chi junelic. Li haꞌ sak sak ru. Chanchan lem. Na-el chak cuan cuiꞌ lix lokꞌlaj cꞌojariba̱l li Dios ut li Jun li chanchan carner.

Apocalipsis 22:6

Ut li ángel quixye cue: —Eb li a̱tin aꞌin tzꞌakal ya̱l ut us xpa̱banquil. Li Ka̱cuaꞌ Dios li nacꞌutbesin chiruheb lix profeta cꞌaꞌru teꞌxye, aꞌan xtakla chak lix ángel chixcꞌutbal chiruheb laj cꞌanjel li cꞌaꞌru ta̱cꞌulma̱nk chi se̱b.—

Apocalipsis 22:17

Li Santil Musikꞌej ut li ixakilbej nequeꞌxye: —Cha̱lkex.— Li ani ta̱abi̱nk re li a̱tin aꞌin, chixyehak ajcuiꞌ —cha̱lkex.— Li ani ta̱raj rucꞌbal li haꞌ, li retalil li junelic yuꞌam, chicha̱lk chi ucꞌac chi ma̱tan.