Apocalipsis 18:21 - Li Santil hu

²¹ Ut jun li ángel cau rib quixchap jun li nimla pec, chanchan li nimla pec li nequeꞌrocsi re li molino, ut quixcut saꞌ li palau ut quixye: Joꞌ nak xsach li pec aꞌin saꞌ li palau, joꞌcan ajcuiꞌ nak ta̱sachekꞌ ru li tenamit Babilonia. Incꞌaꞌ chic ta̱ilekꞌ ru.

Q'eqchi Bible

²¹ Toja' naq jun li ánjel kaw rib' kixchap jun li pek k'ajo' xnimal, jo' jun nimla sursuukil ke'leb' pek, ut kixkut sa' palaw, yo chi xyeeb'al: “Jo'ka'in, sa' jun chiq'ok ajwi' naq taakute'q li nimla tenamit Babilonia, ut ink'a' chik taak'utunq.

Apocalipsis 18:21 ပူးပေါင်းရင်းမြစ်များ

Ezequiel 26:21

Xucuajel rilbal li cꞌaꞌru tinba̱nu e̱re. Incꞌaꞌ chic tex-usa̱k. Texsiqꞌuekꞌ aban incꞌaꞌ textaꞌekꞌ, chan li Dios.

Apocalipsis 5:2

Ut quicuil jun li ángel kꞌaxal cau rib ut chi cau xya̱b xcux quixye: —¿Ani li xcꞌulub risinquil li sello ut xtebal li hu? chan.

Apocalipsis 20:11

Ut quicuil jun li saki cꞌojariba̱l. Ut li Jun li chunchu aran kꞌaxal nim xcuanquil. Xban xnimal xcuanquil, ma̱cꞌaꞌ chic li ruchichꞌochꞌ ut ma̱cꞌaꞌ chic li choxa. Queꞌsach chi junaj cua nak quicuil.

Apocalipsis 18:22

Incꞌaꞌ chic ta̱abi̱k saꞌ li tenamit aꞌan lix ya̱b li cuajb chi moco lix ya̱b li arpa, chi moco li xya̱b li xo̱lb ut li trompeta. Ut incꞌaꞌ chic teꞌcua̱nk saꞌ li tenamit aꞌan li nequeꞌxnau trabajic chi us riqꞌuin li cꞌaꞌak re ru, ut incꞌaꞌ chic ta̱abi̱k xya̱b junak molino saꞌ li tenamit aꞌan.

Apocalipsis 16:20

Quilajeꞌsacheꞌ li chꞌochꞌ li sutsu saꞌ haꞌ. Queꞌsubeꞌ saꞌ haꞌ. Ut quilajeꞌtꞌaneꞌ li ni̱nki tzu̱l.

Apocalipsis 12:8

Incꞌaꞌ queꞌxcuy pletic li dragón ut incꞌaꞌ chic queꞌqꞌueheꞌ xnaꞌajeb saꞌ choxa.

Daniel 11:19

Ut li rey li cuan saꞌ li norte ta̱e̱lelik chiru ut yo̱k raj chi sukꞌi̱c saꞌ lix tenamit. Abanan ta̱cua̱nk xchꞌaꞌajquilal saꞌ be ut incꞌaꞌ ta̱cuulak.

Li xHu LAJ JOB 20:8

Ta̱osokꞌ lix yuꞌam joꞌ jun li matcꞌ. Ta̱sachk joꞌ nak nasach saꞌ xchꞌo̱leb junak li visión. Ut ma̱ ani chic ta̱taꞌok re.

Apocalipsis 18:10

Cꞌajoꞌ nak teꞌxucuak chirilbal li cꞌaꞌru tixcꞌul li tenamit. Teꞌxakli̱k chi najt riqꞌuin xban xxiuheb ut teꞌxye: Tokꞌob ru li tenamit Babilonia li nim xcuanquil nak quicuan. Tokꞌob ru lix nimal ru tenamit. Chiru jun cꞌamoc xrakeꞌ a̱tin saꞌ xbe̱neb.

Apocalipsis 10:1

Quicuil nak quichal jun chic li ángel cau rib. Yo̱ chak chi cubec saꞌ choxa sutsu saꞌ chok. Ut lix jolom sutsu xban jun li xo̱quikꞌab. Li riloba̱l nalemtzꞌun joꞌ li sakꞌe ut li rok chanchan jun okech yo̱ xxamlel.

Salmos 37:36

Abanan li jun aꞌan quisacheꞌ. Nak quinnumeꞌ aran, ma̱ ani chic xban nak ac xsacheꞌ.

Nehemías 9:11

La̱at cajach li palau chi ribil re nak chaki li chꞌochꞌ teꞌnumekꞌ cuiꞌ laj Israel saꞌ xyi li palau. Ut eb li yo̱queb chi ta̱ke̱nc reheb re teꞌxchap, casach ruheb saꞌ li haꞌ. Chanchan nak nacuteꞌ junak nimla pec saꞌ xchamal li haꞌ nak queꞌosoꞌ.

Éxodo 15:5

Quixjunaji rib li haꞌ saꞌ xbe̱neb. Queꞌco̱eb rubel li haꞌ joꞌ nak nasube li pec saꞌ li haꞌ.