Apocalipsis 2:14 - Li Santil hu

¹⁴ Abanan cuan cꞌaꞌak re ru yo̱quex chixba̱nunquil incꞌaꞌ us xban nak cuanqueb saꞌ e̱ya̱nk li toj yo̱queb chixqꞌuebal xcuanquil lix tijleb laj Balaam li quicꞌutuc chiru laj Balac chanru nak tixqꞌueheb chi ma̱cobc laj Israel. Quixye reheb nak ta̱ru̱k teꞌxtzaca li tzacae̱mk li mayejanbil chiru li jalanil dios. Ut quixtacchiꞌiheb re nak teꞌyumbe̱tak ut teꞌcoꞌbe̱tak.

Q'eqchi Bible

¹⁴ Ab'anan wank k'aru tatinq'us wi': wank wankeb' aawik'in li neke'xpaab' li xk'utum laj Balaham. A'an kik'utuk chiru laj Balak xq'unb'esinkileb' chi maakob'k eb' li ralal xk'ajol laj Israel re naq te'xtzeka li tib' mayejanb'il chiru li xyoseb' ut te'xmux rib'eb'.

Apocalipsis 2:14 ပူးပေါင်းရင်းမြစ်များ

2 Pedro 2:15

Nak nequeꞌxcanab li ti̱quilal, nequeꞌxic chi joꞌ ma̱joꞌ. Nequeꞌxba̱nu joꞌ quixba̱nu laj Balaam li ralal laj Beor. Laj Balaam quiraj xtaubal xtumin riqꞌuin xba̱nunquil li ma̱usilal.

Números 31:16

Aꞌaneb li ixk li queꞌtacchiꞌi̱c xban laj Balaam. Ut aꞌan eb li queꞌqꞌuehoc reheb laj Israel chi ma̱cobc chiru li Ka̱cuaꞌ ut queꞌxlokꞌoni laj Baal-peor. Xbaneb aꞌan nak li Dios xtakla li raylal saꞌ xbe̱n li tenamit Israel.

Apocalipsis 2:20

Abanan incꞌaꞌ nacuulac chicuu nak nequecꞌam e̱rib saꞌ usilal riqꞌuin li ixk li yibru xnaꞌleb li chanchan lix naꞌleb lix Jezabel. Li ixk aꞌan naxqꞌue rib chokꞌ xprofeta li Dios, abanan moco ya̱l ta. Yo̱ ban chixbalakꞌinquileb laj cꞌanjel chicuu. Riqꞌuin li naxba̱nu yo̱ chixcꞌambaleb xbe chi yumbe̱tac ut chi coꞌbe̱tac. Ut yo̱ ajcuiꞌ chixcꞌambaleb xbe chixtzacanquil li tzacae̱mk mayejanbil chiru li jalanil Dios.

San Judas 1:11

Ra teꞌxcꞌul. Lix naꞌlebeb aꞌan joꞌ lix naꞌleb laj Caín. Chanchaneb laj Balaam, xban nak nequeꞌxrahi ru li tumin ut junes aꞌan chic nequeꞌxcꞌoxla. Nequeꞌxtzꞌekta̱na lix chakꞌrab li Dios ut nequeꞌxnimobresi rib joꞌ quixba̱nu laj Coré. Xban aꞌan nak teꞌosokꞌ.

Hechos 15:29

Incꞌaꞌ te̱tzaca li tzacae̱mk mayejanbil chiru li yi̱banbil dios chi moco te̱tzaca li quicꞌ chi moco te̱tzaca xtibel li yatzꞌbil xul. Ut incꞌaꞌ te̱mux e̱rib riqꞌuin coꞌbe̱tac yumbe̱tac. Cui te̱col e̱rib chiru chixjunil aꞌin, us te̱ba̱nu. Cherilak e̱rib, chan laj Jacobo.

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

Josué 24:9

Ut lix reyeb laj Moab, laj Balac li ralal laj Zipor, quipletic e̱riqꞌuin. Ut quixtakla xbokbal laj Balaam li ralal laj Beor re nak tixtzꞌa̱ma ma̱usilal saꞌ e̱be̱n.

1 Pedro 2:8

Ut tzꞌi̱banbil ajcuiꞌ saꞌ li Santil Hu chi joꞌcaꞌin: Aꞌan ut li pec li queꞌxtich cuiꞌ li rokeb. Aꞌan li pec li natꞌanoc. (Isa. 8:14-15) Li cristian li nequeꞌxtich rokeb chiru, aꞌaneb laj kꞌetol ra̱tin li Dios. Ac chꞌolchꞌo nak teꞌxcꞌul lix tojbal lix ma̱c xban nak nequeꞌxtzꞌekta̱na li Cristo.

Hechos 21:25

Ac xotzꞌi̱bac riqꞌuineb li queꞌpa̱ban saꞌ xya̱nkeb li ma̱cuaꞌeb aj judío. Ac xkatakla xyebal reheb nak incꞌaꞌ tento teꞌxba̱nu li circuncisión. Li cꞌaꞌru tento teꞌxba̱nu, aꞌan aꞌin: incꞌaꞌ naru teꞌxtzaca li tzacae̱mk mayejanbil chiruheb li yi̱banbil dios, chi moco teꞌxtzaca li quicꞌ, chi moco teꞌxtiu xtibel li yatzꞌbil xul. Ut incꞌaꞌ teꞌcoꞌbe̱tak teꞌyumbe̱tak, chanqueb re laj Pablo.

