Apocalipsis 19:10 - Li Santil hu

¹⁰ La̱in quincuikꞌib cuib chiru chixlokꞌoninquil. Ut aꞌan quixye cue: —Ma̱ba̱nu aꞌan. La̱in yal aj cꞌanjelin chiru li Dios joꞌ la̱at, ut joꞌ eb ajcuiꞌ la̱ cuech aj pa̱banelil, li nequeꞌxpa̱b lix ya̱lal li quixchꞌolob li Jesús. Li Dios, aꞌan li ta̱lokꞌoni, chan cue, xban nak li quixchꞌolob li Jesús, aꞌan ajcuiꞌ li musikꞌanbil reheb li profeta.—

Q'eqchi Bible

¹⁰ Toja' naq kint'ane'k rub'el roq li ánjel chi xloq'oninkil ru, ut a'an kixye we: “Maab'aanu a'in! Laa'in aawech moosil; wech moosileb' ajwi' eb' laawas aawiitz'in li neke'xk'uula sa' xch'ooleb' li xch'olob'ahom li Jesus. A' li Yos tento taaloq'on ru”, chan we. Xb'aan naq eb' li propeet a'aneb' li neke'xk'uula sa' xch'ooleb' li xch'olob'ahom li Jesus.

Apocalipsis 19:10 ပူးပေါင်းရင်းမြစ်များ

San Juan 5:39

La̱ex nequeqꞌue e̱chꞌo̱l chixtzolbal xsaꞌ li Santil Hu. La̱ex nequecꞌoxla nak aran te̱tau chanru ta̱cua̱nk le̱ yuꞌam chi junelic. Abanan incꞌaꞌ nequeqꞌue retal nak li Santil Hu aꞌan naxchꞌolob ajcuiꞌ lix ya̱lal chicuix la̱in.

Hebreos 1:14

Incꞌaꞌ quixye aꞌan reheb li ángel xban nak li ángel yal musikꞌejeb chi cꞌanjelac chiru li Dios. Li Dios nataklan chak reheb chixtenkꞌanquileb li teꞌe̱chani̱nk re li colba-ib.

Apocalipsis 4:10

Eb li chanchaneb ángel yo̱queb chi lokꞌoni̱nc, ut li ca̱hib xcaꞌcꞌa̱l chi aj cꞌamol be nequeꞌxcuikꞌib ribeb chiru li Ka̱cuaꞌ Dios, li cꞌojcꞌo saꞌ lix cꞌojariba̱l ut queꞌxlokꞌoni xban nak yoꞌyo chi junelic kꞌe cutan ut queꞌxqꞌue lix corona chiru lix cꞌojariba̱l re xqꞌuebal xlokꞌal.

Apocalipsis 12:17

Cꞌajoꞌ nak quijoskꞌoꞌ li dragón saꞌ xbe̱n li ixk. Co̱ chi pletic riqꞌuineb li ralal xcꞌajol, li joꞌ qꞌuial chic queꞌcana. Aꞌaneb li nequeꞌba̱nun re lix chakꞌrab li Dios ut nequeꞌpa̱ban re lix ya̱lal li quixchꞌolob li Jesucristo.

Apocalipsis 12:11

Eb li kech aj pa̱banelil xeꞌnumta saꞌ xbe̱n laj tza saꞌ xcꞌabaꞌ lix quiqꞌuel li Jun li chanchan carner ut xban nak queꞌxchꞌolob xya̱lal nak aꞌan laj Colol reheb. Incꞌaꞌ queꞌxra xyuꞌameb, toj retal queꞌxcꞌul ca̱mc.

1 Juan 5:10

Li ani napa̱ban re li Ralal li Dios, aꞌan naxnau tzꞌakal lix ya̱lal. Aꞌut li incꞌaꞌ napa̱ban re li Dios, naxqꞌue li Dios chokꞌ aj ticꞌtiꞌ xban nak incꞌaꞌ naxpa̱b lix ya̱lal li quixchꞌolob li Dios nak quixye re li Jesús: La̱at li cualal, chan.

