Apocalipsis 2:9 - Li Santil hu

⁹ La̱in ninnau chanru cuanquex. Ninnau chixjunil li raylal nequecꞌul. Ninnau nak nebaꞌex. Abanan cuan e̱biomal riqꞌuin li Dios. Ninnau nak nequexmajecua̱c xbaneb li nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Aj cꞌanjeleb ban chiru laj tza.

Q'eqchi Bible

⁹ Ninnaw li xnimal aarahilal ut laaneb'a'il (ab'an b'ihomat). Ninnaw laamajewankil xb'aaneb' li neke'xye rib' naq a'aneb' aj Judiiy ut maawa'eb', a'aneb' b'an xch'utleb'aal ochoch laj tza.

Apocalipsis 2:9 ပူးပေါင်းရင်းမြစ်များ

Apocalipsis 3:9

Cuanqueb li nequeꞌxba̱nu li cꞌaꞌru naraj laj tza. Nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Yal ticꞌtiꞌ nequeꞌxye. La̱in tincanabeb toj retal teꞌxcuikꞌib ribeb che̱ru re nak teꞌxqꞌue retal nak la̱in ninrahoc e̱re.

2 Corintios 8:9

La̱ex ac nequenau nak kꞌaxal nim li rusilal li Ka̱cuaꞌ Jesucristo. Aꞌan quixcanab chak lix biomal saꞌ choxa ut quicuan saꞌ nebaꞌil arin saꞌ ruchichꞌochꞌ yal e̱ban la̱ex. Quixba̱nu chi joꞌcaꞌin yal re nak la̱ex te̱cꞌul li biomal li naxqꞌue li Dios.

Romanos 9:6

Li Dios quixqꞌue li quixyechiꞌi reheb laj Israel. Aban moco chixjunileb ta queꞌxcꞌul li yechiꞌinbil xban li Dios xban nak moco chixjunileb ta tzꞌakaleb aj Israel. Aban incꞌaꞌ ninye nak li Dios incꞌaꞌ quixqꞌue li quixyechiꞌi reheb laj Israel.

2 Corintios 6:10

Kꞌaxal ra cuanco, abanan junelic sa saꞌ kachꞌo̱l. Nebaꞌo, abanan nabal nequeꞌxcꞌul xbiomal nak nakachꞌolob chiruheb lix ya̱lal. Ma̱cꞌaꞌ cuan ke arin saꞌ ruchichꞌochꞌ, abanan nakanau nak biomo xban nak cuan li rusilal li Dios kiqꞌuin.

1 Timoteo 6:18

Chaye reheb nak cheꞌxba̱nu li us. Chinumta̱k lix cha̱bilaleb. Cheꞌxnauhak sihi̱nc chi nabal ut chi anchaleb xchꞌo̱l.

San Lucas 4:18

Lix musikꞌ li nimajcual Dios cuan cuiqꞌuin xban nak li Dios quixsicꞌ cuu chixyebal li cha̱bil esil reheb li cuanqueb saꞌ nebaꞌil. Quinixtakla chixcolbaleb li cuanqueb saꞌ raylal ut chixyebal resil nak teꞌachꞌaba̱k li cuanqueb chi pre̱xil ut re ajcuiꞌ nak tinqꞌueheb chi iloc li mutzꞌ ut teꞌcuisi ajcuiꞌ saꞌ raylal li rahobtesinbileb.

Apocalipsis 2:2

La̱in ninnau chixjunil li nequeba̱nu. Ninnau nak cau nequexcꞌanjelac ut ninnau ajcuiꞌ nak incꞌaꞌ nachꞌinan e̱chꞌo̱l. Ninnau nak xicꞌ nequeril li nequeꞌxba̱nu ma̱usilal. Xeqꞌue retal li ani xeꞌxqꞌue ribeb chokꞌ apóstol ut ma̱cuaꞌeb. Ut xenau nak aj balakꞌeb ut aj ticꞌtiꞌeb.

San Lucas 6:20

Ut li Jesús quirileb lix tzolom ut qui-oc chixyebal: —Us xak e̱re la̱ex li nebaꞌex, xban nak cuanquex chic rubel xcuanquil li Dios.

Romanos 12:12

Chisahokꞌ saꞌ e̱chꞌo̱l xban nak cuan cꞌaꞌru nequeroybeni. Checuyak li raylal li nachal saꞌ e̱be̱n. Ut junelic chextijok.

Romanos 5:3

Ut moco caꞌaj cuiꞌ ta nasahoꞌ kachꞌo̱l nak totzꞌako̱nk saꞌ lix lokꞌal li Dios. Nasahoꞌ aj ban cuiꞌ saꞌ kachꞌo̱l nak nakacꞌul li raylal. Nakanau nak riqꞌuin xcꞌulbal li raylal nakatzol li cuyuc.

1 Timoteo 1:13

Quixqꞌue cue li cꞌanjel aꞌin usta ac xinmajecua li Jesucristo ut xinrahobtesi eb laj pa̱banel ut xinhobeb. Abanan li Jesucristo quiruxta̱na cuu xban nak toj ma̱jiꞌ ninnau bar cuan li tzꞌakal ya̱l ut toj ma̱jiꞌ ninpa̱ban.

