Apocalipsis 17:8 - Li Santil hu

⁸ Li joskꞌ aj xul li xacuil, aꞌan li quicuan, ut anakcuan ma̱ ani chic. Abanan ta̱e̱lk cuiꞌchic chak saꞌ li chamal jul ut ta̱sachekꞌ ru chi junaj cua. Ut li joꞌ qꞌuialeb li incꞌaꞌ tzꞌi̱banbileb xcꞌabaꞌeb chalen saꞌ xticlajic li ruchichꞌochꞌ saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, eb aꞌan ta̱sachk xchꞌo̱leb chirilbal li joskꞌ aj xul li quicuan chak junxil ut ma̱ ani chic anakcuan. Abanan ta̱cha̱lk cuiꞌchic.

Q'eqchi Bible

⁸ “Li josq' aj xul xawil, a'an li kiwank ut maak'a' chik anaqwan; taataqe'q chaq sa' li Siwan, ab'an taaxik sa' li sachleb'aal. Eb' li wankeb' sa' ruuchich'och', eb' li ink'a' tz'iib'anb'ileb' xk'ab'a' sa' li xhuhil li yu'am chalen chaq sa' xk'ojlajik li ruuchich'och', te'sachq xch'ool chi rilb'al naq li josq' aj xul kiwank ut maak'a' chik anaqwan, ab'an taak'ulunq wi' chik.

Apocalipsis 17:8 ပူးပေါင်းရင်းမြစ်များ

Apocalipsis 17:11

Ut li joskꞌ aj xul li quicuan ut ma̱ ani chic anakcuan, aꞌan li xcuakxak li rey ut xcomoneb rib riqꞌuineb li cuukub chi rey. Aꞌan ta̱sachekꞌ ru.

Apocalipsis 11:7

Nak acak xeꞌrakeꞌ xyebal resilal li cꞌaꞌru ta̱cꞌulma̱nk, jun li chanchan joskꞌ aj xul ta̱e̱lk chak saꞌ li chamal jul ut ta̱pletik riqꞌuineb aꞌan. Ta̱numta̱k saꞌ xbe̱neb toj retal tixcamsiheb.

Apocalipsis 3:10

La̱ex xecuy xba̱nunquil li xinye e̱re ut incꞌaꞌ xchꞌinan e̱chꞌo̱l saꞌ le̱ pa̱ba̱l. Joꞌcan nak la̱in tincolok e̱re saꞌ xkꞌehil nak ta̱cha̱lk li raylal saꞌ xbe̱neb chixjunileb li cuanqueb saꞌ ruchichꞌochꞌ.

Apocalipsis 3:5

Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, aꞌan ta̱tikiba̱k riqꞌuin saki akꞌej. Ut la̱in incꞌaꞌ tinsach lix cꞌabaꞌ saꞌ li hu tzꞌi̱banbil cuiꞌ xcꞌabaꞌeb li cuanqueb xyuꞌam chi junelic. Ut chiru lin Yucuaꞌ ut chiruheb ajcuiꞌ lix ángel, la̱in tinye nak aꞌan cualal incꞌajol.

San Mateo 25:34

Ut la̱in li Rey tinye reheb li cuanqueb saꞌ lin nim: “Osobtesinbilex xban lin Yucuaꞌ. E̱chanihomak li nimajcual cuanquilal cauresinbil chokꞌ e̱re chalen chak saꞌ xticlajic li ruchichꞌochꞌ.

Apocalipsis 20:12

Ut queꞌcuil chixjunileb li camenak, joꞌ ni̱nk joꞌ cocꞌ, xakxo̱queb chiru li chunchu saꞌ li cꞌojariba̱l. Ut queꞌteli li hu li tzꞌi̱banbil cuiꞌ lix yehom xba̱nuhomeb. Ut quiteheꞌ ajcuiꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic. Ut quirakeꞌ a̱tin saꞌ xbe̱neb li camenak aꞌ yal chanru lix yehom xba̱nuhomeb joꞌ tzꞌi̱banbil retalil saꞌ li hu.

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

Efesios 1:4

Nak toj ma̱jiꞌ naxyi̱b chak li ruchichꞌochꞌ li Dios, ac sicꞌbil chak ku xban saꞌ xcꞌabaꞌ li Jesucristo, re nak ti̱cak li kayuꞌam ut ma̱cꞌaꞌak chic kama̱c.

