Apocalipsis 21:23 - Li Santil hu

²³ Ma̱cꞌaꞌ li sakꞌe aran ut ma̱cꞌaꞌ li po xban nak li Dios cuan aran ut lix lokꞌal li Dios nacutanobresin re. Ut lix lokꞌal li Jun li chanchan carner nacutanobresin re li tenamit.

Q'eqchi Bible

²³ Li tenamit ink'a' chik naraj ru taakutanob'resiiq xb'aan li saq'e chi moko xb'aan li po, xb'aan naq nakutanob'resiik xb'aan li xnimal xloq'al li Yos, ut li Karneer a'an li xsaqenk.

Apocalipsis 21:23 ပူးပေါင်းရင်းမြစ်များ

Apocalipsis 22:5

Aran ma̱cꞌaꞌak chic kꞌojyi̱n. Joꞌcan nak incꞌaꞌ chic ta̱cꞌanjelak reheb li sakꞌe chi moco li candil. Li Ka̱cuaꞌ Dios, aꞌan chic li ta̱cutanobresi̱nk reheb. Ut teꞌcua̱nk aran chi kꞌaxal sa saꞌ xchꞌo̱leb. Chanchanakeb chic rey.

Apocalipsis 21:11

Lix lokꞌal li Dios cuan riqꞌuin. Cꞌajoꞌ xchꞌinaꞌusal. Chanchan jun li terto̱quil pec jaspe. Kꞌaxal xchakꞌal ru ut nalemtzꞌun joꞌ li lem.

San Juan 1:9

Aꞌan li tzꞌakal cutan saken li quicꞌulun saꞌ ruchichꞌochꞌ chixcutanobresinquil xcꞌaꞌuxeb chixjunileb li cristian.

Isaías 24:23

Ta̱kꞌojyi̱nokꞌ ru li sakꞌe joꞌ ajcuiꞌ li po nak li nimajcual Dios cua̱nk chokꞌ tzꞌakal rey. Ut aꞌan ta̱takla̱nk saꞌ xbe̱neb li cuanqueb Jerusalén saꞌ li tzu̱l Sión. Ut li nequeꞌtaklan saꞌ xbe̱neb li tenamit teꞌril lix lokꞌal li Ka̱cuaꞌ.

Apocalipsis 18:1

Chirix aꞌan quicuil jun chic li ángel quicube chak saꞌ choxa. Kꞌaxal nim xcuanquil ut chixjunil li ruchichꞌochꞌ quicutanoꞌ xban lix lokꞌal.

San Lucas 2:32

Aꞌan li ta̱cutanobresi̱nk re lix cꞌaꞌuxeb li ma̱cuaꞌeb aj Israel ut aꞌan lix lokꞌaleb la̱ tenamit Israel, chan laj Simeón.

Apocalipsis 21:25

Eb li oqueba̱l incꞌaꞌ teꞌtzꞌapekꞌ xban nak junelic cutanak. Ma̱cꞌaꞌak kꞌojyi̱n.

San Juan 5:23

Quixba̱nu chi joꞌcan re nak chixjunileb teꞌxqꞌue inlokꞌal joꞌ nak nequeꞌxqꞌue xlokꞌal li Yucuaꞌbej. Li ani incꞌaꞌ naxqꞌue inlokꞌal la̱in li Cꞌajolbej, incꞌaꞌ ajcuiꞌ naxqꞌue xlokꞌal li Yucuaꞌbej li quitaklan chak cue.

San Juan 1:18

Ma̱ ani qui-iloc ru li Dios. Caꞌaj cuiꞌ li Dios Cꞌajolbej, aꞌan tzꞌakal li cuan chi sum a̱tin riqꞌuin li Dios Acuabej. Ut aꞌan li quicꞌutbesin chiku chanru li Dios.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

San Juan 1:4

Li Cristo, aꞌan li naqꞌuehoc junelic yuꞌam. Ut li yuꞌam li naxqꞌue naxcutanobresi lix cꞌaꞌuxeb li cristian.

Habacuc 3:3

—Aꞌan aꞌin li quicuil saꞌ li visión, chan laj Habacuc. Quicuil nak li Dios yo̱ chak chi cha̱lc saꞌ li naꞌajej Temán. Li Dios santo xchal saꞌ li tzu̱l Parán. Lix lokꞌal nacꞌutun saꞌ choxa, joꞌ ajcuiꞌ saꞌ chixjunil li ruchichꞌochꞌ.

Hechos 22:11

Ut la̱in incꞌaꞌ chic nin-iloc xban nak kꞌaxal nalemtzꞌun li chanchan xam. Chꞌilonbilin aj chic xbaneb li cuanqueb cuochben nak co̱in toj Damasco.

