Apocalipsis 2:26 - Li Santil hu

²⁶ Li ani naxcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l ut tixba̱nu li cꞌaꞌru nacuaj toj saꞌ rosoꞌjic, la̱in tinqꞌue xcuanquil chi takla̱nc saꞌ xbe̱neb li tenamit.

Q'eqchi Bible

²⁶ Li ani taaq'axoq u, a' li tixk'e xch'ool chirixeb' linb'aanuhom chalen toj sa' roso'jik, tink'e xwankil sa' xb'eeneb' li tenamit.

Apocalipsis 2:26 ပူးပေါင်းရင်းမြစ်များ

Apocalipsis 3:21

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l, la̱in tinqꞌue chi cꞌojla̱c chincꞌatk saꞌ lin cꞌojariba̱l joꞌ nak cꞌojcꞌo̱quin chixcꞌatk lin Yucuaꞌ saꞌ lix cꞌojariba̱l xban nak xincuy xnumsinquil li raylal.

Daniel 7:27

Ut chixjunil li cuanquilal ta̱qꞌuehekꞌ reheb li ralal xcꞌajol li Dios ut aꞌanakeb chic cua̱nkeb xcuanquil chi junelic saꞌ xbe̱neb chixjunileb li cuanqueb xcuanquil jun sut rubel choxa. Ut li cuanqueb xcuanquil saꞌ ruchichꞌochꞌ teꞌcꞌanjelak ut teꞌpa̱ba̱nk chiruheb, chan cue.

Apocalipsis 20:4

Ut quicuileb li cꞌojariba̱l li queꞌcꞌojla cuiꞌ li queꞌqꞌueheꞌ xcuanquil chi rakoc a̱tin. Queꞌcuil li queꞌcamsi̱c xban nak queꞌxchꞌolob resil li Jesús ut xban nak queꞌxchꞌolob ra̱tin li Dios. Incꞌaꞌ queꞌxlokꞌoni li joskꞌ aj xul chi moco lix jalam u̱ch. Ut incꞌaꞌ quiqꞌueheꞌ retalil li xul saꞌ xpe̱quemeb chi moco chi rukꞌeb. Queꞌcuacli cuiꞌchic chi yoꞌyo ut queꞌcuan xcuanquil rochbeneb li Cristo chiru jun mil (1,000) chihab.

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

Salmos 2:8

Tzꞌa̱ma cue ut tinqꞌue a̱cue re nak ta̱cue̱chani chixjunil li tenamit. Ut tinkꞌaxtesi saꞌ a̱cuukꞌ chixjunil li ruchichꞌochꞌ.

Apocalipsis 22:5

Aran ma̱cꞌaꞌak chic kꞌojyi̱n. Joꞌcan nak incꞌaꞌ chic ta̱cꞌanjelak reheb li sakꞌe chi moco li candil. Li Ka̱cuaꞌ Dios, aꞌan chic li ta̱cutanobresi̱nk reheb. Ut teꞌcua̱nk aran chi kꞌaxal sa saꞌ xchꞌo̱leb. Chanchanakeb chic rey.

1 Juan 5:5

¿Ani li tzꞌakal cuan xcuanquil re xcuybal xnumsinquil li ma̱usilal li cuan saꞌ ruchichꞌochꞌ? La̱o li nocopa̱ban re nak li Jesús aꞌan li Ralal li Dios. Caꞌaj cuiꞌ la̱o cuan kacuanquil re xcuybal xnumsinquil li ma̱usilal.

San Juan 6:29

Li Jesús quixye reheb: —Li cꞌaꞌru naraj li Dios nak te̱ba̱nu, aꞌan aꞌin: nak tine̱pa̱b la̱in xban nak taklanbilin chak xban, chan.

San Mateo 24:13

Ut li ani tixcuy xnumsinquil li raylal aꞌin toj saꞌ rosoꞌjic lix yuꞌam, aꞌan ta̱colekꞌ.

Daniel 7:22

Ut quicuil ajcuiꞌ nak quichal li Ti̱xil Cui̱nk li cuan chi junelic ut Aꞌan quirakoc a̱tin saꞌ xbe̱neb chixjunileb ut quixcoleb li ralal xcꞌajol. Quicuulac xkꞌehil nak queꞌqꞌueheꞌ xcuanquileb xban li Dios.

Apocalipsis 2:11

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, li jun aꞌan incꞌaꞌ tixcꞌul lix cab xcamic. Incꞌaꞌ ta̱xic saꞌ xbalba, chan li Cꞌajolbej reheb laj Esmirna.

Apocalipsis 3:12

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l saꞌ lix pa̱ba̱l, tinqꞌue xlokꞌal ut ma̱ ani ta̱ru̱k ta̱isi̱nk re saꞌ lix naꞌaj li ta̱qꞌuehekꞌ re xban lin Yucuaꞌ. Chanchanak li okech li nacu̱tun re lix templo li Dios, li incꞌaꞌ na-ecꞌan saꞌ xnaꞌaj. Aꞌan ta̱cua̱nk riqꞌuin lin Yucuaꞌ chi junelic saꞌ li Acꞌ Jerusalén li tixqꞌue lin Yucuaꞌ cuan saꞌ choxa. Acꞌ chic lix cꞌabaꞌ tinqꞌue. Ut chixjunileb teꞌxnau nak aꞌan ralal xcꞌajol lin Yucuaꞌ. Ut tinqꞌue ajcuiꞌ re lin cꞌabaꞌ la̱in.

