Apocalipsis 21:21 - Li Santil hu

²¹ Li cablaju chi oqueba̱l, yi̱banbileb riqꞌuin cablaju chi terto̱quil perla, jun saꞌ li junju̱nk chi oqueba̱l. Eb li be saꞌ li tenamit yi̱banbileb riqꞌuin tzꞌakal oro. Nalemtzꞌun. Chanchan lem.

Q'eqchi Bible

²¹ Li kab'laju chi okeb'aal a'aneb' kab'laju chi lemtz'il q'ol: jun sa' li junjunq chi okeb'aal; ut li xnimb'ehil li tenamit a'an tz'aqal oor, saqen saqenk ru jo' li lem.

Apocalipsis 21:21 ပူးပေါင်းရင်းမြစ်များ

Apocalipsis 21:18

Li tzꞌac yi̱banbil riqꞌuin li cha̱bil pec jaspe. Li tenamit yi̱banbil riqꞌuin tzꞌakal oro. Nalemtzꞌun. Chanchan lem.

Apocalipsis 17:4

Li ixk tikibanbil riqꞌuin rakꞌ púrpura ut cak. Lix sahob ru li rakꞌ yi̱banbil riqꞌuin oro ut terto̱quil pec ut riqꞌuin perla. Cuan chak riqꞌuin jun li secꞌ oro nujenak riqꞌuin li ma̱usilal ut li yumbe̱tac coꞌbe̱tac.

Apocalipsis 22:2

Li nimaꞌ aꞌan nanumeꞌ saꞌ xyi li tenamit. Chire li nimaꞌ xcaꞌ pacꞌalil cuan li cheꞌ retalil li junelic yuꞌam. Cablaju pa̱y li ru naxqꞌue ut rajlal po nau̱chin. Lix xak nacꞌanjelac re xqꞌuebal xcacuilaleb lix ni̱nkal ru tenamit.

Apocalipsis 18:16

Tokꞌobeb ru. Tokꞌobeb ru li cuanqueb saꞌ li nimla tenamit aꞌan. Junxil queꞌxtikib ribeb riqꞌuin li cha̱bil tꞌicr lino ut púrpura ut caki tꞌicr. Ut queꞌxqꞌue chokꞌ xsahob ru li oro, ut li terto̱quil pec ut li perla.

1 Reyes 6:20

Li Lokꞌlaj Santil Naꞌajej queꞌxyi̱b chak toj chi saꞌ li templo. Bele̱b metro xnajtil xteram, bele̱b metro xnajtil rok ut bele̱b metro xnajtil ru. Ut chi saꞌ queꞌxletz li tzꞌakal oro ut queꞌxletz ajcuiꞌ li tzꞌakal oro chiru li artal li yi̱banbil riqꞌuin li cheꞌ chacalteꞌ.

Apocalipsis 4:6

Ut quicuil ajcuiꞌ jun chanchan neba̱l cuan chiru li cꞌojariba̱l. Nalemtzꞌun joꞌ li lem ut chanchan jun li palau sak sak ru. Chi xjun sutam li cꞌojariba̱l cuanqueb ca̱hib li yoꞌyo̱queb, chanchaneb ángel. Nabal li xnakꞌ ruheb, joꞌ chiru joꞌ chirixeb.

Apocalipsis 21:15

Li ángel li quia̱tinac cuiqꞌuin cuan jun lix bisleb riqꞌuin yi̱banbil riqꞌuin oro re xbisbal li tenamit ut li oqueba̱l joꞌ ajcuiꞌ li tzꞌac.