Apocalipsis 21:11 - Li Santil hu

¹¹ Lix lokꞌal li Dios cuan riqꞌuin. Cꞌajoꞌ xchꞌinaꞌusal. Chanchan jun li terto̱quil pec jaspe. Kꞌaxal xchakꞌal ru ut nalemtzꞌun joꞌ li lem.

Q'eqchi Bible

¹¹ wank li xloq'al li Yos rik'in. Li xlemtz'unkil chanchan li q'axal tertookil pek, kama' li jaspe saqenk ru.

Apocalipsis 21:11 ပူးပေါင်းရင်းမြစ်များ

Apocalipsis 22:5

Aran ma̱cꞌaꞌak chic kꞌojyi̱n. Joꞌcan nak incꞌaꞌ chic ta̱cꞌanjelak reheb li sakꞌe chi moco li candil. Li Ka̱cuaꞌ Dios, aꞌan chic li ta̱cutanobresi̱nk reheb. Ut teꞌcua̱nk aran chi kꞌaxal sa saꞌ xchꞌo̱leb. Chanchanakeb chic rey.

Apocalipsis 4:6

Ut quicuil ajcuiꞌ jun chanchan neba̱l cuan chiru li cꞌojariba̱l. Nalemtzꞌun joꞌ li lem ut chanchan jun li palau sak sak ru. Chi xjun sutam li cꞌojariba̱l cuanqueb ca̱hib li yoꞌyo̱queb, chanchaneb ángel. Nabal li xnakꞌ ruheb, joꞌ chiru joꞌ chirixeb.

Apocalipsis 22:1

Ut li ángel quixcꞌut chicuu li nimaꞌ li naqꞌuehoc yuꞌam chi junelic. Li haꞌ sak sak ru. Chanchan lem. Na-el chak cuan cuiꞌ lix lokꞌlaj cꞌojariba̱l li Dios ut li Jun li chanchan carner.

Ezequiel 1:22

Ut saꞌ xbe̱neb li ca̱hib li chanchaneb ángel cuan li chanchan choxa nalemtzꞌun joꞌ li lem.

Apocalipsis 4:3

Ut li ani chunchu saꞌ li cꞌojariba̱l, cꞌajoꞌ lix lokꞌal. Li riloba̱l chanchan li cha̱bil pec jaspe malaj ut chanchan li cha̱bil pec cornalina li nalemtzꞌun. Ut lix cꞌojariba̱l sutsu riqꞌuin jun li xo̱quikꞌab chanchan li cha̱bil pec esmeralda nak quicuil.

Ezequiel 48:35

Chixjunil li tzꞌac li sutsu̱k cuiꞌ li tenamit, aꞌan bele̱b kilómetro xnimal. Ut chalen saꞌ li cutan aꞌan, lix cꞌabaꞌ li tenamit aꞌan Jehová-sama. Chi jalbil ru naraj naxye “Li Ka̱cuaꞌ cuan arin.”

Ezequiel 1:26

Ut saꞌ xbe̱n li chanchan choxa li cuan saꞌ xbe̱neb li chanchaneb ángel, quicꞌutun jun li cꞌojariba̱l yi̱banbil riqꞌuin li cha̱bil raxi pec zafiro. Ut saꞌ li cꞌojariba̱l aꞌan chunchu jun li chanchan cui̱nk.

Isaías 4:5

Li Ka̱cuaꞌ tixqꞌue li chok ut li sib chi cutan saꞌ xbe̱n li tzu̱l Sión ut saꞌ xbe̱neb chixjunileb li cuanqueb aran Jerusalén ut tixqꞌue li xam chiru kꞌojyi̱n. Riqꞌuin aꞌin tixcꞌutbesi lix lokꞌal saꞌ xbe̱neb laj Israel.

Li xHu LAJ JOB 28:17

Li cha̱bil naꞌleb incꞌaꞌ naru xjuntakꞌe̱tanquil riqꞌuin li terto̱quil pec diamante. Incꞌaꞌ naru xjalbal riqꞌuin li oro li kꞌaxal cha̱bil.

Apocalipsis 15:8

Ut chanchan quinujac chi sib lix templo li Dios nak quinujac riqꞌuin xlokꞌal ut xcuanquilal li Dios. Ut ma̱ ani quiru qui-oc aran toj retal quinumeꞌ li cuukub chi raylal li yo̱queb chixcꞌambal chak li cuukub chi ángel.

Ezequiel 43:2

Ut quicuil lix lokꞌal li Ka̱cuaꞌ lix Dioseb laj Israel li yo̱ chak chi cha̱lc saꞌ li este. Quicuabi jun li choki̱nc chanchan nak na-ecꞌan li nimaꞌ. Ut li ruchichꞌochꞌ quisakenoꞌ xban lix lokꞌal li Dios.

Ezequiel 28:16

Kꞌaxal latzꞌ a̱cuu chi cꞌayi̱nc ut chi lokꞌoc ut riqꞌuin aꞌan catiquib xba̱nunquil li ma̱usilal ut catma̱cob chicuu. Joꞌcan nak la̱in catcuisi saꞌ lin santil tzu̱l saꞌ xya̱nkeb li pec li nequeꞌlemtzꞌun.