Apocalipsis 2:17

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue li choxahil cua li incꞌaꞌ na-ilman ru chixtzaca. Ut tinqꞌue ajcuiꞌ jun li saki pec re ut tzꞌi̱banbilak chiru jun li acꞌ cꞌabaꞌej. Ma̱ ani ta̱naꞌok re li cꞌabaꞌej. Caꞌaj cuiꞌ li ani li ta̱cꞌuluk re, chan li Cꞌajolbej reheb laj Pérgamo.

1 Juan 3:23

Ut aꞌan aꞌin lix chakꞌrab quixqꞌue ke li Dios, nak chopa̱ba̱nk saꞌ xcꞌabaꞌ li Jesucristo li Ralal li Dios ut takara kib chi kibil kib, joꞌ coxchakꞌrabi cuiꞌ.

Santiago 2:20

Ma̱cꞌaꞌ a̱naꞌleb. ¿Jokꞌe ta̱tau xya̱lal chi tzꞌakal? ¿Ma incꞌaꞌ nacaqꞌue retal nak cui incꞌaꞌ nacaba̱nu li us, ma̱cꞌaꞌ na-oc cuiꞌ la̱ pa̱ba̱l?

Romanos 8:37

Aban li Jesucristo nocoxra ut nocoxtenkꞌa chixcuybal ut chixnumsinquil chixjunil li raylal nakacꞌul.

Romanos 2:7

Li Dios tixqꞌue xyuꞌam chi junelic li ani naxqꞌue xchꞌo̱l chixba̱nunquil li cha̱bilal li naraj li Dios re nak tixtau lix lokꞌal, lix nimanquil ru, ut lix yuꞌam chi junelic.

Daniel 7:18

Abanan ta̱cuulak xkꞌehil nak eb li ralal xcꞌajol li nimajcual Dios teꞌqꞌuehekꞌ xcuanquil ut aꞌaneb chic teꞌcua̱nk xcuanquil chi junelic kꞌe cutan, chan.

Apocalipsis 21:7

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l saꞌ lix pa̱ba̱l, aꞌan ta̱re̱chani chixjunil li cꞌaꞌak re ru aꞌin. La̱inak lix Dios ut aꞌanak li cualal incꞌajol.

Hebreos 3:6

Aban li Ka̱cuaꞌ Jesucristo, aꞌan tzꞌakal Ralal li Dios ut cuan xcuanquil chi takla̱nc saꞌ xbe̱neb li ralal xcꞌajol li Dios. La̱o li ralal xcꞌajol li Dios cui caꞌaj cuiꞌ riqꞌuin li Dios nocoyoꞌonin ut cauhak kachꞌo̱l saꞌ li kapa̱ba̱l toj saꞌ rosoꞌjic li cutan.

San Mateo 19:28

Ut li Jesús quixye reheb: —Relic chi ya̱l tinye e̱re nak la̱in li Cꞌajolbej tincꞌojla̱k saꞌ lin lokꞌlaj cꞌojariba̱l saꞌ li acꞌ ruchichꞌochꞌ, la̱ex li xexta̱ken cue, texcꞌojla̱k ajcuiꞌ saꞌ li cablaju chi cꞌojariba̱l re texrakok a̱tin saꞌ xbe̱neb li cablaju xte̱paleb laj Israel.

Salmos 49:14

Li ca̱mc aꞌan tenebanbil saꞌ xbe̱neb chixjunileb. Chanchaneb li carner re camsi̱c. Ut lix tibeleb ta̱kꞌa̱k saꞌ li mukleba̱l. Ut li mukleba̱l aꞌanak chic li rochocheb. Ut saꞌ jun cutan li ti̱queb xchꞌo̱l, aꞌan eb chic li teꞌqꞌuehekꞌ xlokꞌal.

Apocalipsis 3:5

Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, aꞌan ta̱tikiba̱k riqꞌuin saki akꞌej. Ut la̱in incꞌaꞌ tinsach lix cꞌabaꞌ saꞌ li hu tzꞌi̱banbil cuiꞌ xcꞌabaꞌeb li cuanqueb xyuꞌam chi junelic. Ut chiru lin Yucuaꞌ ut chiruheb ajcuiꞌ lix ángel, la̱in tinye nak aꞌan cualal incꞌajol.

1 Juan 2:19

Saꞌ kaya̱nk xeꞌel li xicꞌ nequeꞌiloc re li Cristo, abanan moco kech aj pa̱baneleb ta nak xeꞌcuan. Cui ta eb aꞌan kech aj pa̱banelil, cuanqueb raj chi junelic saꞌ kaya̱nk. Abanan xeꞌel saꞌ kaya̱nk re nak ta̱nauma̱nk nak ma̱cuaꞌeb kech aj pa̱banelil.

1 Ts 3:5

Joꞌcan nak xintakla laj Timoteo e̱riqꞌuin xban nak incꞌaꞌ chic xincuy roybeninquil resil chanru cuanquex saꞌ le̱ pa̱ba̱l. Ma̱re anchal xex-a̱le̱c xban laj tza ut li kacꞌanjel ma̱re chicana̱k chi ma̱cꞌaꞌ rajbal.

Salmos 2:9

Cau tattakla̱nk saꞌ xbe̱neb li tenamit xban nak la̱ cuanquil xinqꞌue chanchan jun xukꞌ chꞌi̱chꞌ. Joꞌcan nak tatrakok a̱tin saꞌ xbe̱neb toj retal teꞌosokꞌ. Chanchan nak najoreꞌ junak li chꞌochꞌ cuc nak teꞌosokꞌ,” chan li Ka̱cuaꞌ.

San Mateo 10:22

Ut chixjunileb xicꞌ teꞌilok e̱re saꞌ incꞌabaꞌ. Abanan li ani teꞌcuyuk xcꞌulbal li raylal toj saꞌ rosoꞌjic lix yuꞌam, eb aꞌan teꞌcolekꞌ.