Hebreos 12:25

Me̱tzꞌekta̱na li ra̱tin li Dios joꞌ queꞌxba̱nu eb laj Israel. Eb aꞌan incꞌaꞌ queꞌxcuy rabinquil xchakꞌrab li Dios ut queꞌxtzꞌekta̱na li ra̱tin nak quichꞌoloba̱c chak xya̱lal chiruheb aran saꞌ li tzu̱l. Ut quirakeꞌ a̱tin saꞌ xbe̱neb. Cui incꞌaꞌ queꞌcoleꞌ eb aꞌan, ¿ma tojaꞌ ta chic la̱o tocolekꞌ cui takatzꞌekta̱na li Dios li naa̱tinac chak toj saꞌ choxa?

San Mateo 4:10

Tojoꞌnak li Jesús quichakꞌoc ut quixye re: —Elen chicuu la̱at aj tza, xban nak joꞌcaꞌin tzꞌi̱banbil saꞌ li Santil Hu: Li Ka̱cuaꞌ la̱ Dios ta̱lokꞌoni ut caꞌaj cuiꞌ chiru aꞌan tatcꞌanjelak.— (Deut. 6:13)

Éxodo 34:14

Me̱lokꞌoni jalanil dios xban nak la̱in li Ka̱cuaꞌ Dios ut incꞌaꞌ nacuulac chicuu nak jalan te̱qꞌue xlokꞌal.

Apocalipsis 14:7

Yo̱ chixyebal chi cau xya̱b xcux: —Chexucua̱k ru li Dios ut cheqꞌue xlokꞌal xban nak xcuulac xkꞌehil nak ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Chelokꞌonihak aꞌan li quiyi̱ban re li choxa, li ruchichꞌochꞌ, ut li palau joꞌqueb ajcuiꞌ li yuꞌam haꞌ, chan.

Apocalipsis 15:4

¿Ma cuan ta biꞌ junak incꞌaꞌ tixxucua a̱cuu? Chixjunileb teꞌxnima a̱cuu, at Ka̱cuaꞌ, xban nak caꞌaj cuiꞌ la̱at ti̱c a̱chꞌo̱l. Chixjunileb li cuanqueb saꞌ li xni̱nkal ru tenamit teꞌcha̱lk ut teꞌxcuikꞌib ribeb cha̱cuu ut tateꞌxlokꞌoni xban nak teꞌxqꞌue retal nak la̱at tatrakok a̱tin saꞌ ti̱quilal.

Hechos 10:43

Aꞌan aꞌin li Jesús li queꞌxye chak resil chixjunileb li profeta junxil. Queꞌxye nak saꞌ xcꞌabaꞌ aꞌan ta̱cuyekꞌ xma̱queb chixjunileb li nequeꞌpa̱ban re.—

Apocalipsis 1:9

La̱in laj Juan, le̱ rech aj pa̱banelil. La̱in xintzꞌakon ajcuiꞌ riqꞌuin xcuybal li raylal saꞌ xcꞌabaꞌ li Jesucristo e̱rochben la̱ex li sicꞌbil e̱ru xban li Ka̱cuaꞌ. La̱in cuanquin arin saꞌ li naꞌajej Patmos li sutsu riqꞌuin haꞌ xban nak xinchꞌolob xya̱lal li ra̱tin li Dios ut xinye resil li Jesucristo.

Filipenses 3:3

La̱o ac xkacꞌul li tzꞌakal circuncisión xban nak la̱o nakalokꞌoni li Dios joꞌ naxcꞌut chiku li Santil Musikꞌej. Aꞌan li tzꞌakal circuncisión. La̱o nasahoꞌ li kachꞌo̱l nak junajo chic riqꞌuin li Cristo yal xban xnimal rusilal. Ma̱cuaꞌ riqꞌuin li nakaba̱nu la̱o kajunes.

San Lucas 24:44

Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.

San Lucas 1:19

Ut li ángel quixye: —La̱in li ángel Gabriel li nincꞌanjelac chiru li Dios. Ut aꞌan xtaklan chak cue xyebal a̱cue li cha̱bil esilal aꞌin.

San Marcos 5:22

Ut quichal jun li cui̱nk aj Jairo xcꞌabaꞌ. Aꞌan xcomoneb li nequeꞌtaklan saꞌ li cab li nequeꞌxchꞌutub cuiꞌ ribeb laj judío. Nak quiril li Jesús, quixcuikꞌib rib chiru.

2 Reyes 17:36

La̱in li Ka̱cuaꞌ. La̱in quin-isin chak e̱re saꞌ li naꞌajej Egipto riqꞌuin xnimal incuanquil ut riqꞌuin sachba chꞌo̱lej. Caꞌaj cuiꞌ la̱in te̱xucua cuu. Tine̱lokꞌoni ut texmayejak chicuu.

