Apocalipsis 20:2 - Li Santil hu

² Quixchap li dragón. Aꞌan li cꞌantiꞌ li ac cuan ajcuiꞌ chak najter. Aꞌan laj tza. Satanás nayeman re. Nak quixchap, quixbacꞌ ut quixcanab chi bacꞌbo chiru jun mil chihab.

Q'eqchi Bible

² Kixchap li nimla xul, li najter k'anti' (a'an laj tza, li maa'us) ut kixb'ak' chi kareen chiru jun mil chihab'.

Apocalipsis 20:2 ပူးပေါင်းရင်းမြစ်များ

2 Pedro 2:4

Li Dios incꞌaꞌ quixcuy xma̱queb li ángel li queꞌma̱cob chiru. Quixcuteb ban saꞌ xbalba saꞌ chamal jul kꞌojyi̱n xsaꞌ. Bacꞌbo̱queb chi cadena quixcanabeb toj ta̱cuulak xkꞌehil li rakba a̱tin. Joꞌcan ajcuiꞌ tixba̱nu reheb laj balakꞌ. Incꞌaꞌ tixcuy xma̱queb.

Apocalipsis 12:9

Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

San Judas 1:6

Ninjultica ajcuiꞌ che̱ru nak cuan li ángel queꞌxtzꞌekta̱na lix lokꞌal qꞌuebileb re joꞌ ajcuiꞌ lix naꞌajeb. Anakcuan tzꞌaptzꞌo̱queb saꞌ li kꞌojyi̱n xban li Dios ut bacꞌbo̱queb riqꞌuin cadena toj ta̱cuulak xcutanquil li rakba a̱tin.

San Juan 12:31

Anakcuan xcuulac xkꞌehil nak li Dios ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Anakcuan ta̱sachekꞌ xcuanquil laj tza li nataklan saꞌ ruchichꞌochꞌ.

Isaías 27:1

Saꞌ eb li cutan aꞌan li Ka̱cuaꞌ tixqꞌueheb chixtoj xma̱queb laj Leviatán li nimla xul li se̱b xchꞌo̱l chixba̱nunquil li incꞌaꞌ us, ut li nimla cꞌantiꞌ li naxkꞌotkꞌoti rib, joꞌ ajcuiꞌ li dragón li cuan saꞌ li palau. Riqꞌuin lix nimla chꞌi̱chꞌ cau tixcamsiheb.

Génesis 3:15

Li Dios quixye ajcuiꞌ re li cꞌantiꞌ: —La̱in tinqꞌue raylal saꞌ e̱ya̱nk re nak xicꞌ chic te̱ril e̱rib la̱at ut li ixk. Xicꞌ teꞌril rib la̱ cualal a̱cꞌajol riqꞌuineb li ralal xcꞌajol li ixk. Saꞌ junak cutan la̱at ta̱rahobtesi li rit rok junak reheb li ralal xcꞌajol li ixk, ut aꞌan tixpuqꞌui la̱ jolom.

1 Pedro 5:8

Chicua̱nk e̱naꞌleb re xcolbal e̱rib chiru laj tza xban nak laj tza yo̱ chixsicꞌbal ani ta̱ra̱le. Laj tza aꞌan chanchan li cakcoj ca̱mc re xban xtzꞌocajic ut yo̱ chixsutinquil rib yalak bar re xsicꞌbal ani tixcamsi re tixtiu.

Hebreos 2:14

Ya̱l nak la̱o ut li Jesucristo junaj li kachoxahil Yucuaꞌ. Li Jesucristo quitzꞌejcualoꞌ joꞌ la̱o. Quicuan xquiqꞌuel. Quicuan xbakel ut xtibel. Li Jesucristo quicam. Riqꞌuin lix camic, li Ka̱cuaꞌ Jesucristo quixsach xcuanquil laj tza, xban nak saꞌ xcꞌabaꞌ laj tza nak cuan li ca̱mc.

