Apocalipsis 18:6 - Li Santil hu

⁶ Cheꞌqꞌuehekꞌ chixtoj li joꞌ qꞌuial li raylal xeꞌxba̱nu reheb li jalaneb xtenamit. Chiqꞌuehekꞌ re̱kaj li queꞌxba̱nu reheb. Caꞌ sut xqꞌuial li raylal ta̱ba̱nu̱k reheb chiru li queꞌxba̱nu eb aꞌan.

Q'eqchi Bible

⁶ K'ehomaq re jo' naq a'an kik'ehok, chek'e reeqaj li xb'aanuhom ka' sut chik xk'ihal. Ut sa' li sek' kixkawresi wi' li uk'a', chekawresi laa'ex li xka'wail re a'an.

Apocalipsis 18:6 ပူးပေါင်းရင်းမြစ်များ

Jeremías 50:29

Bokomakeb li nequeꞌxnau cutuc riqꞌuin tzimaj re teꞌpletik riqꞌuineb laj Babilonia. Ut teꞌxyi̱b lix muheba̱leb chi xjun sutam li tenamit ut ma̱ ani teꞌxcanab chi e̱lelic. Qꞌuehomak re̱kaj li ma̱usilal li queꞌxba̱nu xban nak queꞌxkꞌetkꞌeti ribeb chiru li Ka̱cuaꞌ, lix santil Dioseb laj Israel.

Salmos 137:8

Ta̱sachekꞌ ru le̱ tenamit, la̱ex aj Babilonia. Us xak re li ani tixqꞌue re̱kaj e̱re li raylal li xeba̱nu ke.

Jeremías 50:15

Japomak e̱re chi xjun sutam li tenamit xban nak eb laj Babilonia teꞌxkꞌaxtesi ribeb saꞌ e̱rukꞌ. Yo̱queb chi tꞌanecꞌ li cab li najt xteram ut teꞌtꞌanekꞌ li tzꞌac li sutsu cuiꞌ li tenamit. Xcuulac li ho̱nal nak li Ka̱cuaꞌ tixqꞌue re̱kaj li raylal li queꞌxba̱nu eb aꞌan.

Apocalipsis 16:19

Li tenamit li kꞌaxal nim xcuanquil quijacheꞌ. Oxib jachal qui-el. Ut eb li jun chꞌol chic tenamit quilajeꞌtꞌaneꞌ. Ut quijulticoꞌ re li Dios li ma̱c queꞌxba̱nu li tenamit Babilonia. Joꞌcan nak quixqꞌueheb chixtojbal rix lix ma̱queb chi tzꞌakal xban nak yo̱ xjoskꞌil saꞌ xbe̱neb.

Apocalipsis 14:10

aꞌan tixcꞌul nabal li raylal nak li Dios ta̱rakok a̱tin saꞌ xbe̱neb riqꞌuin xjoskꞌil. Chiruheb li santil ángel ut chiru li Jun li chanchan carner ta̱rahobtesi̱k riqꞌuin azufre yo̱ xxamlel nak ta̱qꞌuehekꞌ chixtojbal rix lix ma̱c.

Jeremías 51:24

Li Ka̱cuaꞌ quixye: —La̱in tinqꞌueheb laj Babilonia ut chixjunileb li cuanqueb aran chixtojbal xma̱queb xban li ma̱usilal li queꞌxba̱nu aran Sión che̱ru la̱ex aj judío.

Apocalipsis 17:4

Li ixk tikibanbil riqꞌuin rakꞌ púrpura ut cak. Lix sahob ru li rakꞌ yi̱banbil riqꞌuin oro ut terto̱quil pec ut riqꞌuin perla. Cuan chak riqꞌuin jun li secꞌ oro nujenak riqꞌuin li ma̱usilal ut li yumbe̱tac coꞌbe̱tac.

Zacarías 9:12

Sukꞌinkex cuiqꞌuin la̱ex aj Israel, li toj yo̱quex chi yoꞌoni̱nc cuiqꞌuin, usta rahobtesinbilex xbaneb li jalan tenamit. La̱in ninye e̱re nak usta nabal li raylal xecꞌul, abanan anakcuan kꞌaxal cuiꞌchic nabal le̱ rosobtesinquil tinqꞌue.

