Apocalipsis 20:8 - Li Santil hu

⁸ Ut ta̱xic saꞌ chixjunil li ruchichꞌochꞌ chixbalakꞌinquileb li tenamit yalak bar joꞌ li cuanqueb aran Gog ut Magog. Ut tixchꞌutubeb re nak teꞌpletik. Kꞌaxal nabalakeb joꞌ xqꞌuial li cocꞌ ru li samaib li cuan chire li palau.

Q'eqchi Bible

⁸ ut taa'elq chi xb'alaq'inkileb' li tenamit wankatqeb' sa' xkaaxukuutil li ruuchich'och', jo'wi' chi xb'alaq'inkil laj Gog ut laj Magog, re xch'utub'ankileb' chi yalok: li xk'ihaleb' a'an kama'aq li samahib' chire li palaw.

Apocalipsis 20:8 ပူးပေါင်းရင်းမြစ်များ

Apocalipsis 16:14

Eb li ma̱us aj musikꞌej aꞌin nequeꞌxba̱nu sachba chꞌo̱lej. Nequeꞌxic yalak bar saꞌ ruchichꞌochꞌ chixchꞌutubanquileb li rey ut eb li tenamit re nak teꞌpletik saꞌ eb li cutan nak li nimajcual Dios ta̱pletik riqꞌuin li joskꞌ aj xul.

Ezequiel 38:1

Li Ka̱cuaꞌ quia̱tinac cuiqꞌuin ut quixye cue:

Apocalipsis 20:10

Ut laj tza li quibalakꞌin reheb ta̱cutekꞌ saꞌ xxamlel li azufre li chanchan nimla palau li cuanqueb cuiꞌ li joskꞌ aj xul ut li profeta aj balakꞌ. Ut aran teꞌrahobtesi̱k chi kꞌek chi cutan chi junelic kꞌe cutan.

Apocalipsis 20:3

Quixcut saꞌ li nimla chamal jul ut quixtzꞌap xbe̱n ut quixqꞌue jun sello chiru re nak incꞌaꞌ chic tixbalakꞌiheb li tenamit chiru li jun mil chihab. Chirix aꞌan ta̱achꞌaba̱k. Abanan incꞌaꞌ najt ta̱cua̱nk.

Hebreos 11:12

Usta ac ti̱x chic laj Abraham nak quiyoꞌla li ralal, abanan queꞌtam li ralal xcꞌajol. Lix qꞌuialeb li ralal xcꞌajol joꞌ xqꞌuial li chahim chiru li choxa ut joꞌ xqꞌuial li samaib li cuan chire li palau. Ut incꞌaꞌ naru rajlanquileb xban lix qꞌuialeb.

Jeremías 33:22

La̱in tinqꞌue chi qꞌuia̱nc li ralal xcꞌajol laj David ut tinqꞌueheb chi qꞌuia̱nc li ralal xcꞌajol laj Leví. Chanchanakeb xqꞌuial li chahim ut chanchanakeb xqꞌuial li samaib li cuan chire li palau. Incꞌaꞌ ta̱ru̱k rajlanquileb, chan li Dios.

Isaías 10:22

Usta kꞌaxal nabaleb laj Israel, joꞌ xqꞌuial li samaib li cuan chire li palau, abanan ta̱cuulak xkꞌehil nak incꞌaꞌ chic qꞌuihakeb. Aꞌaneb li teꞌsukꞌi̱k riqꞌuin li Ka̱cuaꞌ. Ac yebil nak ta̱rakekꞌ a̱tin saꞌ xbe̱neb laj Israel ut ta̱sachekꞌ ruheb lix qꞌuialeb.

1 Samuel 13:5

Ut eb laj filisteo queꞌxchꞌutub ribeb chi pletic riqꞌuineb laj Israel. Cuanqueb laje̱b xcaꞌcꞌa̱l mil (30,000) chi carruaje re pletic, cuanqueb cuakib mil (6,000) li soldado li nequeꞌxic chirix cacua̱y, ut cuanqueb ajcuiꞌ nabaleb li soldado li nequeꞌxic chi rokeb joꞌ xqꞌuial li samaib li cuan chire li palau. Queꞌco̱eb ut queꞌxyi̱b lix muheba̱leb aran Micmas li nacana saꞌ xjayal li tenamit Bet-avén, li na-el cuiꞌ chak li sakꞌe.

Jueces 7:12

Eb laj Madián ut eb laj Amalec ut eb li queꞌchal saꞌ li oriente chanchaneb jun tu̱b chi aj sa̱cꞌ saꞌ li ru takꞌa xban nak kꞌaxal nabaleb. Nabaleb lix camellos. Chanchan xqꞌuial li samaib li cuan chire li palau.

1 Reyes 4:20

Eb laj Israel ut eb laj Judá kꞌaxal nabaleb joꞌ xqꞌuial li cocꞌ ru li samaib chire li palau. Nequeꞌcuaꞌac ut nequeꞌucꞌac chi sa saꞌ xchꞌo̱leb.

Ezequiel 7:2

—At ralal cui̱nk, la̱in li Ka̱cuaꞌ Dios. Aꞌan aꞌin li yo̱quin chixyebal reheb laj Israel. Cuulac re xkꞌehil rosoꞌjic chixjunil le̱ tenamit. Cuulac re xkꞌehil nak ta̱osokꞌ le̱ naꞌaj.

Ezequiel 38:2

—At ralal cui̱nk, ilon cuan cuiꞌ li tenamit Magog. Ut ta̱ye resil li raylal li ta̱cha̱lk saꞌ xbe̱n laj Gog, li kꞌaxal nim xcuanquil chi takla̱nc saꞌ li naꞌajej Magog, li cuanqueb cuiꞌ li tenamit Mesec ut Tubal.

Ezequiel 39:1

At ralal cui̱nk, ta̱ye resil li raylal li ta̱cha̱lk saꞌ xbe̱n laj Gog. Ye re nak la̱in li nimajcual Dios ninye chi joꞌcaꞌin. La̱in yo̱ injoskꞌil saꞌ a̱be̱n, at Gog. La̱at li kꞌaxal nim a̱cuanquil saꞌ xbe̱neb laj Mesec ut saꞌ xbe̱neb laj Tubal.

Ezequiel 39:6

La̱in tintakla li xam saꞌ xbe̱neb li cuanqueb Magog ut saꞌ xbe̱neb ajcuiꞌ li cuanqueb chi cꞌojcꞌo xchꞌo̱leb chire li palau. Ut eb aꞌan teꞌxqꞌue retal nak la̱in li Dios.

Apocalipsis 7:1

Ut chirix chixjunil aꞌin quicuil ca̱hib li ángel xakxo̱queb saꞌ xca̱ pacꞌalil li ruchichꞌochꞌ li nachal cuiꞌ li ikꞌ. Yo̱queb chixkꞌusbal li ikꞌ re nak incꞌaꞌ ta̱numekꞌ chi cau saꞌ xbe̱n li ruchichꞌochꞌ joꞌ ajcuiꞌ saꞌ xbe̱n li palau ut saꞌ xbe̱neb li cheꞌ.

Apocalipsis 12:9

Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

2 Crónicas 18:21

Li musikꞌej quixye: La̱in tin-oc riqꞌuineb chixjunileb li profeta re nak teꞌxye ticꞌtiꞌ re laj Acab, chan. Ut li Ka̱cuaꞌ quixye re: Us. Ayu ut balakꞌi laj Acab. Ba̱nu joꞌ xaye, chan.