Apocalipsis 19:8 - Li Santil hu

⁸ Quiqꞌueheꞌ li cha̱bil lino re xtikibanquil rib. Sak ru li rakꞌ ut nalemtzꞌun. Li saki lino aꞌan retalil lix ti̱quilal xchꞌo̱leb li ralal xcꞌajol li Dios.

Q'eqchi Bible

⁸ ut xk'ehe'k re li xtiqib'ankil rib' rik'in chaab'il liino saqpotz'in”. Li liino a'an li xchaab'il b'aanuhomeb' li sant.

Apocalipsis 19:8 ပူးပေါင်းရင်းမြစ်များ

Isaías 61:10

Cꞌajoꞌ xsahil saꞌ xchꞌo̱leb laj Jerusalén xban li cꞌaꞌru quixba̱nu li Ka̱cuaꞌ. Xcoleb ut xqꞌueheb xti̱quilal xchꞌo̱leb. Chanchan jun li cui̱nk xtikib rib chi us re ta̱sumla̱k ut chanchan li ixk li naxtikib rib chi cha̱bil nak ta̱xic chi sumla̱c.

Apocalipsis 3:18

Joꞌcan nak ninye e̱re: Lokꞌomak e̱-oro cuiqꞌuin li ac numsinbil saꞌ xam ut isinbil xtzꞌajnil. Lokꞌomak le̱ saki tꞌicr cuiqꞌuin re te̱tikib e̱rib ut incꞌaꞌ te̱cꞌut e̱xuta̱n nak tꞌustꞌu̱quex. Lokꞌomak xbanol li xnakꞌ e̱ru cuiqꞌuin re nak tex-ilok.

Romanos 13:14

Kakꞌaxtesihak ban kib chi tzꞌakal rubel rok rukꞌ li Ka̱cuaꞌ Jesucristo re nak aꞌan chic ta̱tenkꞌa̱nk ke riqꞌuin lix nimal xcuanquil. Ut incꞌaꞌ chic takaba̱nu li ma̱usilal li naxrahi ru li kachꞌo̱l nak toj ma̱jiꞌ nakapa̱b li Cristo.

San Marcos 9:3

Ut li rakꞌ quijalanoꞌ rilbal. Nalemtzꞌun chic li rakꞌ. Saksakpotzꞌin nacꞌutun, chanchan li ratzꞌam que. Ma̱ jun aj puchꞌunel arin saꞌ ruchichꞌochꞌ tixsakobresi junak tꞌicr joꞌ nak quisakobresi̱c li rakꞌ li Jesús.

San Mateo 22:12

Li rey quixye re: “At cuami̱g, ¿cꞌaꞌut nak xat-oc chak arin chi incꞌaꞌ tikto̱cat joꞌ nequeꞌxtikib rib li nequeꞌxic saꞌ sumla̱c?” chan. Ut li cui̱nk incꞌaꞌ quichakꞌoc.

Salmos 132:9

Junelic ta cheꞌcua̱nk saꞌ ti̱quilal laj tij ut cheꞌxjap ta reheb la̱ tenamit xban xsahil xchꞌo̱leb.

Apocalipsis 15:4

¿Ma cuan ta biꞌ junak incꞌaꞌ tixxucua a̱cuu? Chixjunileb teꞌxnima a̱cuu, at Ka̱cuaꞌ, xban nak caꞌaj cuiꞌ la̱at ti̱c a̱chꞌo̱l. Chixjunileb li cuanqueb saꞌ li xni̱nkal ru tenamit teꞌcha̱lk ut teꞌxcuikꞌib ribeb cha̱cuu ut tateꞌxlokꞌoni xban nak teꞌxqꞌue retal nak la̱at tatrakok a̱tin saꞌ ti̱quilal.

Ezequiel 16:10

La̱in quinqꞌue la̱ cuakꞌ li qꞌuebil xsahob ru ut quinqꞌue la̱ xa̱b cha̱bil. Ut quinqꞌue jun xcꞌa̱mal a̱saꞌ yi̱banbil riqꞌuin li tꞌicr lino. Catintikib riqꞌuin li cha̱bil akꞌej terto xtzꞌak.

Hechos 1:10

Toj yo̱queb ajcuiꞌ chirilbal nak yo̱ chi xic li Jesús saꞌ choxa nak xaka̱mileb cuibeb li cui̱nk chiruheb. Sakeb li rakꞌ.

San Lucas 24:4

Queꞌsach xchꞌo̱leb ut incꞌaꞌ queꞌxnau cꞌaꞌru teꞌxba̱nu. Ut xaka̱mil chiruheb cuib li cui̱nk. Nalemtzꞌun li rakꞌeb.

Romanos 3:22

Ta̱ti̱cobresi̱k ban li kachꞌo̱l chiru li Dios riqꞌuin xpa̱banquil li Ka̱cuaꞌ Jesucristo. Chixjunileb li teꞌpa̱ba̱nk re, li Dios tixti̱cobresi lix chꞌo̱leb. Moco jalan ta li junju̱nk chiru li Dios.

San Mateo 17:2

Ut nak cuanqueb aran, quijalanoꞌ li riloba̱l li Jesús chiruheb. Ut nalemtzꞌun li riloba̱l joꞌ li sakꞌe ut li rakꞌ saksakpotzꞌin quicꞌutun ut nalemtzꞌun.

Proverbios 31:22

Riqꞌuin rukꞌ naxyi̱b li ris ut naxyi̱b ajcuiꞌ li rakꞌ aꞌan riqꞌuin li cha̱bil tꞌicr lino.

Ezequiel 44:17

Incꞌaꞌ naru teꞌcꞌanjelak saꞌ li templo, chi moco saꞌ li neba̱l li cuan chi saꞌ cui cuan chirixeb li rakꞌ yi̱banbil riqꞌuin rix li carner. Nak teꞌoc saꞌ li puerta li naxic saꞌ li neba̱l li cuan chi saꞌ, cua̱nk li rakꞌeb lino chirixeb.

Apocalipsis 15:6

Ut li cuukub chi ángel queꞌel chak saꞌ xtemplo li Dios li yo̱queb chak chixcꞌambal li cuukub chi raylal. Tikibanbileb riqꞌuin li saki tꞌicr lino li nalemtzꞌun. Ut bacꞌbo̱queb li re xchꞌo̱l riqꞌuin cꞌa̱mal saꞌ yi̱banbil riqꞌuin oro.

Apocalipsis 19:14

Nabaleb li cuanqueb saꞌ choxa yo̱queb chi ta̱ke̱nc re. Tikto̱queb riqꞌuin li saki tꞌicr lino ut sak ru. Yo̱queb chi xic chirix li cacua̱y sakeb rix.

Isaías 3:23

Ta̱risiheb ajcuiꞌ li lem, li cha̱bil tꞌicr lino, li jayil tꞌicr joꞌ eb ajcuiꞌ lix sahob ru li nequeꞌxqꞌue saꞌ xjolomeb.