Apocalipsis 16:6 - Li Santil hu

⁶ Xban nak aꞌan eb queꞌcamsin reheb la̱ cualal a̱cꞌajol ut eb la̱ profeta, joꞌcan nak xasukꞌisi li haꞌ chokꞌ quicꞌ ut xaqꞌueheb chirucꞌ. Xcꞌulubeb nak teꞌxcꞌul chi joꞌcan xban nak incꞌaꞌ us lix naꞌlebeb, chan.

Q'eqchi Bible

⁶ xb'aan naq eb' a'an xe'xhoy xkik'eleb' li sant jo'wi' li xkik'eleb' li propeet, ut laa'at xak'e li kik' chi ruk'eb': jo'kan naq xe'xk'ul tz'aqal xq'ajkamunkileb'”.

Apocalipsis 16:6 ပူးပေါင်းရင်းမြစ်များ

Isaías 49:26

La̱in tinqꞌueheb chixcamsinquil ribeb chi ribileb rib li queꞌrahobtesin a̱cue. Chanchan nak teꞌcala̱k xban li camsi̱nc xeꞌxba̱nu. Ut chixjunileb li tenamit teꞌxnau nak la̱in li Ka̱cuaꞌ, li nacoloc a̱cue. Teꞌxnau nak la̱in lix Dios laj Jacob ut cau cuib.—

Apocalipsis 11:18

Cꞌajoꞌ nak queꞌjoskꞌoꞌ li tenamit li xicꞌ nequeꞌiloc a̱cue. Abanan xcuulac xkꞌehil nak ta̱cꞌut la̱ joskꞌil chiruheb. Xcuulac xkꞌehil nak tatrakok a̱tin saꞌ xbe̱neb li camenak. Ut ta̱qꞌueheb xkꞌajca̱munquileb laj cꞌanjel cha̱cuu li queꞌyehoc resil li cꞌaꞌru ta̱cꞌulma̱nk. Ut ta̱qꞌueheb ajcuiꞌ xkꞌajca̱munquileb laj pa̱banel li queꞌqꞌuehoc a̱lokꞌal, usta cuanqueb xcuanquil usta ma̱cꞌaꞌ. Ut la̱at ta̱sach ruheb li queꞌba̱nun raylal reheb li cuanqueb saꞌ ruchichꞌochꞌ, chanqueb.

Apocalipsis 18:24

Saꞌ ajcuiꞌ li tenamit aꞌan queꞌcamsi̱c li ralal xcꞌajol li Dios ut eb li profeta. Li tenamit aꞌan quicꞌamoc be chiruheb li tenamit saꞌ ruchichꞌochꞌ chixcamsinquileb laj pa̱banel yalak bar.

Apocalipsis 13:15

Ut li xcab xul quiqꞌueheꞌ xcuanquil re nak tixqꞌue xmusikꞌ lix jalam u̱ch li xbe̱n joskꞌ aj xul re ta̱a̱tinak ut tixqꞌue chi ca̱mc li ani incꞌaꞌ ta̱qꞌuehok xlokꞌal.

2 Reyes 24:4

Ut xban ajcuiꞌ nak nabaleb li ma̱cꞌaꞌeb xma̱c quixcamsiheb laj Manasés. Chanchan nak quinujac li tenamit riqꞌuin lix quiqꞌueleb. Ut li Ka̱cuaꞌ incꞌaꞌ chic quiraj xcuybal xma̱c.

Apocalipsis 19:2

Aꞌan ti̱c xchꞌo̱l chi rakoc a̱tin saꞌ xya̱lal. Aꞌan xrakoc a̱tin saꞌ xbe̱n li nimla tenamit li chanchan jun li ixk naxcꞌayi rib. Xban nak numtajenak lix ma̱usilal, aꞌan quipoꞌoc ruheb li tenamit li cuanqueb saꞌ ruchichꞌochꞌ. Li Dios xqꞌueheb chixtojbal rix lix ma̱queb xban nak queꞌxcamsi nabaleb laj cꞌanjel chiru.

Apocalipsis 13:10

Li ani tento ta̱xic chi pre̱xil, xicak chi pre̱xil. Ut li ani tento ta̱camsi̱k riqꞌuin chꞌi̱chꞌ, chicamsi̱k riqꞌuin chꞌi̱chꞌ. Joꞌcan nak cauhakeb taxak xchꞌo̱leb li ralal xcꞌajol li Dios. Teꞌxcuy taxak xnumsinquil li raylal ut incꞌaꞌ ta chichꞌina̱nk xchꞌo̱leb.