Hechos 13:27

Li cuanqueb Jerusalén ut eb li nequeꞌtaklan saꞌ xbe̱neb li tenamit incꞌaꞌ queꞌxtau ru li queꞌxye eb li profeta. Incꞌaꞌ queꞌxnau nak li Jesús, aꞌan laj Colonel. Abanan nak queꞌxkꞌaxtesi chi ca̱mc li Jesús, quitzꞌakloc ru li a̱tin li queꞌxye li profeta, li na-ileꞌ chiruheb rajlal saꞌ li hiloba̱l cutan.

Daniel 7:10

Ut li xam chanchan jun li nimaꞌ yo̱ chi cꞌatc. Ut li qꞌuila okꞌob chi tenamit yo̱queb chi cꞌanjelac chiru ut cuan chic li qꞌuila okꞌob chi tenamit xakxo̱queb chiru. Ut laj rakol a̱tin quicꞌojla ut eb li hu queꞌteli.

Salmos 45:11

Li rey tatxra xban la̱ chꞌinaꞌusal. Aꞌanak chic li ta̱takla̱nk saꞌ a̱be̱n ut la̱at tat-abi̱nk chiru.

1 Juan 5:21

Ex inherma̱n, me̱lokꞌoni chic li jalanil dios yi̱banbil riqꞌuin ukꞌej. Joꞌcan taxak.

1 Ts 5:15

Cheqꞌuehak retal nak ma̱ ani junak saꞌ e̱ya̱nk chixqꞌue re̱kaj li ma̱usilal qui-ux re riqꞌuin ma̱usilal. Cheba̱nuhak ban chi junelic li cꞌaꞌru us che̱ribil e̱rib ut riqꞌuin chixjunileb.

Efesios 5:15

Cheqꞌuehak retal chanru le̱ yuꞌam. Me̱ba̱nu joꞌ nequeꞌxba̱nu li incꞌaꞌ useb xnaꞌleb. Cheba̱nuhak ban joꞌ nequeꞌxba̱nu li cuanqueb xnaꞌleb.

2 Corintios 8:7

La̱ex cau e̱chꞌo̱l saꞌ le̱ pa̱ba̱l. Nequenau lix ya̱lal ut nequenau xchꞌolobanquil li ya̱l. Nequeqꞌue e̱chꞌo̱l chi cꞌanjelac joꞌ naraj li Dios, ut nocoe̱ra. Joꞌcan nak nakatzꞌa̱ma che̱ru nak cheqꞌue le̱ mayej chi anchal e̱chꞌo̱l.

San Marcos 7:25

Saꞌ junpa̱t qui-abi̱c resil xban jun li ixk nak cuan aran. Li ixk aꞌan cuan jun lix coꞌ cuan ma̱us aj musikꞌej riqꞌuin. Co̱ riqꞌuin li Jesús ut quixcuikꞌib rib chiru.

Efesios 5:33

Joꞌcan nak tinye cuiꞌchic e̱re nak li be̱lomej chixrahak li rixakil joꞌ nak naxra rib aꞌan. Ut li ixakilbej chix-oxlokꞌi lix be̱lom.

Daniel 2:46

Nak quirabi li rey li cꞌaꞌru quixye laj Daniel, quixcuikꞌib rib chiru ut quixqꞌue xlokꞌal ut quixtakla xqꞌuebal lix ma̱tan ut xcꞌatbal li incienso chiru.

Apocalipsis 1:1

Li tzꞌi̱banbil saꞌ li hu aꞌin quicꞌutbesi̱c chiru li Jesucristo xban li Dios. Quixcꞌutbesi chiru li Jesucristo re nak aꞌan chic ta̱cꞌutbesi̱nk re chiruheb laj pa̱banel li cꞌaꞌru ta̱cꞌulma̱nk chi se̱b. Joꞌcan nak li Jesucristo quixtakla lix ángel chixcꞌutbesinquil aꞌin chiru laj Juan laj cꞌanjel chiru.

Apocalipsis 19:9

Ut li ángel quixye cue: —Tzꞌi̱ba retalil aꞌin: Us xak reheb li bokbileb chixninkꞌeinquil lix sumlajic li Jun li chanchan carner.— Ut quixye ajcuiꞌ cue: —Aꞌin ra̱tin li Dios ut tzꞌakal ya̱l, chan.