Romanos 16:20

Ut li Ka̱cuaꞌ Dios, li naqꞌuehoc li tuktu̱quil usilal, aꞌan tixsach xcuanquil laj tza ut textenkꞌa re nak la̱ex chic texnumta̱k saꞌ xbe̱n. Li rusilal li Ka̱cuaꞌ Jesucristo chicua̱nk e̱riqꞌuin.

San Juan 16:11

Incꞌaꞌ nequeꞌxtau ru cꞌaꞌru li rakba a̱tin. Cui ta queꞌxtau ru, teꞌxnau raj nak ac tenebanbil li rakba a̱tin saꞌ xbe̱n laj tza li nataklan saꞌ ruchichꞌochꞌ.

Apocalipsis 13:2

Li joskꞌ aj xul li quicuil, aꞌan chanchan hix. Eb li rok chanchan rok li xul oso. Ut li ruch re chanchan ruch re li cakcoj. Ut li dragón quixqꞌue lix cacuilal ut lix cꞌojariba̱l re li joskꞌ aj xul. Ut quixqꞌue ajcuiꞌ xcuanquil.

Apocalipsis 12:17

Cꞌajoꞌ nak quijoskꞌoꞌ li dragón saꞌ xbe̱n li ixk. Co̱ chi pletic riqꞌuineb li ralal xcꞌajol, li joꞌ qꞌuial chic queꞌcana. Aꞌaneb li nequeꞌba̱nun re lix chakꞌrab li Dios ut nequeꞌpa̱ban re lix ya̱lal li quixchꞌolob li Jesucristo.

Apocalipsis 12:15

Ut li cꞌantiꞌ quixxaꞌcua haꞌ chirix li ixk. Ut li quixxaꞌcua chanchan jun nimaꞌ re nak ta̱cꞌamekꞌ xban li rok li nimaꞌ li ixk.

Apocalipsis 12:13

Ut li joskꞌ aj dragón quixqꞌue retal nak quicuteꞌ saꞌ ruchichꞌochꞌ. Qui-oc xta̱kenquil li ixk li quiyoꞌla jun xcꞌulaꞌal te̱lom.

San Marcos 5:7

Quixjap re chixyebal: —¿Cꞌaꞌru ta̱cuaj cuiqꞌuin, at Jesús? La̱at Ralalat li nimajcual Dios. Saꞌ xcꞌabaꞌ li Ka̱cuaꞌ Dios, nintzꞌa̱ma cha̱cuu nak mina̱rahobtesi, chan re.

San Mateo 8:29

Ut eb aꞌan queꞌxjap re chixyebal: —¿Cꞌaꞌru ta̱cuaj kiqꞌuin, at Jesús? La̱at ralalat li nimajcual Dios. ¿Ma xatchal arin chikachꞌiꞌchꞌiꞌinquil chi toj ma̱jiꞌ xkꞌehil li rakba a̱tin? chanqueb.

Li xHu LAJ JOB 1:7

Ut li Ka̱cuaꞌ Dios quixye re laj tza: —¿Bar xatchal chak? chan re. Ut laj tza quixye re li Dios: —Yo̱quin chak chixsutinquil li ruchichꞌochꞌ. Ut yo̱quin chixbeninquil cuib yalak bar, chan.

Apocalipsis 13:4

Ut queꞌxqꞌue xlokꞌal li dragón xban nak quixqꞌue xcuanquil li joskꞌ aj xul. Ut queꞌxlokꞌoni ajcuiꞌ li joskꞌ aj xul ut queꞌxye: —¿Ani ta cuiꞌ cuan xcuanquil joꞌ li joskꞌ aj xul aꞌin? Ma̱ ani tixcuy pletic riqꞌuin aꞌan xban nak quiqꞌueheꞌ xcuanquil xban li dragón, chanqueb.

