Apocalipsis 20:1 - Li Santil hu

¹ Quicuil jun chic li ángel yo̱ chak chi cubec saꞌ choxa. Cuan chak saꞌ rukꞌ xlauhil li nimla chamal jul joꞌ ajcuiꞌ jun li nimla cadena.

Q'eqchi Bible

¹ Chirix chik a'an kiwil jun li ánjel yo chaq chi kub'eek sa' choxa: wan chaq sa' ruq' li xlaawil li Siwan jo'wi' jun li nimla kareen.

Apocalipsis 20:1 ပူးပေါင်းရင်းမြစ်များ

Apocalipsis 1:18

La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

2 Pedro 2:4

Li Dios incꞌaꞌ quixcuy xma̱queb li ángel li queꞌma̱cob chiru. Quixcuteb ban saꞌ xbalba saꞌ chamal jul kꞌojyi̱n xsaꞌ. Bacꞌbo̱queb chi cadena quixcanabeb toj ta̱cuulak xkꞌehil li rakba a̱tin. Joꞌcan ajcuiꞌ tixba̱nu reheb laj balakꞌ. Incꞌaꞌ tixcuy xma̱queb.

San Judas 1:6

Ninjultica ajcuiꞌ che̱ru nak cuan li ángel queꞌxtzꞌekta̱na lix lokꞌal qꞌuebileb re joꞌ ajcuiꞌ lix naꞌajeb. Anakcuan tzꞌaptzꞌo̱queb saꞌ li kꞌojyi̱n xban li Dios ut bacꞌbo̱queb riqꞌuin cadena toj ta̱cuulak xcutanquil li rakba a̱tin.

Apocalipsis 18:1

Chirix aꞌan quicuil jun chic li ángel quicube chak saꞌ choxa. Kꞌaxal nim xcuanquil ut chixjunil li ruchichꞌochꞌ quicutanoꞌ xban lix lokꞌal.

Apocalipsis 10:1

Quicuil nak quichal jun chic li ángel cau rib. Yo̱ chak chi cubec saꞌ choxa sutsu saꞌ chok. Ut lix jolom sutsu xban jun li xo̱quikꞌab. Li riloba̱l nalemtzꞌun joꞌ li sakꞌe ut li rok chanchan jun okech yo̱ xxamlel.

San Lucas 8:31

Ut eb li ma̱us aj musikꞌej queꞌxtzꞌa̱ma chiru li Jesús nak incꞌaꞌ tixtaklaheb saꞌ xbalba.

Apocalipsis 20:3

Quixcut saꞌ li nimla chamal jul ut quixtzꞌap xbe̱n ut quixqꞌue jun sello chiru re nak incꞌaꞌ chic tixbalakꞌiheb li tenamit chiru li jun mil chihab. Chirix aꞌan ta̱achꞌaba̱k. Abanan incꞌaꞌ najt ta̱cua̱nk.