Apocalipsis 17:16 - Li Santil hu

¹⁶ Li laje̱b chi xxucub li joskꞌ aj xul li xacuil, xicꞌ teꞌril li ixk li naxcꞌayi rib. Teꞌxtzꞌekta̱na li ixk ut teꞌxcanab chi ma̱cꞌaꞌ cuan re. Tꞌustꞌu teꞌxcanab. Teꞌxtiu lix tibel ut li joꞌ qꞌuial chic incꞌaꞌ teꞌxchoy teꞌxcꞌat saꞌ xam.

Q'eqchi Bible

¹⁶ Li josq' aj xul ut eb' li lajeeb' chi xukub' li xawil, xik' te'ril laj yumb'eet; te'xkanab' chi nakirnak ut chi t'ust'u, te'xtiw li xtib'el ut te'xk'at li ixq sa' xam.

Apocalipsis 17:16 ပူးပေါင်းရင်းမြစ်များ

Apocalipsis 18:8

Joꞌcan nak chiru jun cutan talajeꞌcha̱lk li raylal saꞌ xbe̱n li tenamit aꞌan. Ta̱cha̱lk ca̱mc, ut ya̱bac ut cueꞌej saꞌ xbe̱neb. Li tenamit ta̱sachekꞌ ru riqꞌuin xam xban nak kꞌaxal nim xcuanquil li Ka̱cuaꞌ li ta̱rakok a̱tin saꞌ xbe̱neb, chan.

Levítico 21:9

Cui junak xrabin laj tij tixtiquib xcꞌayinquil rib, li jun aꞌan tixcꞌut xxuta̱n lix yucuaꞌ. Cꞌatbil ta̱uxk re nak ta̱camsi̱k.

Apocalipsis 18:19

Queꞌxqꞌue poks saꞌ xjolomeb retalil lix rahil xchꞌo̱leb ut queꞌya̱bac ut queꞌxjap reheb chixyebal: ¡Tokꞌobeb ru! ¡Tokꞌobeb ru li cuanqueb saꞌ li tenamit aꞌan! Riqꞌuin lix biomaleb li tenamit aꞌan xobiomoꞌ la̱o li nococꞌanjelac saꞌ jucub. Ut chiru junpa̱t quisacheꞌ ru li tenamit, chanqueb.

Apocalipsis 19:18

Quimkex ut tiuhomakeb lix tibeleb li rey li cuanqueb saꞌ ruchichꞌochꞌ joꞌ ajcuiꞌ lix tibeleb li nequeꞌtaklan saꞌ xbe̱neb li soldado. Tiuhomakeb xtibeleb li cauheb rib joꞌqueb ajcuiꞌ li cacua̱y ut eb li cui̱nk li nequeꞌxic chirixeb. Tiuhomakeb xtibeleb chixjunileb, joꞌ li lokꞌbil chi cꞌanjelac joꞌ ajcuiꞌ li incꞌaꞌ lokꞌbil, joꞌ li cuanqueb xcuanquil ut joꞌ ajcuiꞌ li ma̱cꞌaꞌeb xcuanquil.—

Apocalipsis 17:10

Ut retalileb ajcuiꞌ li cuukub chi rey. O̱b li rey ac xeꞌcuan ut xeꞌsacheꞌ ruheb, jun cuan anakcuan ut li jun chic toj ma̱jiꞌ na-oc saꞌ xcuanquil. Ut nak ta̱oc, incꞌaꞌ najt ta̱ba̱yk.

Apocalipsis 16:12

Ut li xcuak ángel quixhoy li cuan saꞌ lix secꞌ saꞌ xbe̱n li nimaꞌ Éufrates. Quichakic li haꞌ re teꞌnumekꞌ eb li rey li queꞌchal chak saꞌ eb li naꞌajej li na-el cuiꞌ chak li sakꞌe.

Daniel 7:5

Ut li xcab xul chanchan jun li oso, ac yo̱ xcuaclesinquil jun li rukꞌ. Ut cꞌaxcꞌo chak oxib li costilla saꞌ re. Ut quicuabi jun li xya̱b cux nak quixye, “Cuaꞌin ut tiu nabal li tib,” chan.

Salmos 27:2

Li incꞌaꞌ useb xnaꞌleb ut eb li xicꞌ nequeꞌiloc cue nequeꞌxchꞌutub rib re incamsinquil. Abanan aꞌaneb ajcuiꞌ li nequeꞌcꞌuluc re li raylal.

Li xHu LAJ JOB 31:31

Eb lin mo̱s nequeꞌxnau chi tzꞌakal nak junelic ninqꞌueheb xcuaheb li nequeꞌcuulac saꞌ cuochoch.

Apocalipsis 12:3

Ut jun chic sachba chꞌo̱lej quicꞌutbesi̱c chicuu saꞌ choxa. Quicuil jun nimla joskꞌ aj xul cak rix dragón xcꞌabaꞌ. Cuan cuukub lix jolom ut laje̱b lix xucub. Ut saꞌ eb lix jolom cuukub cuan junju̱nk lix corona.