Apocalipsis 9:11

Cuan jun li nataklan saꞌ xbe̱neb. Aꞌan li ángel li kꞌaxal nim xcuanquil chi takla̱nc saꞌ li chamal jul. Aj Abadón xcꞌabaꞌ saꞌ li a̱tinoba̱l hebreo, ut saꞌ griego aj Apolión xcꞌabaꞌ. (Chi jalbil ru li cꞌabaꞌej aꞌin naraj naxye “aj sachonel”.)

San Mateo 19:29

Li ani naxcanab rochoch, ras ri̱tzꞌin, xnaꞌ xyucuaꞌ, rixakil, ralal xcꞌajol, malaj xchꞌochꞌ saꞌ incꞌabaꞌ la̱in, li jun aꞌan kꞌaxal cuiꞌchic nabal li tixcꞌul chiru li quixcanab ut ta̱re̱chani li junelic yuꞌam.

Génesis 3:1

Li cꞌantiꞌ kꞌaxal cuiꞌchic cuan xnaꞌleb chiruheb chixjunileb li xul li quixyoꞌobtesi li Ka̱cuaꞌ Dios. Kꞌaxal se̱b xchꞌo̱l chixba̱nunquil li incꞌaꞌ us. Li cꞌantiꞌ quixye re li ixk: —¿Ma relic chi ya̱l nak li Dios quixye e̱re nak incꞌaꞌ naru te̱lou li ru chixjunileb li cheꞌ li cuan saꞌ xnaꞌaj li acui̱mk?—

Isaías 24:22

Tixchꞌutub ru joꞌ nak nequeꞌchꞌutuba̱c li pre̱x ut teꞌtzꞌapekꞌ saꞌ jun naꞌajej joꞌ nak nequeꞌtzꞌapeꞌ li pre̱x li ni̱nkeb xma̱c. Ut najt teꞌcua̱nk aran toj ta̱cuulak xkꞌehil nak teꞌqꞌuehekꞌ chixtojbal xma̱queb.

San Marcos 4:15

Ut li iyaj li quinak chire be, aꞌan chanchaneb li nequeꞌabin re li ra̱tin li Dios. Nak ac xeꞌrabi, saꞌ junpa̱t nachal laj tza chirisinquil li a̱tin ut saꞌ junpa̱t nasach saꞌ xchꞌo̱leb.

Apocalipsis 12:3

Ut jun chic sachba chꞌo̱lej quicꞌutbesi̱c chicuu saꞌ choxa. Quicuil jun nimla joskꞌ aj xul cak rix dragón xcꞌabaꞌ. Cuan cuukub lix jolom ut laje̱b lix xucub. Ut saꞌ eb lix jolom cuukub cuan junju̱nk lix corona.

Apocalipsis 12:4

Ut riqꞌuin lix ye yo̱ chixquelonquil nabal li chahim chiru choxa. Caꞌchꞌin chic ma̱ yijach li chahim li yo̱ chixquelonquil. Ut quixcut saꞌ ruchichꞌochꞌ li chahim. Li nimla joskꞌ aj xul quixakli chiru li ixk li oc re chi qꞌuira̱c re nak tixnukꞌ li cꞌulaꞌal nak ta̱yoꞌla̱k.

Apocalipsis 20:7

Nak acak xnumeꞌ li jun mil chihab, ta̱achꞌaba̱k laj tza ut ta̱e̱lk saꞌ li nimla chamal jul li tzꞌaptzꞌo cuiꞌ.

Apocalipsis 20:10

Ut laj tza li quibalakꞌin reheb ta̱cutekꞌ saꞌ xxamlel li azufre li chanchan nimla palau li cuanqueb cuiꞌ li joskꞌ aj xul ut li profeta aj balakꞌ. Ut aran teꞌrahobtesi̱k chi kꞌek chi cutan chi junelic kꞌe cutan.

Ezequiel 47:5

Quixbis o̱b ciento metro chic, ut ac cham chic chi us li nimaꞌ. Incꞌaꞌ chic quiru quinnumeꞌ xban nak kꞌaxal cham chic. Ma̱ ani naru nanumeꞌ cui incꞌaꞌ nanau numxic.