1 Ts 3:4

Nak toj cuanco chak saꞌ e̱ya̱nk xkaye resil e̱re nak takacꞌul li raylal la̱o aj pa̱banel. Ac nequenau la̱ex nak joꞌcan quicꞌulman.

2 Corintios 8:2

Quiyaleꞌ rix lix pa̱ba̱leb xban li qꞌuila raylal xeꞌxcꞌul. Abanan numtajenak lix sahil xchꞌo̱leb. Usta kꞌaxal nebaꞌeb, abanan chanchan biomeb xban nak nabal xeꞌxsi re xtenkꞌanquileb li rech aj pa̱banelil.

Romanos 8:35

¿Cꞌaꞌru ta̱ru̱k ta̱isi̱nk ke riqꞌuin li Cristo li narahoc ke? Ma̱cꞌaꞌ. Li ra xi̱cꞌ incꞌaꞌ naru torisi, chi moco li raylal, chi moco li chꞌaꞌajquilal, chi moco li xi̱cꞌ ilecꞌ, chi moco li cueꞌej, chi moco li cua̱nc saꞌ nebaꞌil, chi moco li camsi̱c. Ma̱cꞌaꞌ naru ta̱isi̱nk ke riqꞌuin li Cristo li narahoc ke.

Apocalipsis 7:14

Ut la̱in quinchakꞌoc ut quinye re: —Ka̱cuaꞌ, la̱at nacatnaꞌoc re.— Ut aꞌan quixye cue: —Aꞌaneb aꞌin li xeꞌcuyuc chak xnumsinquil li nimla raylal xeꞌxcꞌul. Aꞌaneb li cuybil sachbil lix ma̱queb xban nak quihoyeꞌ xquiqꞌuel li Jun li chanchan carner nak quicam saꞌ xcꞌabaꞌeb.

San Lucas 22:65

Ut nabal chic cꞌaꞌak re ru queꞌxye re xhobbal li Jesús.

San Lucas 12:21

La̱in ninye e̱re: joꞌcaꞌin naxcꞌul li naxcꞌu̱la xbiomal saꞌ ruchichꞌochꞌ ut riqꞌuin li Dios ma̱cꞌaꞌ xbiomal, chan li Jesús.

Romanos 2:17

La̱at aj judío, ut riqꞌuin aꞌan nacanimobresi a̱cuib, ut nacaye nak li Dios aꞌan aj e̱chal a̱cue. Ut nacacꞌojob a̱chꞌo̱l riqꞌuin lix chakꞌrab laj Moisés.

Hechos 26:11

Nabal sut quintakla xsacꞌbaleb saꞌ li cab li nequeꞌxchꞌutub cuiꞌ ribeb laj judío. Quinpuersiheb chixmajecuanquil xcꞌabaꞌ li Jesús. Xban nak cꞌajoꞌ injoskꞌil saꞌ xbe̱neb, quebinta̱ke yalak bar saꞌ eb li jalanil tenamit re xba̱nunquil raylal reheb.

Hechos 14:22

Yo̱queb chixqꞌuebal xcacuil xchꞌo̱leb laj pa̱banel. Queꞌxye reheb nak teꞌxpa̱b li Ka̱cuaꞌ chi anchaleb xchꞌo̱l ut incꞌaꞌ teꞌxcanab xpa̱banquil. Queꞌxye reheb nak tento teꞌxcuy xnumsinquil li raylal re nak teꞌoc saꞌ lix nimajcual cuanquilal li Dios.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

San Mateo 4:10

Tojoꞌnak li Jesús quichakꞌoc ut quixye re: —Elen chicuu la̱at aj tza, xban nak joꞌcaꞌin tzꞌi̱banbil saꞌ li Santil Hu: Li Ka̱cuaꞌ la̱ Dios ta̱lokꞌoni ut caꞌaj cuiꞌ chiru aꞌan tatcꞌanjelak.— (Deut. 6:13)

Apocalipsis 1:9

La̱in laj Juan, le̱ rech aj pa̱banelil. La̱in xintzꞌakon ajcuiꞌ riqꞌuin xcuybal li raylal saꞌ xcꞌabaꞌ li Jesucristo e̱rochben la̱ex li sicꞌbil e̱ru xban li Ka̱cuaꞌ. La̱in cuanquin arin saꞌ li naꞌajej Patmos li sutsu riqꞌuin haꞌ xban nak xinchꞌolob xya̱lal li ra̱tin li Dios ut xinye resil li Jesucristo.

Apocalipsis 2:13

La̱in ninnau chanru nak cuanquex. La̱in ninnau nak cuan xcuanquil laj tza saꞌ li tenamit li cuanquex cuiꞌ. Abanan la̱ex toj yo̱quex chinlokꞌoninquil. Incꞌaꞌ xecanab inpa̱banquil usta quicamsi̱c laj Antipas xban nak quixye cuesilal aran saꞌ le̱ tenamit li cuan rubel xcuanquil laj tza.

Apocalipsis 2:24

Ma̱cꞌaꞌ tinye e̱re re e̱kꞌusbal la̱ex aj Tiatira li joꞌ qꞌuialex incꞌaꞌ xetzol e̱rib riqꞌuin li tijleb li nequeꞌxchꞌolob eb aꞌan, xban nak aꞌan xma̱us aj naꞌleb laj tza.