Apocalipsis 18:22 - Li Santil hu

²² Incꞌaꞌ chic ta̱abi̱k saꞌ li tenamit aꞌan lix ya̱b li cuajb chi moco lix ya̱b li arpa, chi moco li xya̱b li xo̱lb ut li trompeta. Ut incꞌaꞌ chic teꞌcua̱nk saꞌ li tenamit aꞌan li nequeꞌxnau trabajic chi us riqꞌuin li cꞌaꞌak re ru, ut incꞌaꞌ chic ta̱abi̱k xya̱b junak molino saꞌ li tenamit aꞌan.

Q'eqchi Bible

²² Ut li xyaab'eb' laj aarp, laj b'ichanel, laj xolb' ut laj tronpeet ink'a' chik taa'ab'iiq aawik'in; maajun chik aj pak'ol k'a'aq re ru taatawmanq wankat wi'; li xyaab' li sursuukil ke'leb' pek ink'a' chik taa'ab'iiq aawik'in.

Apocalipsis 18:22 ပူးပေါင်းရင်းမြစ်များ

Ezequiel 26:13

La̱in tinba̱nu nak incꞌaꞌ chic ta̱abi̱k xya̱b le̱ bich chi moco ta̱abi̱k xya̱b le̱ arpa.

Jeremías 25:10

Incꞌaꞌ chic ta̱abima̱nk li bich re sahil chꞌo̱lej. Incꞌaꞌ chic ta̱abima̱nk li bich re sumla̱c, chi moco ta̱abi̱k chic xya̱b li queꞌec, ut incꞌaꞌ chic lochlo̱keb li candil.

Jeremías 16:9

Li Ka̱cuaꞌ li nimajcual Dios, lix Dioseb laj Israel quixye: —La̱in tincuisi li sahil chꞌo̱lejil saꞌ li tenamit aꞌin. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱l. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk sumla̱c. Eb li cuanqueb anakcuan teꞌril nak tinba̱nu aꞌin.

Jeremías 7:34

La̱in tincuisi li sahil chꞌo̱lej saꞌ eb li tenamit li cuanqueb Judá joꞌ ajcuiꞌ saꞌ li tenamit Jerusalén. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱leb. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk chic sumla̱c. Eb li tenamit teꞌcana̱k chi ma̱cꞌaꞌ chic cuan chi saꞌ joꞌ li chaki chꞌochꞌ.—

Eclesiastés 12:4

Nak ac ti̱xakat chic, incꞌaꞌ chic tat-abi̱nk ut incꞌaꞌ chic tatru̱k chi cuaꞌac xban nak ma̱cꞌaꞌak chic ruch a̱cue. Ut incꞌaꞌ chic sa tatcua̱rk. Toj ekꞌela tatcuacli̱k nak ta̱ya̱bak laj tzoꞌ xul. Ut incꞌaꞌ chic tatru̱k chi bicha̱nc.

Jeremías 33:11

Ta̱abima̱nk cuiꞌchic xya̱b xcuxeb li yo̱queb chixjapbal reheb xban xsahil xchꞌo̱leb. Ta̱abima̱nk nak yo̱keb chi sahokꞌ saꞌ xchꞌo̱leb li yo̱queb chi ninkꞌei̱c saꞌ li sumla̱c. Ta̱abi̱k ajcuiꞌ xya̱b xcuxeb nak yo̱keb chixlokꞌoninquil li Dios ut nequeꞌxye: Lokꞌoninbil taxak li Ka̱cuaꞌ li nimajcual Dios xban nak aꞌan cha̱bil ut kꞌaxal nim li ruxta̱n saꞌ kabe̱n junelic. Ta̱abi̱k ajcuiꞌ xya̱b xcuxeb nak yo̱keb chixcꞌambal lix mayejeb re bantioxi̱nc saꞌ lix templo li Ka̱cuaꞌ. Tebinqꞌue cuiꞌchic chi sukꞌi̱c saꞌ lix naꞌajeb eb li queꞌcꞌameꞌ chi pre̱xil ut teꞌcua̱nk cuiꞌchic joꞌ nak queꞌcuan junxil.

Isaías 23:12

Li Dios quixye reheb li cuanqueb saꞌ li tenamit Tiro, li quiyi̱ba̱c xbaneb laj Sidón: —Incꞌaꞌ chic ta̱sahokꞌ saꞌ e̱chꞌo̱l. Junxil chanchanex jun li tukꞌ ixk. Abanan anakcuan rahobtesinbilex chic. Usta nequex-e̱lelic toj Quitim, abanan chi moco aran naru ta̱sahokꞌ saꞌ e̱chꞌo̱l.—

San Mateo 9:23

Chirix chic aꞌan li Jesús co̱ saꞌ rochoch laj Jairo. Nak quicuulac saꞌ li rochoch, quirileb li yo̱queb chixya̱basinquil li xo̱lb ut li japjo̱queb re chi ya̱bac xban xcamic li xkaꞌal.

Li xHu LAJ JOB 3:7

Us raj nak junes rahil chꞌo̱lej quicuan saꞌ li kꞌojyi̱n nak quinyoꞌla. Ut ma̱ ani raj quibichan xban xsahil xchꞌo̱l.