Apocalipsis 21:24 - Li Santil hu

²⁴ Eb li xni̱nkal ru tenamit li teꞌcolekꞌ, teꞌcua̱nk saꞌ cutan saken. Ut eb li queꞌcuan xlokꞌal saꞌ ruchichꞌochꞌ, eb aꞌan teꞌxqꞌue xlokꞌal li tenamit.

Q'eqchi Bible

²⁴ Eb' li xninqal ru tenamit te'b'eeq sa' li xkutan saqenk, ut eb' li awab'ej re li ruuchich'och' te'xk'am chaq aran li xb'ihomaleb'.

Apocalipsis 21:24 ပူးပေါင်းရင်းမြစ်များ

Apocalipsis 22:2

Li nimaꞌ aꞌan nanumeꞌ saꞌ xyi li tenamit. Chire li nimaꞌ xcaꞌ pacꞌalil cuan li cheꞌ retalil li junelic yuꞌam. Cablaju pa̱y li ru naxqꞌue ut rajlal po nau̱chin. Lix xak nacꞌanjelac re xqꞌuebal xcacuilaleb lix ni̱nkal ru tenamit.

Apocalipsis 21:26

Eb li queꞌcuan xlokꞌal saꞌ ruchichꞌochꞌ teꞌxqꞌue xlokꞌal li tenamit.

Zacarías 2:11

Saꞌ eb li cutan aꞌan nabalakeb li tenamit teꞌpa̱ba̱nk re li Ka̱cuaꞌ. Ut aꞌan tixye: —Aꞌanakeb ajcuiꞌ lin tenamit. Ut la̱in tincua̱nk riqꞌuineb, chaꞌak li Ka̱cuaꞌ. Ut la̱ex te̱nau nak li nimajcual Dios, aꞌan li quitaklan chak cue.

Isaías 66:18

La̱in ninnau cꞌaꞌru nequeꞌxcꞌoxla. La̱in ninqꞌue retal cꞌaꞌru nequeꞌxba̱nu. Ta̱cuulak xkꞌehil nak la̱in tinchꞌutubeb chixjunileb li xni̱nkal ru tenamit li jalan jala̱nk ra̱tinoba̱leb. Nak teꞌcuulak Jerusalén, teꞌril lin lokꞌal.

Isaías 60:16

Eb lix ni̱nkal tenamit teꞌxqꞌue le̱ cha̱bil tzacae̱mk ut eb li rey teꞌxcꞌam chak lix biomaleb ut teꞌxqꞌue e̱re. Riqꞌuin aꞌin te̱qꞌue retal nak la̱in li Ka̱cuaꞌ xincoloc e̱re. La̱in lix Dios laj Jacob. Nim incuanquil. La̱in xintenkꞌan e̱re.

Isaías 55:5

Chaqꞌuehak retal. Ta̱bokeb li tenamit li incꞌaꞌ xanauheb chak ru. Ut eb li tenamit, li incꞌaꞌ xeꞌxnau a̱cuu teꞌxic a̱cuiqꞌuin saꞌ a̱nil saꞌ incꞌabaꞌ la̱in, li Dios Santo, lix Dioseb laj Israel li ninqꞌuehoc a̱lokꞌal.—

Isaías 52:15

Abanan nabaleb li tenamit teꞌsach xchꞌo̱leb xban ut li nequeꞌtaklan saꞌ ruchichꞌochꞌ mem teꞌcana̱k nak teꞌril li ma̱ jun sut rilomeb ut nak teꞌxtau ru lix ya̱lal li ma̱ jun sut rabiomeb, chan li Dios.

Romanos 15:16

La̱in nincꞌanjelac chiru li Jesucristo saꞌ xya̱nkeb li ma̱cuaꞌeb aj judío. Lin cꞌanjel aꞌan xchꞌolobanquil xya̱lal li colba-ib re nak eb li ma̱cuaꞌeb aj judío teꞌxkꞌaxtesi rib chiru li Dios. Ut li Dios ta̱sahokꞌ saꞌ xchꞌo̱l riqꞌuineb, ut teꞌsantobresi̱k xban li Santil Musikꞌej.