Números 31:8

Queꞌxcamsiheb li o̱b chi rey aj Madián. Aꞌaneb laj Evi, laj Requem, laj Zur, laj Hur, ut laj Reba. Ut queꞌxcamsi ajcuiꞌ chi chꞌi̱chꞌ laj Balaam li ralal laj Beor.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

1 Corintios 7:2

Abanan us cui ta̱sumla̱k re nak incꞌaꞌ ta̱ma̱cobk. Teꞌsumla̱k re nak li cui̱nk teꞌcua̱nk rixakil chi xju̱nkaleb ut li ixk teꞌcua̱nk xbe̱lom chi xju̱nkaleb.

San Mateo 18:7

Tokꞌob ruheb li cuanqueb saꞌ ruchichꞌochꞌ xban nak cuan cꞌaꞌ re ru napoꞌoc re lix chꞌo̱leb. Ac chꞌolchꞌo nak cuan li cꞌaꞌru napoꞌoc chꞌo̱lej. Abanan raylal cha̱lel saꞌ xbe̱n li ani ta̱yoꞌoba̱nk re li cꞌaꞌ re ru ta̱poꞌok chꞌo̱lej.

Ezequiel 3:20

Cui cuan junak ti̱c xchꞌo̱l ta̱oc chixba̱nunquil li ma̱usilal ut la̱in tincanab chi tꞌanecꞌ, aꞌan ta̱ca̱mk cui la̱at incꞌaꞌ ta̱chꞌolob xya̱lal chiru. Ta̱ca̱mk xban lix ma̱usilal ut incꞌaꞌ ta̱julticokꞌ cue li us li quixba̱nu. Ut saꞌ a̱be̱n la̱at ta̱cana̱k lix camic.

Números 24:14

Anakcuan xic cue saꞌ lin tenamit. Abanan xbe̱n cua tinye a̱cue cꞌaꞌru teꞌxba̱nu e̱re eb laj Israel saꞌ eb li cutan chalen, chan laj Balaam.

Romanos 14:21

Li us xba̱nunquil, aꞌan aꞌin: cui nachꞌinan xchꞌo̱l la̱ herma̱n xban nak nacattiꞌoc tib ut nacat-ucꞌac vino, mattiꞌoc tib ut mat-ucꞌac vino. Incꞌaꞌ ta̱ba̱nu li cꞌaꞌak re ru ta̱chꞌina̱nk cuiꞌ xchꞌo̱l la̱ herma̱n re nak incꞌaꞌ ta̱ma̱cobk a̱ban.

Romanos 14:13

Chikacanabak xcuechꞌinquil kib chi kibil kib ut chikaba̱nu li us re nak li kech aj pa̱banelil incꞌaꞌ teꞌchꞌina̱nk xchꞌo̱leb saꞌ lix pa̱ba̱leb chi moco teꞌoc cuiꞌchic chi ma̱cobc kaban.

Ezequiel 44:12

Xban nak queꞌcꞌanjelac chiruheb li jalanil dios ut queꞌcꞌamoc be chiruheb laj Israel chixba̱nunquil li ma̱usilal, joꞌcan nak la̱in li nimajcual Dios ninye riqꞌuin juramento nak relic chi ya̱l nak teꞌxtoj rix lix ma̱queb.

Jeremías 6:21

Joꞌcan nak la̱in tintakla li raylal saꞌ xbe̱neb. Tebinqꞌue chi tꞌanecꞌ eb li naꞌbej yucuaꞌbej joꞌqueb ajcuiꞌ li ralal xcꞌajol, joꞌqueb ajcuiꞌ li rech cabal ut eb li rami̱g. Jun xiquic nak teꞌosokꞌ chixjunileb, chan li Dios.

Apocalipsis 2:4

Abanan cuan jun e̱paltil chicuu. La̱ex incꞌaꞌ chic niquine̱ra joꞌ nak xine̱ra chak junxil.

1 Corintios 1:23

Aban la̱o nakachꞌolob xya̱lal nak li Cristo quicam chiru li cruz re kacolbal. Abanan li ca̱mc chiru cruz xuta̱nal chiruheb laj judío ut incꞌaꞌ nequeꞌraj xtaubal xya̱lal lix camic li Cristo. Joꞌcan nak chiruheb laj judío lix ya̱lal lix camic li Cristo chanchan jun li pec nequeꞌxtich rokeb chiru. Joꞌcan ajcuiꞌ chiruheb li ma̱cuaꞌeb aj judío, lix ya̱lal lix camic li Cristo to̱ntil naꞌleb chiruheb.

Romanos 11:9

Tzꞌi̱banbil ajcuiꞌ saꞌ li Santil Hu li quixye laj David nak quitijoc: Eb li ninkꞌe nequeꞌxba̱nu chisukꞌi̱k taxak chokꞌ raylal saꞌ xbe̱neb. Raylal taxak ta̱cha̱lk saꞌ xbe̱neb re nak teꞌxtoj rixeb lix ma̱queb li yo̱queb chixba̱nunquil.

Romanos 9:32

¿Cꞌaꞌut nak incꞌaꞌ queꞌxtau? Xban nak moco yo̱queb ta chixsicꞌbal li ti̱quil chꞌo̱lej riqꞌuin xpa̱banquil li Cristo. Queꞌxsicꞌ ban li ti̱quilal riqꞌuin xba̱nunquil li naxye li chakꞌrab. Ut xban aꞌan, chanchan queꞌxtich rib chiru jun li pec. Ut li pec aꞌan retalil li Cristo. Ut li nequeꞌxtich rib chiru, aꞌan li nequeꞌtzꞌekta̱nan re li Cristo.

Isaías 57:14

Ut ta̱abima̱nk nak li Ka̱cuaꞌ tixye: —Chisukꞌi̱k cuiqꞌuin lin tenamit. Yi̱bomak li be ut ti̱cobresihomak ru. Ut isihomak chixjunil li cꞌaꞌru naramoc re lix beheb lin tenamit.—