Apocalipsis 2:22 - Li Santil hu

²² Aꞌut anakcuan la̱in tinqꞌue junak yajel saꞌ xbe̱n re nak ta̱tꞌanekꞌ saꞌ chꞌa̱t. Ut eb li nequeꞌxba̱nu ma̱usilal riqꞌuin teꞌxcꞌul ajcuiꞌ li raylal cui incꞌaꞌ nequeꞌyotꞌeꞌ xchꞌo̱l ut cui incꞌaꞌ nequeꞌxcanab xba̱nunquil li ma̱usilal li naxba̱nu aꞌan.

Q'eqchi Bible

²² K'e reetal, tinkut li ixq a'an chiru ch'aat sa' rahilal; ut eb' li neke'xmux rib' rik'in teb'ink'e sa' xninqal rahilal, wi ink'a' te'xjal xk'a'uxl chirixeb' li xb'aanuhom.

Apocalipsis 2:22 ပူးပေါင်းရင်းမြစ်များ

Apocalipsis 17:2

Chixjunileb li rey li cuanqueb saꞌ ruchichꞌochꞌ nequeꞌcuulac saꞌ li tenamit aꞌan chixba̱nunquil li ma̱usilal. Chanchan nak ac xeꞌcaltesi̱c xban li ma̱usilal yo̱queb chixba̱nunquil, chan li ángel.

San Lucas 13:5

La̱in ninye e̱re nak incꞌaꞌ. Ut cui la̱ex incꞌaꞌ te̱yotꞌ e̱chꞌo̱l ut te̱jal e̱cꞌaꞌux, tex-osokꞌ ajcuiꞌ la̱ex, chan li Jesús.

Jeremías 36:3

Ma̱re teꞌxcanab xba̱nunquil li ma̱usilal eb laj Judá nak teꞌrabi nak ta̱cha̱lk raylal saꞌ xbe̱neb, li nincꞌoxla xtaklanquil. Cui teꞌxjal xcꞌaꞌuxeb ut teꞌxcanab xba̱nunquil li ma̱usilal, la̱in tincuy tinsach lix ma̱queb ut lix ma̱usilal, chan li Ka̱cuaꞌ.

Apocalipsis 18:9

Eb li rey li cuanqueb saꞌ ruchichꞌochꞌ li queꞌcuulac aran Babilonia chixba̱nunquil li ma̱usilal rochbeneb ut queꞌsahoꞌ saꞌ xchꞌo̱leb riqꞌuineb, ta̱rahokꞌ saꞌ xchꞌo̱leb chirilbal nak yo̱k chi sachecꞌ ru li tenamit. Teꞌya̱bak xban xrahil xchꞌo̱leb nak teꞌril xsibel li tenamit nak yo̱k chi cꞌatc.

Apocalipsis 18:3

Xsacheꞌ xcuanquil xban nak numtajenak li ma̱c nequeꞌxba̱nu. Chixjunileb li rey li cuanqueb saꞌ ruchichꞌochꞌ nequeꞌcuulac Babilonia chixba̱nunquil li ma̱usilal riqꞌuineb. Chanchan calajenakeb xban li ma̱usilal yo̱queb chixba̱nunquil. Ut eb laj cꞌay queꞌbiomoꞌ aran xban nak nabal li cꞌaꞌak re ru queꞌxcꞌayi chi terto xtzꞌak, chan.

San Lucas 13:3

—Tinye e̱re nak incꞌaꞌ. Cui la̱ex incꞌaꞌ te̱yotꞌ e̱chꞌo̱l ut te̱jal e̱cꞌaꞌux, tex-osokꞌ ajcuiꞌ la̱ex che̱junilex.

Ezequiel 23:29

Xban nak xicꞌ nequex-ileꞌ xbaneb teꞌxba̱nu raylal e̱re. Teꞌxmakꞌ che̱ru chixjunil li cꞌaꞌru e̱re, usta cau xecꞌanjela rix. Ma̱cꞌaꞌ chic cua̱nk e̱re. Chanchan nak tꞌustꞌu texcana̱k. Chanchanakex chic li ixk li nequeꞌxcꞌayi ribeb xban nak xine̱tzꞌekta̱na ut xelokꞌoniheb li jalanil dios. Xuta̱nal te̱cꞌul.

Sofonías 3:7

Li Ka̱cuaꞌ quixye: —Saꞌ inchꞌo̱l la̱in nak riqꞌuin aꞌin tineꞌxxucua laj Jerusalén ut teꞌxcꞌul lix kꞌusbaleb li xinqꞌue, re nak incꞌaꞌ tinsach ru lix tenamiteb. Abanan kꞌaxal cuiꞌchic queꞌxba̱nu li ma̱usilal.

Ezequiel 33:11

Ta̱ye reheb nak li Ka̱cuaꞌ xye chi joꞌcaꞌin: Yoꞌyo̱quin la̱in li nimajcual Dios. La̱in incꞌaꞌ nacuaj nak texca̱mk saꞌ le̱ ma̱c. Nacuaj ban nak te̱jal e̱naꞌleb ut te̱canab xba̱nunquil li ma̱usilal ut ta̱cua̱nk e̱yuꞌam. Ex aj Israel, canabomak xba̱nunquil li ma̱usilal. ¿Cꞌaꞌut nak te̱qꞌue e̱rib chi ca̱mc xban le̱ ma̱c?

2 Corintios 12:21

Nincꞌoxla nak tincuulak e̱riqꞌuin, te̱cꞌut inxuta̱n chiru li Dios xban li cꞌaꞌru yo̱quex chixba̱nunquil. Ma̱re tinya̱bak chirixeb li queꞌxba̱nu li incꞌaꞌ us ut toj ma̱jiꞌ nequeꞌxyotꞌ xchꞌo̱l ut toj ma̱jiꞌ xeꞌxjal xcꞌaꞌux riqꞌuin li ma̱usilal li queꞌxba̱nu joꞌ li muxuc caxa̱r, li coꞌbe̱tac yumbe̱tac ut li cꞌaꞌak chic ru chi ma̱usilal.

Apocalipsis 2:5

Cheqꞌuehak retal cꞌaꞌru xexpaltoꞌ cuiꞌ. Chijulticokꞌ e̱re chanru nak xine̱ra chak junxil. Yotꞌomak e̱chꞌo̱l ut jalomak e̱cꞌaꞌux ut chine̱rahak cuiꞌchic joꞌ nak xine̱ra chak junxil. Cui incꞌaꞌ ta̱yotꞌekꞌ e̱chꞌo̱l ut te̱jal e̱cꞌaꞌux, la̱in tincuisi le̱ candelero saꞌ xnaꞌaj chi junpa̱t.