Apocalipsis 21:25 - Li Santil hu

²⁵ Eb li oqueba̱l incꞌaꞌ teꞌtzꞌapekꞌ xban nak junelic cutanak. Ma̱cꞌaꞌak kꞌojyi̱n.

Q'eqchi Bible

²⁵ Eb' li rokeb'aal ink'a' te'tz'apmanq chi kutan, xb'aan naq maak'a'aq q'oqyink aran.

Apocalipsis 21:25 ပူးပေါင်းရင်းမြစ်များ

Isaías 60:11

Incꞌaꞌ chic ta̱tzꞌapma̱nk li oqueba̱l re le̱ tenamit. Junelic teto̱k chi kꞌek chi cutan, re nak eb li tenamit teꞌxcꞌam chak chokꞌ e̱re lix biomaleb. Eb lix reyeb li jalan xtenamiteb teꞌcꞌamekꞌ chak e̱riqꞌuin.

Apocalipsis 22:5

Aran ma̱cꞌaꞌak chic kꞌojyi̱n. Joꞌcan nak incꞌaꞌ chic ta̱cꞌanjelak reheb li sakꞌe chi moco li candil. Li Ka̱cuaꞌ Dios, aꞌan chic li ta̱cutanobresi̱nk reheb. Ut teꞌcua̱nk aran chi kꞌaxal sa saꞌ xchꞌo̱leb. Chanchanakeb chic rey.

Zacarías 14:7

Kꞌaxal jalanak li cutan aꞌan xban nak incꞌaꞌ ta̱cua̱nk cutan chi moco ta̱cua̱nk kꞌojyi̱n. Moymo̱k ban ru li cutan. Caꞌaj cuiꞌ li Dios nanaꞌoc re chanru tixba̱nu. Nak ta̱ecuu̱k ta̱cutanokꞌ cuiꞌchic.

Isaías 60:20

Li sakꞌe incꞌaꞌ chic ta̱oc chi moco li po chi kꞌek, xban nak la̱in li Ka̱cuaꞌ, la̱inak le̱ cutan saken chi junelic. Ut ma̱cꞌaꞌak chic rahil chꞌo̱lej.

Apocalipsis 21:23

Ma̱cꞌaꞌ li sakꞌe aran ut ma̱cꞌaꞌ li po xban nak li Dios cuan aran ut lix lokꞌal li Dios nacutanobresin re. Ut lix lokꞌal li Jun li chanchan carner nacutanobresin re li tenamit.

Apocalipsis 21:12

Li tenamit sutsu saꞌ jun nimla tzꞌac najt xteram ut cuan cablaju li oqueba̱l. Cablaju chi ángel cuanqueb saꞌ eb li oqueba̱l. Chiru li oqueba̱l tzꞌi̱banbil retalileb li xcꞌabaꞌeb li cablaju xte̱paleb li ralal xcꞌajol laj Israel.

Apocalipsis 21:15

Li ángel li quia̱tinac cuiqꞌuin cuan jun lix bisleb riqꞌuin yi̱banbil riqꞌuin oro re xbisbal li tenamit ut li oqueba̱l joꞌ ajcuiꞌ li tzꞌac.