Apocalipsis 19:12 - Li Santil hu

¹² Lix nakꞌ ru chanchan xam. Nabal li corona cuan saꞌ xjolom ut tzꞌi̱banbil lix cꞌabaꞌ chiru. Abanan ma̱ ani nataꞌoc ru. Caꞌaj cuiꞌ aꞌan.

Q'eqchi Bible

¹² Li xsa' ru chanchan raq'xam; wank naab'al li koroon neke'lemtz'unk ru sa' xjolom ut tz'iib'anb'il jun li k'ab'a'ej chiru, ka'ajwi' a'an natawok ru.

Apocalipsis 19:12 ပူးပေါင်းရင်းမြစ်များ

Apocalipsis 19:16

Tzꞌi̱banbil xcꞌabaꞌ chiru li rakꞌ ut chiru li raꞌ. Aꞌan aꞌin lix cꞌabaꞌ: Li Rey li kꞌaxal nim xcuanquil saꞌ xbe̱neb chixjunileb li rey. Li Ka̱cuaꞌ, li kꞌaxal nim xcuanquil saꞌ xbe̱neb chixjunileb li nequeꞌtaklan.

San Lucas 10:22

Ut quixye reheb li cuanqueb aran: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, chan li Jesús.

Apocalipsis 1:14

Li rismal xjolom sak sak joꞌ xsakal li nokꞌ lana. Chanchan xsakal li nieve. Ut lix nakꞌ ru nalemtzꞌun chanchan xam.

San Mateo 11:27

Ut quixye reheb li tenamit: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, la̱in li Cꞌajolbej.

San Mateo 28:18

Li Jesús quinachꞌoc riqꞌuineb ut quixye reheb: —Chixjunil li cuanquil qꞌuebil cue xban li Dios, joꞌ saꞌ choxa joꞌ saꞌ ruchichꞌochꞌ.

Apocalipsis 3:12

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l saꞌ lix pa̱ba̱l, tinqꞌue xlokꞌal ut ma̱ ani ta̱ru̱k ta̱isi̱nk re saꞌ lix naꞌaj li ta̱qꞌuehekꞌ re xban lin Yucuaꞌ. Chanchanak li okech li nacu̱tun re lix templo li Dios, li incꞌaꞌ na-ecꞌan saꞌ xnaꞌaj. Aꞌan ta̱cua̱nk riqꞌuin lin Yucuaꞌ chi junelic saꞌ li Acꞌ Jerusalén li tixqꞌue lin Yucuaꞌ cuan saꞌ choxa. Acꞌ chic lix cꞌabaꞌ tinqꞌue. Ut chixjunileb teꞌxnau nak aꞌan ralal xcꞌajol lin Yucuaꞌ. Ut tinqꞌue ajcuiꞌ re lin cꞌabaꞌ la̱in.

Hebreos 2:9

Abanan nakaqꞌue retal chanru nak li Jesucristo quinima̱c ru ut quiqꞌueheꞌ xlokꞌal. Usta quicubsi̱c xcuanquil jarubak cutan chiruheb li ángel, nak quitzꞌejcualoꞌ, quiqꞌueheꞌ xlokꞌal xban li raylal quixcꞌul nak quicam saꞌ kacꞌabaꞌ la̱o. Xban lix nimal rusilal li Dios, li Jesucristo quicam re xcolbal chixjunileb li cuanqueb saꞌ ruchichꞌochꞌ.

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Salmos 8:5

Xacubsi caꞌchꞌin xcuanquileb chiruheb li ángel. Abanan xaqꞌueheb xlokꞌal.

Apocalipsis 12:3

Ut jun chic sachba chꞌo̱lej quicꞌutbesi̱c chicuu saꞌ choxa. Quicuil jun nimla joskꞌ aj xul cak rix dragón xcꞌabaꞌ. Cuan cuukub lix jolom ut laje̱b lix xucub. Ut saꞌ eb lix jolom cuukub cuan junju̱nk lix corona.

Zacarías 9:16

Saꞌ eb li cutan aꞌan li Ka̱cuaꞌ Dios tixcoleb lix tenamit joꞌ nak narileb lix queto̱mk junak laj ilol xul. Nak cua̱nkeb cuiꞌchic saꞌ li naꞌajej li ta̱qꞌuehekꞌ reheb xban li Ka̱cuaꞌ, teꞌqꞌuehekꞌ xlokꞌal. Chanchanakeb chic li terto̱quil pec li naqꞌueheꞌ chiru junak corona.

Jueces 13:18

Lix ángel li Ka̱cuaꞌ quixye re: —¿Cꞌaꞌut nak ta̱cuaj ta̱nau ani incꞌabaꞌ? La̱at incꞌaꞌ naru ta̱nau xban nak lin cꞌabaꞌ la̱in kꞌaxal lokꞌ, chan.