San Marcos 8:38

Li ani ta̱xuta̱na̱k chiruheb li tenamit aj ma̱c inban la̱in malaj ut xban li cua̱tin, la̱in li Alalbej tinxuta̱na̱k ajcuiꞌ xbaneb nak tincha̱lk chak riqꞌuin xnimal xlokꞌal lin Yucuaꞌ cuochbeneb li santil ángel.—

San Mateo 16:27

La̱in li Cꞌajolbej tincha̱lk riqꞌuin xnimal xlokꞌal lin Yucuaꞌ cuochbeneb lix ángel. Tojoꞌnak tinqꞌue lix kꞌajca̱munquil chi xjunju̱nkaleb joꞌ chanru lix yehom xba̱nuhom.

San Juan 17:24

At inYucuaꞌ, nintzꞌa̱ma cha̱cuu nak chixjunileb li xakꞌaxtesiheb cue teꞌcua̱nk cuiqꞌuin saꞌ li naꞌajej li tincua̱nk cuiꞌ la̱in. Nacuaj nak teꞌril lin lokꞌal li caqꞌue chak cue nak toj ma̱jiꞌ quiyi̱ba̱c li ruchichꞌochꞌ xban nak niquina̱ra.

Isaías 2:21

Nak ta̱cha̱lk chi rakoc a̱tin li Ka̱cuaꞌ Dios saꞌ ruchichꞌochꞌ, eb li cristian teꞌxmuk ribeb saꞌ eb li ochoch pec ut saꞌ eb li jul xban nak incꞌaꞌ teꞌxcuy rilbal lix joskꞌil, lix lokꞌal, ut lix cuanquilal li Dios.

Isaías 2:19

Nak ta̱cha̱lk chi rakoc a̱tin li Ka̱cuaꞌ Dios saꞌ ruchichꞌochꞌ, eb li cristian teꞌxmuk ribeb saꞌ eb li ochoch pec ut saꞌ eb li jul xban nak incꞌaꞌ teꞌxcuy rilbal lix joskꞌil, lix lokꞌal ut lix cuanquilal li Dios.

Isaías 2:10

Mukumak chak e̱rib saꞌ li ochoch pec. Mukumak chak e̱rib saꞌ li ni̱nki jul xban nak xiu xiu rilbal lix lokꞌal ut lix cuanquilal li Ka̱cuaꞌ.

Salmos 84:11

Li Ka̱cuaꞌ Dios, aꞌan li nacutanobresin re li kacꞌaꞌux ut aꞌan li nacoloc ke. Ut incꞌaꞌ narisi chiku li cꞌaꞌru us chokꞌ ke la̱o li nococuan saꞌ ti̱quilal.

Isaías 30:26

Li po ta̱lemtzꞌu̱nk joꞌ li sakꞌe. Ut li sakꞌe kꞌaxal cuiꞌchic ta̱lemtzꞌu̱nk. Cuukub sut xtikcual chiru li naxqꞌue rajlal cutan. Chixjunil aꞌin ta̱cꞌulma̱nk saꞌ eb li cutan nak li Ka̱cuaꞌ tixcꞌameb cuiꞌchic saꞌ usilal lix tenamit ut tixqꞌueheb cuiꞌchic chi cua̱nc saꞌ lix naꞌajeb.

Apocalipsis 5:6

Quicuil Jun xakxo aran chiru li lokꞌlaj cꞌojariba̱l li sutsu xbaneb li ca̱hib li chanchaneb ángel joꞌqueb ajcuiꞌ li ca̱hib xcaꞌcꞌa̱l li cꞌojcꞌo̱queb aran. Quicꞌutun nak li jun aꞌan ac camsinbil. Chanchan carner. Cuan cuukub xxucub ut cuan ajcuiꞌ cuukub xnakꞌ ru retalil li Santil Musikꞌej li quitakla̱c saꞌ chixjunil li ruchichꞌochꞌ.

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

Apocalipsis 14:4

Aꞌaneb aꞌin li queꞌpa̱ban re li Jun li chanchan carner, li queꞌta̱ken re yalak bar, li incꞌaꞌ queꞌxmux ribeb riqꞌuin ixk chi incꞌaꞌ sumsu̱queb. Aꞌineb li xbe̱n queꞌcoleꞌ saꞌ xya̱nkeb li cuanqueb saꞌ ruchichꞌochꞌ re nak teꞌoc chokꞌ ralal xcꞌajol li Dios ut chokꞌ ralal xcꞌajol li Jun li chanchan carner.