Apocalipsis 21:7 - Li Santil hu

⁷ Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l saꞌ lix pa̱ba̱l, aꞌan ta̱re̱chani chixjunil li cꞌaꞌak re ru aꞌin. La̱inak lix Dios ut aꞌanak li cualal incꞌajol.

Q'eqchi Bible

⁷ Ani taaq'axoq u, taareechani chixjunil a k'a'aq re ru a'in: laa'inaq li xYos ut a'anaq li walal.

Apocalipsis 21:7 ပူးပေါင်းရင်းမြစ်များ

2 Corintios 6:18

Ut la̱inak chic le̱ Yucuaꞌ ut la̱exak chic li cualal incꞌajol, chan li Ka̱cuaꞌ li kꞌaxal nim xcuanquil. (Isa. 52:11)

Hebreos 8:10

Aꞌin li contrato tinba̱nu riqꞌuineb reheb laj Israel. Ta̱cuulak xkꞌehil nak tinqꞌue lin chakꞌrab saꞌ lix cꞌaꞌuxeb ut tinqꞌue ajcuiꞌ saꞌ li ra̱meb. La̱inak lix Dios ut aꞌanakeb lin tenamit.

Apocalipsis 21:3

Ut quicuabi jun yo̱ chak chi a̱tinac cuan cuiꞌ li cꞌojariba̱l ut quixye chi cau xya̱b xcux: —Anakcuan ta̱cua̱nk li Dios riqꞌuineb li cristian. Aꞌanakeb li ralal xcꞌajol. Li Dios ta̱cua̱nk riqꞌuineb. Aꞌanak lix Dioseb.

Apocalipsis 2:11

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, li jun aꞌan incꞌaꞌ tixcꞌul lix cab xcamic. Incꞌaꞌ ta̱xic saꞌ xbalba, chan li Cꞌajolbej reheb laj Esmirna.

San Mateo 25:34

Ut la̱in li Rey tinye reheb li cuanqueb saꞌ lin nim: “Osobtesinbilex xban lin Yucuaꞌ. E̱chanihomak li nimajcual cuanquilal cauresinbil chokꞌ e̱re chalen chak saꞌ xticlajic li ruchichꞌochꞌ.

Apocalipsis 2:17

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue li choxahil cua li incꞌaꞌ na-ilman ru chixtzaca. Ut tinqꞌue ajcuiꞌ jun li saki pec re ut tzꞌi̱banbilak chiru jun li acꞌ cꞌabaꞌej. Ma̱ ani ta̱naꞌok re li cꞌabaꞌej. Caꞌaj cuiꞌ li ani li ta̱cꞌuluk re, chan li Cꞌajolbej reheb laj Pérgamo.

San Mateo 19:29

Li ani naxcanab rochoch, ras ri̱tzꞌin, xnaꞌ xyucuaꞌ, rixakil, ralal xcꞌajol, malaj xchꞌochꞌ saꞌ incꞌabaꞌ la̱in, li jun aꞌan kꞌaxal cuiꞌchic nabal li tixcꞌul chiru li quixcanab ut ta̱re̱chani li junelic yuꞌam.

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

Zacarías 8:8

Tebincꞌam cuiꞌchic saꞌ lix naꞌajeb Jerusalén ut aran chic teꞌcua̱nk. Aꞌanakeb lin tenamit ut la̱inak lix Dioseb. La̱in tintakla̱nk saꞌ xbe̱neb saꞌ ti̱quilal ut saꞌ xya̱lal, chan.

Proverbios 3:35

Cha̱bil ta̱yehekꞌ chirixeb li cuanqueb xnaꞌleb. Abanan xuta̱nal teꞌxcꞌul li incꞌaꞌ nequeꞌxtau xnaꞌleb.

