Apocalipsis 17:10 - Li Santil hu

¹⁰ Ut retalileb ajcuiꞌ li cuukub chi rey. O̱b li rey ac xeꞌcuan ut xeꞌsacheꞌ ruheb, jun cuan anakcuan ut li jun chic toj ma̱jiꞌ na-oc saꞌ xcuanquil. Ut nak ta̱oc, incꞌaꞌ najt ta̱ba̱yk.

Q'eqchi Bible

¹⁰ oob' ak t'anjenaqeb', li jun wank anaqwan ut li jun chik maji' nak'ulunk. Ut naq tol'elq, ink'a' najt taawanq.

Apocalipsis 17:10 ပူးပေါင်းရင်းမြစ်များ

Apocalipsis 10:11

Quixye cue: —Tenebanbil saꞌ a̱be̱n la̱at xyebal resil li cꞌaꞌru ta̱cꞌulma̱nk. Toj ta̱ye cuiꞌchic resil cꞌaꞌru teꞌxcꞌul eb li tenamit, joꞌ ajcuiꞌ li xni̱nkal ru tenamit joꞌ ajcuiꞌ lix reyeb. Ta̱ye ajcuiꞌ resil li cꞌaꞌru teꞌxcꞌul saꞌ eb li tenamit li jalan jala̱nk ra̱tinoba̱leb.—

Apocalipsis 17:11

Ut li joskꞌ aj xul li quicuan ut ma̱ ani chic anakcuan, aꞌan li xcuakxak li rey ut xcomoneb rib riqꞌuineb li cuukub chi rey. Aꞌan ta̱sachekꞌ ru.

Isaías 23:15

Ta̱cuulak xkꞌehil nak li tenamit Tiro ta̱sachk saꞌ xchꞌo̱leb li tenamit. Incꞌaꞌ chic ta̱julticokꞌ reheb chiru laje̱b xca̱cꞌa̱l chihab, joꞌ xnajtil rok xyuꞌam junak li rey. Nak acak xnumeꞌ laje̱b xca̱cꞌa̱l (70) chihab, eb li cuanqueb Tiro teꞌbicha̱nk cuiꞌchic joꞌ nak nequeꞌbichan li ixk li nequeꞌxcꞌayi rib.

Apocalipsis 13:3

Ut quicuil nak jun reheb lix jolom li joskꞌ aj xul yocꞌol ut chanchan ca̱mc re. Abanan quiqꞌuira. Sachso xchꞌo̱leb li tenamit queꞌcana chirilbal nak quiqꞌuira. Ut queꞌxta̱ke li joskꞌ aj xul.

Apocalipsis 13:12

Li xul aꞌan cuan xcuanquil joꞌ li joskꞌ aj xul li quiyoqꞌueꞌ jun xjolom ut quicam raj abanan quiqꞌuira. Ut chiru ajcuiꞌ aꞌan naxmin ruheb chixjunileb li cuanqueb saꞌ ruchichꞌochꞌ re nak teꞌxlokꞌoni li joskꞌ aj xul.

Apocalipsis 17:16

Li laje̱b chi xxucub li joskꞌ aj xul li xacuil, xicꞌ teꞌril li ixk li naxcꞌayi rib. Teꞌxtzꞌekta̱na li ixk ut teꞌxcanab chi ma̱cꞌaꞌ cuan re. Tꞌustꞌu teꞌxcanab. Teꞌxtiu lix tibel ut li joꞌ qꞌuial chic incꞌaꞌ teꞌxchoy teꞌxcꞌat saꞌ xam.