Apocalipsis 21:4 - Li Santil hu

⁴ Ma̱cꞌaꞌak chic rahil chꞌo̱lej. Ma̱cꞌaꞌak chic li ca̱mc chi moco li ya̱bac chi moco li yotꞌecꞌ, chi moco li raylal xban nak chixjunil li cꞌaꞌak re ru aꞌan, ac xelajeꞌnumeꞌ.—

Q'eqchi Bible

⁴ Tixchaqihob'resi chixjunil li xya'aleb' ru, ut ink'a' chik taawanq kamk, chi moko yaab'ak, chi moko japok e malaj rahilal, xb'aan naq li najter ruuchich'och' ak xnume'k”.

Apocalipsis 21:4 ပူးပေါင်းရင်းမြစ်များ

Isaías 25:8

Li nimajcual Dios ta̱risi xcuanquil li ca̱mc. Tixmes li xyaꞌal ruheb. Ta̱risi lix xuta̱neb lix tenamit saꞌ chixjunil li ruchichꞌochꞌ. Li Ka̱cuaꞌ, aꞌan li quiyehoc re aꞌin.

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

1 Corintios 15:26

Ut li ta̱sachekꞌ xcuanquil toj saꞌ rosoꞌjic, aꞌan li ca̱mc.

Isaías 60:20

Li sakꞌe incꞌaꞌ chic ta̱oc chi moco li po chi kꞌek, xban nak la̱in li Ka̱cuaꞌ, la̱inak le̱ cutan saken chi junelic. Ut ma̱cꞌaꞌak chic rahil chꞌo̱lej.

Isaías 35:10

Eb li colbileb xban li Ka̱cuaꞌ sahak saꞌ xchꞌo̱leb nak teꞌsukꞌi̱k Sión. Junelic sahak saꞌ xchꞌo̱leb ut yo̱keb chi bicha̱nc. Incꞌaꞌ chic teꞌrahokꞌ saꞌ xchꞌo̱leb chi moco teꞌya̱bak chic xban raylal.

1 Juan 2:17

Li ruchichꞌochꞌ ta̱osokꞌ joꞌ ajcuiꞌ li ma̱usilal. Abanan li ani naba̱nun re li naraj li Dios, aꞌan cua̱nk chi junelic.

Isaías 51:11

Eb li colbileb a̱ban teꞌsukꞌi̱k cuiꞌchic Sión chi sa saꞌ xchꞌo̱leb. Yo̱keb chi bicha̱nc ut yo̱keb chixjapbal reheb xban xsahileb xchꞌo̱l. Sahak saꞌ xchꞌo̱leb chi junelic. Incꞌaꞌ chic ta̱rahokꞌ saꞌ xchꞌo̱leb. Chi moco teꞌya̱bak chic.

Jeremías 31:13

Eb li tukꞌ ixk teꞌxajok xban xsahil xchꞌo̱leb. Sahakeb saꞌ xchꞌo̱l li chꞌajom ut eb li che̱quel cristian. La̱in tincꞌojob xchꞌo̱leb ut tinsukꞌisi lix rahil xchꞌo̱leb chokꞌ sahil chꞌo̱lejil.

San Mateo 24:35

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk chixjunil li cꞌaꞌak re ru xinye.

Isaías 30:19

Relic chi ya̱l la̱ex texcua̱nk cuiꞌchic aran Sión saꞌ li tenamit Jerusalén. Incꞌaꞌ chic texya̱bak. Kꞌaxal nim li ruxta̱n li Ka̱cuaꞌ. Nak te̱ya̱ba lix cꞌabaꞌ, li Ka̱cuaꞌ ta̱rabi le̱ tij.

Apocalipsis 21:1

Ut quicuil ajcuiꞌ jun acꞌ choxa ut jun acꞌ ruchichꞌochꞌ xban nak li xbe̱n choxa ut li xbe̱n ruchichꞌochꞌ ma̱cꞌaꞌ chic. Ac xsacheꞌ. Ut ma̱cꞌaꞌ chic li palau.

Apocalipsis 20:14

Ut quisacheꞌ xcuanquil li ca̱mc, ut quisacheꞌ ajcuiꞌ li naꞌajej li nequeꞌxic cuiꞌ li camenak. Queꞌcuteꞌ saꞌ li xam li chanchan palau. Li xam aꞌan, aꞌan li xcab ca̱mc.