Lamentaciones 4:13

Aꞌin quicꞌulman xban lix ma̱queb li profetas ut eb laj tij. Eb aꞌan queꞌma̱cob nak queꞌxqꞌueheb chi camsi̱c aran Jerusalén li cristian li ma̱cꞌaꞌeb xma̱c.

Apocalipsis 18:20

Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

Hebreos 10:29

Numtajenak cuiꞌchic ra teꞌxcꞌul li nequeꞌtzꞌekta̱nan re li Ralal li Dios ut nequeꞌxsach xcuanquil lix quiqꞌuel xban nak riqꞌuin xquiqꞌuel li Jesucristo xakabanbil xcuanquil li acꞌ contrato ut santobresinbilo la̱o. Numtajenak cuiꞌchic ra teꞌxcꞌul li nequeꞌxmajecua li Santil Musikꞌej li naqꞌuehoc ke li rusilal li Dios.

San Mateo 7:2

Xban nak chanru nak nequextzꞌiloc a̱tin, joꞌcan ajcuiꞌ ta̱uxk e̱re la̱ex. Ut riqꞌuin li bisleb li nequexbisoc cuiꞌ, riqꞌuin ajcuiꞌ aꞌan texbisekꞌ la̱ex.

Jeremías 26:16

Tojoꞌnak eb li cuanqueb xcuanquil ut eb li tenamit queꞌxye reheb laj tij ut reheb li profeta: —Incꞌaꞌ naru takateneb ca̱mc saꞌ xbe̱n li cui̱nk aꞌin. Saꞌ xcꞌabaꞌ li Ka̱cuaꞌ li kaDios x-a̱tinac kiqꞌuin, chanqueb.

Jeremías 26:11

Ut eb laj tij ut eb li profetas queꞌa̱tinac riqꞌuineb li tenamit joꞌ eb ajcuiꞌ li cuanqueb xcuanquil ut queꞌxye reheb: —Xcꞌulub ca̱mc li cui̱nk aꞌin xban nak xye nak li katenamit tixcꞌul raylal. La̱ex xerabi riqꞌuin e̱xic li cꞌaꞌru quixye, chanqueb.

Jeremías 2:30

Ma̱cꞌaꞌ rajbal nak quebinkꞌus chi cau le̱ ralal e̱cꞌajol xban nak incꞌaꞌ queꞌxqꞌue saꞌ xchꞌo̱l lix tijbaleb. La̱ex xecamsiheb li profeta joꞌ nak li cakcoj naxcamsi lix tib.

San Lucas 12:48

Abanan li mo̱s li incꞌaꞌ naxba̱nu li us xban nak incꞌaꞌ naxnau cꞌaꞌru naraj lix patrón, li jun aꞌan tixcꞌul ajcuiꞌ xtojbal xma̱c. Abanan caꞌchꞌin ajcuiꞌ chiru li tixcꞌul li naxnau li cꞌaꞌru naraj lix patrón. Li ani naxnau xya̱lal, mas cuiꞌchic nabal li i̱k cuan saꞌ xbe̱n. Ut li ani cuan xnaꞌleb chi us, mas cuiꞌchic li i̱k cuan saꞌ xbe̱n chiru li jun li ma̱cꞌaꞌ xnaꞌleb, chan.

Éxodo 7:17

Anakcuan, at faraón, la̱at ta̱qꞌue retal nak aꞌan li Ka̱cuaꞌ Dios, ut kꞌaxal nim xcuanquil. La̱in tinsacꞌ li nimaꞌ Nilo riqꞌuin lin xukꞌ. Ut riqꞌuin aꞌan ta̱quicꞌokꞌ li haꞌ.

Éxodo 21:24

Li ani ta̱risi xnakꞌ ru li ras ri̱tzꞌin, ta̱isi̱k ajcuiꞌ li xnakꞌ ru aꞌan. Ut li ani ta̱risi ruch re li ras ri̱tzꞌin, ta̱isi̱k ajcuiꞌ li ruch re aꞌan. Ut li ani ta̱risi li rukꞌ li ras ri̱tzꞌin, ta̱isi̱k ajcuiꞌ li rukꞌ aꞌan. Ut li ani ta̱risi li rok li ras ri̱tzꞌin, ta̱isi̱k ajcuiꞌ li rok aꞌan.

Ezequiel 32:6

Tintꞌakresi li chꞌochꞌ riqꞌuin la̱ quiqꞌuel. Chixjunil li naꞌajej ta̱nujak riqꞌuin la̱ tibel, joꞌ saꞌ eb li u̱l ut saꞌ eb li tzu̱l.