Éxodo 23:21

Chex-abi̱nk chiru ut cheba̱nu li cꞌaꞌru naxye. Me̱kꞌetkꞌeti e̱rib chiru xban nak aꞌan incꞌaꞌ tixcuy e̱ma̱c. Li cꞌaꞌru tixba̱nu aꞌan, tixba̱nu saꞌ incꞌabaꞌ la̱in.

Génesis 32:29

Ut laj Jacob quixye re: —Ba̱nu usilal ye cue ani a̱cꞌabaꞌ la̱at, chan. Ut lix takl li Dios quixye re laj Jacob: —¿Cꞌaꞌut nak ta̱cuaj ta̱nau ani incꞌabaꞌ? chan. Ut lix takl li Dios quirosobtesi laj Jacob saꞌ li naꞌajej aꞌan.

Apocalipsis 6:2

Quicuil nak cuan jun li cacua̱y sak rix. Ut cuan jun li yo̱ chi xic chirix cuan xtzimaj saꞌ rukꞌ. Ut quiqꞌueheꞌ jun lix corona ut co̱ cuiꞌchic chi numta̱c saꞌ xbe̱neb li cuanqueb saꞌ ruchichꞌochꞌ.

Isaías 62:3

Cꞌajoꞌak xlokꞌaleb joꞌ jun li corona saꞌ rukꞌ li Ka̱cuaꞌ.

Apocalipsis 13:1

Ut li dragón quixakli chire li palau ut quicuil nak qui-el chak saꞌ li palau jun chic chanchan joskꞌ aj xul cuan cuukub xjolom ut laje̱b lix xucub. Ut saꞌ li laje̱b chi xucub cuan junju̱nk lix corona. Ut tzꞌi̱banbil saꞌ eb lix jolom jun li cꞌabaꞌej re xmajecuanquil li Ka̱cuaꞌ.

San Mateo 21:5

Ye reheb li tenamit aj Sión: —Cueꞌ chak le̱ Rey xchal e̱riqꞌuin. Tu̱lan ut cꞌojcꞌo chak chirix jun li bu̱r. Chirix jun chꞌina ral bu̱r xcomon li nequeꞌi̱kan yo̱ chak chi cha̱lc.— (Zac. 9:9; Isa. 62:11)

Cantares 3:11

Ex tukꞌ ixk li cuanquex Sión, quimkex chirilbal li rey Salomón. Cuan saꞌ xjolom li corona li quiqꞌueheꞌ re xban lix naꞌ saꞌ li cutan nak quisumla. Quiqꞌueheꞌ re saꞌ li cutan nak kꞌaxal sa saꞌ xchꞌo̱l.

Proverbios 30:4

¿Ani li quitakeꞌ toj saꞌ choxa ut quicube cuiꞌchic saꞌ ruchichꞌochꞌ? ¿Ani li quichapoc re li ikꞌ saꞌ rukꞌ? ¿Ani li quilanoc re li haꞌ saꞌ lix tꞌicr? ¿Ani li quixakaban re li ruchichꞌochꞌ saꞌ xnaꞌaj? Cui nacanau ani aꞌan, ye cue. ¿Ani xcꞌabaꞌ ut ani xcꞌabaꞌ li ralal?

Daniel 10:6

Lix tibel nalemtzꞌun joꞌ jun li terto̱quil pec ut li ru chanchan li rakꞌ ca̱k ut li xnakꞌ ru chanchan li xam. Li rok rukꞌ nalemtzꞌun joꞌ li kꞌan chꞌi̱chꞌ bronce ut nak quia̱tinac, kꞌaxal cau lix ya̱b xcux chanchan qꞌuila tenamit nak quicuabi.

San Juan 17:11

Anakcuan la̱in tinxic a̱cuiqꞌuin. Incꞌaꞌ chic tincua̱nk saꞌ ruchichꞌochꞌ. Abanan eb aꞌan toj teꞌcua̱nk saꞌ ruchichꞌochꞌ. At inYucuaꞌ, la̱at Santo. Chacuileb taxak riqꞌuin lix nimal la̱ cuanquilal li xakꞌaxtesiheb cue re nak junajak ruheb joꞌ la̱at ut la̱in junaj ku.

San Juan 17:12

Nak cuanquin saꞌ xya̱nkeb, riqꞌuin xnimal la̱ cuanquil xincuileb lin tzolom li xakꞌaxtesiheb cue ut ma̱ jun xsach chicuu. Caꞌaj cuiꞌ li jun xsach li ac qꞌuebil chak re sachc. Aꞌin xcꞌulman re nak ta̱tzꞌaklok ru li tzꞌi̱banbil saꞌ li Santil Hu.

Efesios 1:21

Kꞌaxal nim xcuanquil li Cristo saꞌ xbe̱neb chixjunileb li ángel ut li ma̱us aj musikꞌej ut saꞌ xbe̱neb li cuanqueb xcuanquil chi takla̱nc saꞌ choxa joꞌ saꞌ ruchichꞌochꞌ. Kꞌaxal nim saꞌ xbe̱n chixjunil li cꞌaꞌak re ru li cuanqueb xcuanquil anakcuan ut chi junelic kꞌe cutan.