Jeremías 17:18

Ta̱cꞌuteb taxak xxuta̱neb li yo̱queb chinsicꞌbal re teꞌxba̱nu raylal cue. Ut incꞌaꞌ taxak ta̱cꞌut inxuta̱n la̱in. Yo̱k ta xxiuheb teꞌcana̱k. Abanan la̱in incꞌaꞌ ta̱qꞌue chi sachc inchꞌo̱l. Nabal taxak li raylal ta̱takla saꞌ xbe̱neb toj retal teꞌosokꞌ.

Jeremías 16:18

Nak toj ma̱jiꞌ nequeꞌsukꞌi saꞌ lix naꞌajeb, la̱in tinqꞌueheb chixtojbal lix ma̱usilaleb. Caꞌ sut xqꞌuial li raylal li tinqꞌue saꞌ xbe̱neb re xtojbal rix li ma̱c queꞌxba̱nu nak queꞌxmux ru lin naꞌaj riqꞌuin xlokꞌoninquil li yi̱banbil dios. Saꞌ chixjunil li naꞌajej li quinqꞌue reheb queꞌxqꞌue li yi̱banbil dios li xicꞌ nacuil, chan li Dios.

2 Timoteo 4:14

Laj Alejandro, laj tenol chꞌi̱chꞌ, nabal chi raylal xba̱nu cue. Li Ka̱cuaꞌ, aꞌan li ta̱kꞌajca̱mu̱nk re riqꞌuin li cꞌaꞌru naxba̱nu.

Jeremías 51:49

Eb laj Babilonia queꞌxcamsiheb li cristian yalak bar saꞌ ruchichꞌochꞌ. Queꞌxcamsiheb laj Israel. Joꞌcan nak tento nak teꞌsachekꞌ ruheb aꞌan.

Apocalipsis 17:2

Chixjunileb li rey li cuanqueb saꞌ ruchichꞌochꞌ nequeꞌcuulac saꞌ li tenamit aꞌan chixba̱nunquil li ma̱usilal. Chanchan nak ac xeꞌcaltesi̱c xban li ma̱usilal yo̱queb chixba̱nunquil, chan li ángel.

Apocalipsis 13:10

Li ani tento ta̱xic chi pre̱xil, xicak chi pre̱xil. Ut li ani tento ta̱camsi̱k riqꞌuin chꞌi̱chꞌ, chicamsi̱k riqꞌuin chꞌi̱chꞌ. Joꞌcan nak cauhakeb taxak xchꞌo̱leb li ralal xcꞌajol li Dios. Teꞌxcuy taxak xnumsinquil li raylal ut incꞌaꞌ ta chichꞌina̱nk xchꞌo̱leb.

Isaías 40:2

Chex-a̱tinak riqꞌuineb lin tenamit Jerusalén saꞌ kꞌunil. Cheye reheb nak tzꞌakal li raylal li ac xeꞌxcꞌul. Cuybil sachbil chic lix ma̱queb. Nabal lix tojbal rix lix ma̱queb xinqꞌue, chan li Dios.

Isaías 61:7

Xban nak kꞌaxal cuiꞌchic nabal li raylal ut li xuta̱n xecꞌul, joꞌcan nak kꞌaxal nabal ajcuiꞌ le̱ ma̱tan te̱cꞌul. Caꞌ sut xqꞌuial le̱ lokꞌal te̱cꞌul nak cua̱nkex cuiꞌchic saꞌ le̱ naꞌaj. Ut ta̱cua̱nk chi junelic xsahilal e̱chꞌo̱l.

Salmos 28:4

Qꞌueheb chixtojbal xma̱queb aꞌ yal chanru li ma̱c li xeꞌxba̱nu. Qꞌueheb chixtojbal rix lix ma̱usilal xban nak aꞌan xcꞌulubeb nak teꞌxtoj rix lix ma̱queb.

Apocalipsis 18:20

Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

Lamentaciones 3:64

Chaqꞌueheb chixtojbal rix lix ma̱queb, at Ka̱cuaꞌ. Chaba̱nu reheb joꞌ xcꞌulubeb xcꞌulbal.