Apocalipsis 18:1 - Li Santil hu

¹ Chirix aꞌan quicuil jun chic li ángel quicube chak saꞌ choxa. Kꞌaxal nim xcuanquil ut chixjunil li ruchichꞌochꞌ quicutanoꞌ xban lix lokꞌal.

Q'eqchi Bible

¹ Chirix chik a'an kiwil jun chik li ánjel yo chaq chi kub'eek sa' choxa rik'in xnimal xwankil, ut kikutano'k li ruuchich'och' xb'aan li xnimal xloq'al.

Apocalipsis 18:1 ပူးပေါင်းရင်းမြစ်များ

Ezequiel 43:2

Ut quicuil lix lokꞌal li Ka̱cuaꞌ lix Dioseb laj Israel li yo̱ chak chi cha̱lc saꞌ li este. Quicuabi jun li choki̱nc chanchan nak na-ecꞌan li nimaꞌ. Ut li ruchichꞌochꞌ quisakenoꞌ xban lix lokꞌal li Dios.

San Lucas 17:24

Saꞌ xkꞌehil lin cꞌulunic la̱in li Cꞌajolbej chanchanakin li rakꞌ ca̱k nak narepoc chak ut naxcutanobresi chixjunil ru li choxa. La̱in moco chi mukmu ta tincꞌulu̱nk.

Apocalipsis 21:23

Ma̱cꞌaꞌ li sakꞌe aran ut ma̱cꞌaꞌ li po xban nak li Dios cuan aran ut lix lokꞌal li Dios nacutanobresin re. Ut lix lokꞌal li Jun li chanchan carner nacutanobresin re li tenamit.

Apocalipsis 17:1

Ut jun reheb li cuukub chi ángel, li cuanqueb li cuukub chi secꞌ riqꞌuineb, quixye cue: —Quim arin. Tincꞌut cha̱cuu jun li ixk li naxcꞌayi rib chunchu saꞌ xbe̱n li haꞌ retalil li nimal tenamit Babilonia li cuan xcuanquil saꞌ xbe̱neb nabal chi tenamit. Tincꞌut cha̱cuu li tojba ma̱c li xchal saꞌ xbe̱n li tenamit aꞌan xban li ma̱usilal nequeꞌxba̱nu.

Apocalipsis 10:1

Quicuil nak quichal jun chic li ángel cau rib. Yo̱ chak chi cubec saꞌ choxa sutsu saꞌ chok. Ut lix jolom sutsu xban jun li xo̱quikꞌab. Li riloba̱l nalemtzꞌun joꞌ li sakꞌe ut li rok chanchan jun okech yo̱ xxamlel.

2 Ts 2:8

Saꞌ eb li cutan aꞌan ta̱cꞌutbesi̱k laj kꞌetol chakꞌrab. Tojoꞌnak li Ka̱cuaꞌ Jesucristo ta̱cꞌulu̱nk riqꞌuin xnimal xlokꞌal. Ta̱apusi̱k laj kꞌetol chakꞌrab xban li Ka̱cuaꞌ ut aran ta̱osokꞌ. Chi joꞌcan ta̱sachekꞌ chixjunil lix cuanquil saꞌ xcꞌulunic li Ka̱cuaꞌ Jesucristo.

Apocalipsis 17:7

Ut li ángel quixpatzꞌ cue: —¿Cꞌaꞌut nak sachso a̱chꞌo̱l xatcana? La̱in tinchꞌolob cha̱cuu lix ya̱lal li mukmu nak xcuan. Tinye a̱cue cꞌaꞌru xya̱lal li ixk aꞌan joꞌ ajcuiꞌ li joskꞌ aj xul li yo̱ chi i̱ka̱nc re. Ut tinye ajcuiꞌ a̱cue cꞌaꞌru xya̱lal lix jolom cuukub ut lix xucub laje̱b.