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Apocalipsis 22:3

Aran ma̱cꞌaꞌak chic ma̱usilal. Lix lokꞌlaj cꞌojariba̱l li Dios ta̱cua̱nk aran ut ta̱cua̱nk ajcuiꞌ lix lokꞌlaj cꞌojariba̱l li Jun li chanchan carner. Ut eb laj cꞌanjel chiru teꞌlokꞌoni̱nk re.

2 Pedro 3:10

Lix kꞌehil lix cꞌulunic li Ka̱cuaꞌ, aꞌan chanchan nak nachal laj e̱lkꞌ. Moco cuan ta resil lix cꞌulunic. Saꞌ li cutan aꞌan ta̱osokꞌ li choxa. Tenlok xya̱b nak ta̱osokꞌ. Ut li cꞌaꞌak re ru cuanqueb chiru teꞌosokꞌ xban li xam. Ta̱cꞌatk li ruchichꞌochꞌ joꞌ ajcuiꞌ chixjunil li cꞌaꞌak re ru li cuan chiru.

1 Corintios 7:31

Me̱qꞌue e̱chꞌo̱l chirix li cꞌaꞌru cuan e̱re saꞌ li ruchichꞌochꞌ aꞌin, xban nak chixjunil li cꞌaꞌru cuan saꞌ ruchichꞌochꞌ ta̱osokꞌ.

Oseas 13:14

¿Ma tebincol ta biꞌ chiru li ca̱mc saꞌ e̱chꞌo̱l? ¿Ma ta̱ru̱k ta biꞌ tebincol chiru xcuanquil li ca̱mc cui incꞌaꞌ nequeꞌraj eb aꞌan? Lix cuanquil li ca̱mc tenebanbil saꞌ xbe̱neb. La̱in tinqꞌuehok li ca̱mc saꞌ xbe̱neb. Incꞌaꞌ chic teꞌcuil xtokꞌoba̱l ruheb.

Salmos 144:4

Li cui̱nk ma̱cꞌaꞌ na-oc cuiꞌ. Incꞌaꞌ najt nacuan xyuꞌam. Chanchan li ikꞌ li nanumeꞌ chi junpa̱t.

2 Corintios 6:17

Ut li Ka̱cuaꞌ quixye cuiꞌchic chi joꞌcaꞌin: Joꞌcan utan chex-e̱lk saꞌ xya̱nkeb li nequeꞌxlokꞌoni li yi̱banbil dios. Me̱ba̱nu chic li nequeꞌxba̱nu li jun chꞌol chic nak nequeꞌxlokꞌoni li yi̱banbil dios. Checanabak chi junaj cua ut la̱in texincꞌul chi sa saꞌ inchꞌo̱l.

Jeremías 31:12

Japjo̱keb re xban xsahil xchꞌo̱leb nak yo̱keb chi cha̱lc saꞌ li tzu̱l Sión. Teꞌsahokꞌ saꞌ xchꞌo̱leb xban li usilal tinba̱nu reheb. La̱in li Ka̱cuaꞌ. Tinqꞌueheb lix trigo, li acꞌ vino ut li aceite, joꞌ eb ajcuiꞌ lix carner, ut eb lix queto̱mk. Kꞌaxal us cua̱nkeb. Chanchanakeb li acui̱mk li natꞌakresi̱c chi us. Ma̱cꞌaꞌak chic rahil chꞌo̱lej.

2 Corintios 5:17

Joꞌcan ut cui junak xpa̱b li Cristo, acꞌobresinbil aꞌan. Lix yuꞌam quicuan junxil xnumeꞌ ut anakcuan acꞌ chic lix yuꞌam.

Hebreos 12:27

Nak naxye “jun sut chic” naraj naxye nak tixsach li ruchichꞌochꞌ, li choxa, ut chixjunil li cꞌaꞌak re ru yi̱banbil. Aꞌut li incꞌaꞌ yi̱banbil, joꞌ li musikꞌanbil xban li Dios, aꞌan ta̱cana̱k chi junelic.

Apocalipsis 20:13

Chixjunileb li camenak cuanqueb aran, joꞌ eb li queꞌcam saꞌ haꞌ joꞌqueb ajcuiꞌ li queꞌmukeꞌ. Quirakeꞌ a̱tin saꞌ xbe̱neb chixjunileb aꞌ yal chanru lix yehom xba̱nuhomeb.