Apocalipsis 17:4 - Li Santil hu

⁴ Li ixk tikibanbil riqꞌuin rakꞌ púrpura ut cak. Lix sahob ru li rakꞌ yi̱banbil riqꞌuin oro ut terto̱quil pec ut riqꞌuin perla. Cuan chak riqꞌuin jun li secꞌ oro nujenak riqꞌuin li ma̱usilal ut li yumbe̱tac coꞌbe̱tac.

Q'eqchi Bible

⁴ Li ixq a'an tiqto rik'in t'ikr kaqmoqin ut kaqjorin xb'onol, nalemtz'unk ru rik'in oor, rik'in tertookil pek ut lemtz'il q'ol. Wank sa' ruq' jun li sek' oor nujenaq rik'in li xyiib'etalil ut xtz'ajnil li xmuxb'al rib';

Apocalipsis 17:4 ပူးပေါင်းရင်းမြစ်များ

Apocalipsis 18:16

Tokꞌobeb ru. Tokꞌobeb ru li cuanqueb saꞌ li nimla tenamit aꞌan. Junxil queꞌxtikib ribeb riqꞌuin li cha̱bil tꞌicr lino ut púrpura ut caki tꞌicr. Ut queꞌxqꞌue chokꞌ xsahob ru li oro, ut li terto̱quil pec ut li perla.

Jeremías 51:7

Li tenamit Babilonia chanchan jun li secꞌ oro saꞌ rukꞌ li Ka̱cuaꞌ nak quicuan ut chixjunil li tenamit quixcaltesiheb. Queꞌrucꞌ li vino li quixqꞌue reheb ut queꞌsach xnaꞌlebeb li xni̱nkal ru tenamit.

Apocalipsis 19:2

Aꞌan ti̱c xchꞌo̱l chi rakoc a̱tin saꞌ xya̱lal. Aꞌan xrakoc a̱tin saꞌ xbe̱n li nimla tenamit li chanchan jun li ixk naxcꞌayi rib. Xban nak numtajenak lix ma̱usilal, aꞌan quipoꞌoc ruheb li tenamit li cuanqueb saꞌ ruchichꞌochꞌ. Li Dios xqꞌueheb chixtojbal rix lix ma̱queb xban nak queꞌxcamsi nabaleb laj cꞌanjel chiru.

Apocalipsis 18:12

Ma̱ ani chic ta̱lokꞌok re li oro, chi moco li plata, chi moco li cha̱bil pec li terto xtzꞌak, chi moco li perlas. Ma̱ ani chic ta̱lokꞌok re li cha̱bil tꞌicr lino, chi moco li púrpura, chi moco li seda, chi moco li escarlata. Ma̱ ani chic ta̱lokꞌok re li qꞌuila pa̱y ru chi sununquil cheꞌ. Ut ma̱ ani chic ta̱lokꞌok re li cꞌaꞌak re ru yi̱banbil riqꞌuin marfil, chi moco riqꞌuin li cha̱bil cheꞌ, chi moco riqꞌuin li chꞌi̱chꞌ hierro ut cobre, chi moco li yi̱banbil riqꞌuin li pec mármol.

Lamentaciones 1:9

Quicꞌutun chi tzꞌakal li ma̱usilal li queꞌxba̱nu, abanan incꞌaꞌ quiyotꞌeꞌ xchꞌo̱leb. Incꞌaꞌ queꞌxqꞌue retal cꞌaꞌru teꞌxcꞌul mokon. Cꞌajoꞌ li raylal queꞌxcꞌul nak qui-isi̱c xcuanquileb. Ma̱ ani nacꞌojoban xchꞌo̱leb. Nequeꞌtijoc ut nequeꞌxye re li Dios: —At Ka̱cuaꞌ, chaqꞌue taxak retal li raylal li yo̱co chixcꞌulbal. Chaqꞌue taxak retal chanru nak eb li xicꞌ nequeꞌiloc ke yo̱queb chi numta̱c saꞌ kabe̱n, chanqueb.

Apocalipsis 14:8

Jun chic li ángel yo̱ chi ta̱ke̱nc re ut yo̱ chixyebal: —Ac xsacheꞌ xcuanquil li nimla tenamit Babilonia. Ac xsacheꞌ ru li tenamit. Aꞌan li quicꞌamoc xbeheb chixjunileb li tenamit chi ma̱cobc. Chanchan nak quixcaltesiheb nak quixqꞌueheb chixba̱nunquil li ma̱usilal, chan.

Daniel 11:38

Aꞌan tixlokꞌoni jun li jalanil dios li ma̱ jun cua queꞌxlokꞌoni lix xeꞌto̱nil yucuaꞌ xban nak aꞌan tixcꞌoxla nak li dios aꞌan ta̱qꞌuehok xmetzꞌe̱uheb saꞌ li ple̱t. Tixmayeja chiru li dios aꞌan li oro, li plata, li terto̱quil pec ut li cꞌaꞌak chic re ru terto xtzꞌak.

Ezequiel 24:13

La̱ex aj Jerusalén chanchanex li ucꞌal xban nak xemux e̱rib. La̱in xinyal risinquil le̱ ma̱usilal, abanan incꞌaꞌ x-el xban nak muxbil e̱ru. Le̱ ma̱usilal ta̱e̱lk nak la̱in tincuisi lin joskꞌil saꞌ e̱be̱n nak texinqꞌue chixtojbal e̱ma̱c.