Salmos 22:27

Chixjunileb li tenamit jun sut rubel choxa teꞌjulticokꞌ li Dios reheb ut teꞌxcuikꞌib ribeb chiru. Saꞌ chixjunil li ruchichꞌochꞌ aꞌ yal bar xtenamit teꞌxlokꞌoni li Ka̱cuaꞌ.

Romanos 15:26

Eb laj pa̱banel li cuanqueb aran Macedonia ut Acaya x-ala saꞌ xchꞌo̱leb xtaklanquil jun li ma̱tan chokꞌ reheb li nebaꞌ li cuanqueb saꞌ xya̱nkeb li herma̱n aran Jerusalén.

Jeremías 4:2

Cui te̱tzꞌekta̱naheb li yi̱banbil dios naru te̱ba̱nu li juramento saꞌ incꞌabaꞌ la̱in li yoꞌyo̱quil Dios. Te̱ba̱nu saꞌ xya̱lal ut saꞌ ti̱quilal. Ut saꞌ incꞌabaꞌ la̱in chixjunileb li tenamit teꞌosobtesi̱k ut tineꞌxlokꞌoni, chan li Dios.

Isaías 2:2

Saꞌ rosoꞌjiqueb li cutan ta̱cuulak xkꞌehil nak ta̱cꞌulma̱nk chi joꞌcaꞌin: Li tzꞌakal rochoch li Ka̱cuaꞌ li cuan saꞌ li tzu̱l aꞌanak li kꞌaxal nim xcuanquil saꞌ xbe̱n chixjunileb ut aꞌan li ta̱jolomi̱nk reheb. Ut nabaleb li cua̱nkeb saꞌ ruchichꞌochꞌ teꞌcuulak aran.

Isaías 60:13

Li ni̱nki cheꞌ li cuanqueb Líbano, li cꞌajoꞌ xchakꞌal ruheb, e̱rehak chic. Li chaj, li ciprés, ut li chacalteꞌ ta̱cꞌanjelak che̱ru re xqꞌuebal xsahob ru lin templo. Ut la̱in tinqꞌue xlokꞌal li templo li nincuan cuiꞌ.

Isaías 55:10

Li hab ut li ratzꞌam que nachal chak saꞌ choxa ut naxtꞌakresi li chꞌochꞌ. Incꞌaꞌ nacana yal chi joꞌcan. Naxqꞌue ban chi qꞌui̱c li acui̱mk toj retal nau̱chin ut nacuan iyaj re a̱uc ut nacuan ajcuiꞌ re tzacae̱mk.

Isaías 2:5

Abihomak ex ralal xcꞌajol laj Jacob. Chocua̱nk saꞌ xcutan xsaken li Ka̱cuaꞌ li nimajcual Dios.

Deuteronomio 32:43

La̱ex li xni̱nkal ru tenamit, te̱qꞌue xlokꞌal lix tenamit li Ka̱cuaꞌ xban nak li Ka̱cuaꞌ tixsach ruheb li xicꞌ nequeꞌiloc reheb. Li Ka̱cuaꞌ tixqꞌue re̱kaj reheb li queꞌcamsin reheb lix tenamit, abanan tixcuy xma̱queb lix tenamit ut ta̱risi li ma̱usilal saꞌ lix naꞌajeb.

Isaías 49:23

Eb li rey ut eb li reina chanchanakeb lix naꞌ xyucuaꞌeb la̱ tenamit. Eb li jalan tenamit teꞌxcubsi ribeb cha̱cuu. Teꞌxcuikꞌib ribeb cha̱cuu re xqꞌuebal a̱lokꞌal. Ut la̱at ta̱nau nak la̱in li Ka̱cuaꞌ ut eb li cauheb xchꞌo̱l cuiqꞌuin incꞌaꞌ teꞌchꞌina̱nk xchꞌo̱leb.