1 Samuel 2:8

Aꞌan narisiheb li nebaꞌ saꞌ nebaꞌil ut aꞌan ajcuiꞌ na-isin reheb saꞌ nebaꞌil li nequeꞌxtzꞌa̱ma xcua chire cablal. Naxqꞌueheb chi cua̱nc saꞌ xya̱nkeb li cuanqueb xcuanquil ut naxqꞌueheb saꞌ jun li naꞌajej kꞌaxal lokꞌ. Naxba̱nu chi joꞌcan xban nak aꞌan ya̱l re saꞌ xbe̱n li nacu̱tun re li ruchichꞌochꞌ, ut aꞌan ajcuiꞌ li quiqꞌuehoc re li ruchichꞌochꞌ saꞌ xnaꞌaj.

1 Pedro 3:9

Nak teꞌxba̱nu ma̱usilal e̱re, incꞌaꞌ te̱sume ru riqꞌuin ma̱usilal. Nak texhobekꞌ, me̱sume ru riqꞌuin hoboc. Cheba̱nuhak ban usilal reheb li nequeꞌba̱nun ma̱usilal e̱re. La̱ex bokbilex chak xban li Dios re nak te̱re̱chani le̱ rosobtesinquil.

Apocalipsis 2:25

Caꞌaj cuiꞌ tinye e̱re aꞌin: Cacuubresihomak e̱chꞌo̱l saꞌ le̱ pa̱ba̱l toj ta̱cuulak xkꞌehil nak tincuulak e̱riqꞌuin.

San Marcos 10:17

Nak ac xic re li Jesús saꞌ jalan chic naꞌajej, quichal jun li cui̱nk saꞌ a̱nil, colxcuikꞌib rib chiru ut quixye re: —At cha̱bil tzolonel, ¿cꞌaꞌru ta̱ru̱k tinba̱nu re nak tincue̱chani li yuꞌam chi junelic?—

Isaías 65:9

La̱in tinqꞌueheb chi ta̱mc li ralal xcꞌajol laj Jacob ut laj Judá. Eb aꞌan teꞌcua̱nk saꞌ eb lin tzu̱l li quinqꞌue reheb. Li sicꞌbil ruheb inban teꞌcua̱nk saꞌ li naꞌajej li teꞌre̱chani. Aran teꞌcua̱nk li nequeꞌcꞌanjelac chicuu.

Génesis 17:8

Li chꞌochꞌ Canaán li cuancat cuiꞌ anakcuan tinqꞌue a̱cue ut eb la̱ cualal a̱cꞌajol teꞌe̱chani̱nk re chi junaj cua. La̱inak lix Dioseb chixjunileb la̱ cualal a̱cꞌajol, chan.

2 Samuel 7:14

La̱inak lix yucuaꞌ ut aꞌanak li cualal. Nak tixba̱nu li incꞌaꞌ us, la̱in tinkꞌusuk re, ut tinqꞌue chixtojbal xma̱c, joꞌ nak naxkꞌus ut naxqꞌue chi tzꞌu̱m li ralal junak yucuaꞌbej.

Salmos 89:26

Ut aꞌan tixye cue: At Ka̱cuaꞌ, la̱at lin yucuaꞌ. La̱at lin Dios. La̱at nacatcoloc cue ut la̱at nacattenkꞌan cue.

San Mateo 25:21

Ut lix patrón quixye re: “Kꞌaxal us xaba̱nu. La̱at cha̱bilat ut tzꞌakalat aj cꞌanjel. Saꞌ xbe̱n li caꞌchꞌin xinkꞌaxtesi a̱cue, cha̱bil xat-el. Anakcuan tinkꞌaxtesi chic nabal a̱cue. Chisahokꞌ saꞌ la̱ chꞌo̱l xban nak tattzꞌako̱nk ajcuiꞌ riqꞌuin li sahil chꞌo̱lejil li cuan cuiqꞌuin la̱in,” chan.

Romanos 8:14

Chixjunileb li nequeꞌba̱nun re li cꞌaꞌru naraj li Santil Musikꞌej, aꞌaneb tzꞌakal ralal xcꞌajol li Dios.

Romanos 8:19

Chixjunil li cꞌaꞌ re ru yi̱banbil xban li Dios yo̱queb chi xyoꞌoninquil nak ta̱cuulak xkꞌehil nak li Dios tixqꞌue xlokꞌaleb li ralal xcꞌajol.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)