Ezequiel 24:11

Chirix aꞌan tinchunub li ucꞌal li ma̱cꞌaꞌ chic xsaꞌ saꞌ xbe̱n li ru xam toj retal ta̱cakokꞌ xban xtikcual re nak lix tzꞌajnil ta̱cꞌatekꞌ ut ta̱e̱lk lix moꞌil.

1 Reyes 14:24

Eb li ixk ut eb li cui̱nk kꞌaxal cuiꞌchic yibru queꞌxba̱nu chiribileb rib re xqꞌuebal xlokꞌal lix dioseb li queꞌxyi̱b. Queꞌxba̱nu joꞌ queꞌxba̱nu li jalan xtenamiteb li incꞌaꞌ nequeꞌxpa̱b li Dios, li queꞌisi̱c xban li Ka̱cuaꞌ saꞌ li naꞌajej li queꞌoc cuiꞌ eb laj Israel.

Oseas 9:10

Joꞌcaꞌin quixye li Ka̱cuaꞌ: —Junxil kꞌaxal xsahoꞌ inchꞌo̱l riqꞌuineb laj Israel. Quisahoꞌ inchꞌo̱l riqꞌuineb joꞌ nak nasahoꞌ xchꞌo̱l junak chirilbal li cha̱bil uvas saꞌ tikcual chꞌochꞌ. Chanchan rilbal li xbe̱n ru li cha̱bil higos saꞌ xkꞌehil nak nau̱chin lix cheꞌel. Abanan nak queꞌco̱eb Baal-peor, queꞌxjal xnaꞌlebeb ut queꞌrisi ribeb cuiqꞌuin ut queꞌxtiquib xba̱nunquil li xuta̱nalil naꞌleb. Ut lix yibal ru lix naꞌlebeb, chanchan lix yibal ru li jalanil dios li queꞌxlokꞌoni.

Esdras 9:11

li caqꞌue reheb li profeta, li queꞌcꞌanjelac cha̱cuu. Eb aꞌan queꞌxye ke cꞌaꞌru caye saꞌ la̱ chakꞌrab. La̱at caye reheb li kaxeꞌto̱nil yucuaꞌ nak li naꞌajej li xiqueb cuiꞌ re chi cua̱nc, numtajenak chi ma̱usilal xban li incꞌaꞌ us li nequeꞌxba̱nu li tenamit li cuanqueb aran.

Ezequiel 20:30

Joꞌcan nak ta̱ye reheb laj Israel nak la̱in li Ka̱cuaꞌ Dios ninye: ¿Ma toj te̱mux e̱rib joꞌ queꞌxba̱nu le̱ naꞌ e̱yucuaꞌ? ¿Ma te̱lokꞌoniheb li jalanil dios joꞌ queꞌxba̱nu eb aꞌan?

2 Reyes 21:2

Laj Manasés quima̱cob chiru li Dios xban nak quixba̱nu li ma̱usilal li queꞌxba̱nu li tenamit li queꞌisi̱c saꞌ li naꞌajej aꞌan xban li Dios nak queꞌoc laj Israel.

Ezequiel 36:25

Chanchan nak texinchꞌajobresi riqꞌuin sak ru haꞌ nak tincuisi li ma̱usilal xeba̱nu nak xemux e̱rib riqꞌuin xlokꞌoninquil li jalanil dios.

Deuteronomio 29:17

La̱ex xerileb lix jalanil dios li yi̱banbil riqꞌuin cheꞌ, pec, plata ut oro, li xicꞌ naril li Dios.

Isaías 66:3

Eb aꞌan queꞌxsicꞌ ru li cꞌaꞌru queꞌraj xba̱nunquil ut aꞌ chic li ma̱usilal queꞌxra. Incꞌaꞌ tincꞌul lix mayejeb. Cui teꞌxcamsi li toro re teꞌxmayeja chicuu, chanchan nak teꞌxcamsi li ras ri̱tzꞌin. Ut cui teꞌxcamsi li carner, chanchan nak teꞌxtok xcux li tzꞌiꞌ. Ut nak teꞌxmayeja li ru li trigo, chanchan nak teꞌxmayeja xquiqꞌuel li a̱k chicuu. Nak teꞌxcꞌat lix pom chicuu, chanchan nak yo̱queb chixlokꞌoninquil li jalanil dios.

Ezequiel 28:13

Chanchan cuancat saꞌ li naꞌajej Edén saꞌ xnaꞌaj li racui̱mk li Dios. Re xqꞌuebal a̱chꞌinaꞌusal cuan li terto̱quil pec joꞌ li cornerina, li topacio, li jaspe, li crisólito, li berilo, li ónice joꞌ ajcuiꞌ li zafiro ut li carbunclo, li esmeralda, joꞌ ajcuiꞌ li oro. Ac cauresinbileb li pandero ut li xo̱lb re li cutan nak cat-oc saꞌ la̱ cuanquil.

Apocalipsis 9:21

Incꞌaꞌ queꞌxjal xcꞌaꞌuxeb chi moco queꞌyotꞌeꞌ xchꞌo̱leb xban nak incꞌaꞌ queꞌxcanab xcamsinquil ras ri̱tzꞌineb ut incꞌaꞌ queꞌxcanab li tu̱lac, chi moco queꞌxcanab li coꞌbe̱tac yumbe̱tac ut incꞌaꞌ ajcuiꞌ queꞌxcanab li elkꞌac.

Apocalipsis 21:21

Li cablaju chi oqueba̱l, yi̱banbileb riqꞌuin cablaju chi terto̱quil perla, jun saꞌ li junju̱nk chi oqueba̱l. Eb li be saꞌ li tenamit yi̱banbileb riqꞌuin tzꞌakal oro. Nalemtzꞌun. Chanchan lem.