Apocalipsis 2:20 - Li Santil hu

²⁰ Abanan incꞌaꞌ nacuulac chicuu nak nequecꞌam e̱rib saꞌ usilal riqꞌuin li ixk li yibru xnaꞌleb li chanchan lix naꞌleb lix Jezabel. Li ixk aꞌan naxqꞌue rib chokꞌ xprofeta li Dios, abanan moco ya̱l ta. Yo̱ ban chixbalakꞌinquileb laj cꞌanjel chicuu. Riqꞌuin li naxba̱nu yo̱ chixcꞌambaleb xbe chi yumbe̱tac ut chi coꞌbe̱tac. Ut yo̱ ajcuiꞌ chixcꞌambaleb xbe chixtzacanquil li tzacae̱mk mayejanbil chiru li jalanil Dios.

Q'eqchi Bible

²⁰ Ab'an ch'a'aj naweek'a chawix naq nakak'ul chi k'anjelak lix Jesabel, li ixq a'an li naxye rib' naq propeet ut yo chi xtzolb'aleb' ut chi xb'alaq'inkileb' laj k'anjel chiwu re naq te'xmux rib'eb' ut te'xtzeka li tib' mayejanb'il chiru li xyoseb'.

Apocalipsis 2:20 ပူးပေါင်းရင်းမြစ်များ

Apocalipsis 2:14

Abanan cuan cꞌaꞌak re ru yo̱quex chixba̱nunquil incꞌaꞌ us xban nak cuanqueb saꞌ e̱ya̱nk li toj yo̱queb chixqꞌuebal xcuanquil lix tijleb laj Balaam li quicꞌutuc chiru laj Balac chanru nak tixqꞌueheb chi ma̱cobc laj Israel. Quixye reheb nak ta̱ru̱k teꞌxtzaca li tzacae̱mk li mayejanbil chiru li jalanil dios. Ut quixtacchiꞌiheb re nak teꞌyumbe̱tak ut teꞌcoꞌbe̱tak.

1 Reyes 16:31

Incꞌaꞌ quicꞌoxlac chixba̱nunquil li ma̱c li quixba̱nu laj Jeroboam li ralal laj Nabat. Ut kꞌaxal cuiꞌchic yibru quixba̱nu nak quixcꞌam chok rixakil lix Jezabel lix rabin laj Et-baal lix reyeb laj Sidón. Ut laj Acab quixlokꞌoni li jalanil dios Baal.

Hechos 15:29

Incꞌaꞌ te̱tzaca li tzacae̱mk mayejanbil chiru li yi̱banbil dios chi moco te̱tzaca li quicꞌ chi moco te̱tzaca xtibel li yatzꞌbil xul. Ut incꞌaꞌ te̱mux e̱rib riqꞌuin coꞌbe̱tac yumbe̱tac. Cui te̱col e̱rib chiru chixjunil aꞌin, us te̱ba̱nu. Cherilak e̱rib, chan laj Jacobo.

2 Reyes 9:7

La̱at tatsachok ruheb li ralal xcꞌajol laj Acab li nataklan saꞌ a̱be̱n. Chi joꞌcaꞌin ta̱qꞌueheb chixtojbal rix lix camiqueb lin profetas li queꞌcꞌanjelac chicuu li quixtakla xcamsinquil lix Jezabel.

Hechos 15:20

Li tento takaba̱nu, aꞌan tzꞌi̱bac riqꞌuineb ut xyebal reheb nak incꞌaꞌ teꞌxmux rib riqꞌuin xtzacanquil li tzacae̱mk mayejanbil chiruheb li yi̱banbil dios. Incꞌaꞌ teꞌcoꞌbe̱tak teꞌyumbe̱tak. Ut incꞌaꞌ teꞌxtiu xtibel li yatzꞌbil xul chi moco teꞌxtzaca li quicꞌ.

Apocalipsis 2:4

Abanan cuan jun e̱paltil chicuu. La̱ex incꞌaꞌ chic niquine̱ra joꞌ nak xine̱ra chak junxil.

Éxodo 34:15

Me̱ba̱nu junak contrato riqꞌuineb xban nak cui te̱ba̱nu aꞌan naru nequejunaji e̱rib riqꞌuineb. Me̱lokꞌoni lix dioseb ut nak ta̱cua̱nk lix ninkꞌe lix dioseb, mexxic chi cuaꞌac riqꞌuineb nak texbokekꞌ xbaneb.

1 Corintios 10:28

Aꞌut cui junak naxye a̱cue nak li tzacae̱mk aꞌan mayejanbil chiru li yi̱banbil dios, incꞌaꞌ ta̱tzaca aꞌan re nak incꞌaꞌ ta̱chꞌina̱k xchꞌo̱l li xyehoc a̱cue nak mayejanbil tzacae̱mk ut re ajcuiꞌ nak incꞌaꞌ ta̱oc xcꞌaꞌux.

1 Reyes 17:4

La̱in tintakla li tzꞌok chixqꞌuebal la̱ cua nak cua̱nkat aran. Ut saꞌ li rok haꞌ tat-ucꞌak, chan li Dios.

1 Reyes 17:13

Laj Elías quixye re: —Matcꞌoxlac. Ayu saꞌ la̱ cuochoch. Ba̱nu joꞌ xaye. Abanan xbe̱n cua ta̱yi̱b jun chꞌina caxlan cua ut ta̱cꞌam chak chokꞌ cue. Chirix aꞌan ta̱yi̱b re la̱ yum ut la̱ cue la̱at.

2 Reyes 9:22

Nak li rey Joram quiril laj Jehú quixye re: —At Jehú, ¿ma saꞌ usilal xatchal? chan. Laj Jehú quixye re: —¿Chanru nak tocua̱nk saꞌ usilal nak lix Jezabel la̱ naꞌ toj yo̱ chixlokꞌoninquileb li yi̱banbil dios ut cꞌajoꞌ li tu̱lac yo̱? chan.

Ezequiel 13:17

Joꞌcan ut anakcuan, at ralal cui̱nk, ta̱ye resil li raylal li ta̱cha̱lk saꞌ xbe̱neb li ixk li nequeꞌbalakꞌin, li cuanqueb saꞌ la̱ tenamit. Ta̱ye resil li raylal teꞌxcꞌul xban nak nequeꞌxye li cꞌaꞌru nequeꞌxcꞌoxla xjuneseb.