San Juan 17:24

At inYucuaꞌ, nintzꞌa̱ma cha̱cuu nak chixjunileb li xakꞌaxtesiheb cue teꞌcua̱nk cuiqꞌuin saꞌ li naꞌajej li tincua̱nk cuiꞌ la̱in. Nacuaj nak teꞌril lin lokꞌal li caqꞌue chak cue nak toj ma̱jiꞌ quiyi̱ba̱c li ruchichꞌochꞌ xban nak niquina̱ra.

Daniel 7:11

Toj yo̱quin ajcuiꞌ chi cꞌoxlac chirix li quixye li chꞌina xucub re xnimobresinquil rib, nak queꞌxcamsi li xca̱ xul. Quipedasi̱c lix tibel, quicuteꞌ saꞌ li xam ut quicꞌat.

Apocalipsis 20:15

Ut li ani incꞌaꞌ quitaꞌeꞌ xcꞌabaꞌeb saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, aꞌaneb li queꞌcuteꞌ saꞌ li xam li chanchan palau.

Apocalipsis 20:10

Ut laj tza li quibalakꞌin reheb ta̱cutekꞌ saꞌ xxamlel li azufre li chanchan nimla palau li cuanqueb cuiꞌ li joskꞌ aj xul ut li profeta aj balakꞌ. Ut aran teꞌrahobtesi̱k chi kꞌek chi cutan chi junelic kꞌe cutan.

Hechos 15:18

Ut li Ka̱cuaꞌ Dios li quiyehoc chak re aꞌin, aꞌan ajcuiꞌ li ta̱ba̱nu̱nk re. (Amós 9:11-12)

Daniel 11:45

Tixyi̱b lix muheba̱l saꞌ xya̱nkeb li cuib chi palau nachꞌ riqꞌuin li tzu̱l bar cuan cuiꞌ lix Templo li Ka̱cuaꞌ. Ut ta̱cuulak xkꞌehil nak ta̱osokꞌ li rey. Ut aran ta̱ca̱mk ut ma̱ ani chic ta̱tenkꞌa̱nk re.

Daniel 7:26

Abanan li Ti̱xil Cui̱nk li cuan chi junelic ta̱rakok a̱tin saꞌ xbe̱n ut ta̱risi lix cuanquil ut tixsach chi junaj cua.

Daniel 7:7

Ut chirix aꞌan, quicuil saꞌ lin matcꞌ li xca̱ xul. Kꞌaxal yibru ut xiu xiu rilbal ut kꞌaxal cau rib. Ut riqꞌuin li ruch re hierro, quixtꞌupi li quixchap ut quixcꞌux ut li joꞌ qꞌuial incꞌaꞌ quixchoy xtiubal quixyekꞌi saꞌ rok. Li xul aꞌin jalan chiru li quicuil xbe̱n cua ut li jun aꞌin cuan laje̱b lix xucub.

1 Pedro 1:20

Relic chi ya̱l nak toj ma̱jiꞌ nayoꞌobtesi̱c chak li ruchichꞌochꞌ ac chꞌolchꞌo chiru li Dios nak li Cristo sicꞌbil ru ut xakabanbil re ta̱ca̱mk. Ut anakcuan xcuulac xkꞌehil nak li Cristo xcꞌutbesi rib xban e̱ra̱bal la̱ex.

Salmos 69:28

Chacuisiheb ta lix cꞌabaꞌeb saꞌ li Hu re li Yuꞌam. Ut ma̱qꞌue taxak lix cꞌabaꞌeb saꞌ xya̱nkeb lix cꞌabaꞌeb li ti̱queb xchꞌo̱l.

Daniel 7:3

Ut ca̱hib li ni̱nki xul queꞌel saꞌ li palau ut jalan jala̱nk li junju̱nk.

San Lucas 8:31

Ut eb li ma̱us aj musikꞌej queꞌxtzꞌa̱ma chiru li Jesús nak incꞌaꞌ tixtaklaheb saꞌ xbalba.

San Lucas 10:20

Misahoꞌ saꞌ e̱chꞌo̱l xban nak cuan e̱cuanquil saꞌ xbe̱neb li ma̱us aj musikꞌej. Chisahokꞌ ban e̱chꞌo̱l xban nak tzꞌi̱banbilak le̱ cꞌabaꞌ saꞌ choxa, chan.

Apocalipsis 17:2

Chixjunileb li rey li cuanqueb saꞌ ruchichꞌochꞌ nequeꞌcuulac saꞌ li tenamit aꞌan chixba̱nunquil li ma̱usilal. Chanchan nak ac xeꞌcaltesi̱c xban li ma̱usilal yo̱queb chixba̱nunquil, chan li ángel.