Apocalipsis 16:2 - Li Santil hu

² Co̱ li xbe̱n ángel ut quixhoy li cuan saꞌ lix secꞌ saꞌ xbe̱n li ruchichꞌochꞌ. Ut quichal jun yajel saꞌ xbe̱neb chixjunileb li queꞌxcꞌul xnumbril lix cꞌabaꞌ li joskꞌ aj xul joꞌqueb ajcuiꞌ li queꞌxlokꞌoni lix jalam u̱ch. Queꞌxoxoꞌ rixeb ut kꞌaxal ra queꞌxcꞌul xban li yajel.

Q'eqchi Bible

² Toja' naq koho li xb'een ánjel ut kixhoy li xsek' sa' xb'een li ruuchich'och'; ut kichalk jun yiib' aj xox, q'axal ra, sa' xb'eeneb' li winq li wankeb' reetalil li josq' aj xul rik'in ut neke'xloq'oni li xjalam u.

Apocalipsis 16:2 ပူးပေါင်းရင်းမြစ်များ

Apocalipsis 8:7

Li xbe̱n ángel quixya̱basi lix trompeta. Ut quicuteꞌ saꞌ ruchichꞌochꞌ sakbach ut xam junajinbil riqꞌuin quicꞌ. Caꞌchꞌin chic ma̱ jun jachal (1/3) li ruchichꞌochꞌ quicꞌat. Ut queꞌcꞌat ajcuiꞌ li cheꞌ. Caꞌchꞌin chic ma̱ jun jachal li cheꞌ queꞌcꞌat ut quicꞌat chixjunil li rax pim.

Apocalipsis 16:11

Ut queꞌxmajecua li Dios li cuan saꞌ choxa xban li raylal ut li xox li yo̱queb chixcꞌulbal. Abanan incꞌaꞌ quiyotꞌeꞌ xchꞌo̱leb ut incꞌaꞌ queꞌxcanab xba̱nunquil li ma̱usilal.

Deuteronomio 28:27

Li Ka̱cuaꞌ tixtakla li xox che̱rix joꞌ xeꞌxcꞌul eb laj Egipto. Ta̱cua̱nk li raylal saꞌ chixjunil le̱ tibel ut tixpati rib le̱ raylal ut cꞌajoꞌ nak ta̱cuotzꞌocokꞌ ut ma̱cꞌaꞌak xbanol.

Hechos 12:23

Ut saꞌ ajcuiꞌ li ho̱nal aꞌan, jun x-ángel li Ka̱cuaꞌ quixqꞌue jun yajel saꞌ xbe̱n laj Herodes xban nak quixqꞌue rib chixlokꞌoniheb li tenamit ut incꞌaꞌ quixqꞌue xlokꞌal li Dios. Quimotzoꞌin ut aꞌan quicamsin re.

Isaías 3:17

Re xqꞌuebal chixtojbaleb xma̱c la̱in tinqꞌueheb chi tꞌanecꞌ li rismal. Tꞌuruꞌ chic lix jolomeb ta̱cana̱k re xcutbal xxuta̱neb, chan li Ka̱cuaꞌ.

2 Crónicas 21:18

Chirix aꞌan li Ka̱cuaꞌ quixqꞌue jun xyajel lix saꞌ li rey Joram. Ma̱cꞌaꞌ xbanol.

2 Crónicas 21:15

Ut tixqꞌue ajcuiꞌ jun nimla yajel saꞌ a̱be̱n la̱at toj retal ta̱e̱lk la̱ cꞌamcꞌot.”

1 Samuel 5:9

Nak ac cuan chic aran li Lokꞌlaj Ca̱x, li Dios quixqꞌue jun nimla raylal saꞌ xbe̱neb li cuanqueb saꞌ li tenamit Gat. Ut nabal li tumor queꞌel saꞌ lix tibeleb li cristian, joꞌ ni̱nk, joꞌ cocꞌ.

1 Samuel 5:6

Ut li Ka̱cuaꞌ quixqꞌueheb chixtojbal lix ma̱queb li cuanqueb Asdod. Quixtakla chak jun li yajel saꞌ xbe̱neb. Ut nabal li tumor qui-el saꞌ lix tibeleb. Ut qui-el ajcuiꞌ saꞌ xtibeleb li cuanqueb chi xjun sutam li tenamit Asdod.

Deuteronomio 7:15

Li Ka̱cuaꞌ ta̱colok e̱re chiruheb li yajel. Incꞌaꞌ te̱yajeni li yibru yajel li queꞌxcꞌul eb laj Egipto nak cuanquex chak aran. Tixtakla ban li yajel saꞌ xbe̱neb li xicꞌ nequeꞌiloc e̱re.

Isaías 3:24

Chokꞌ re̱kaj li sununquil ban ta̱cua̱nk xchuhil li camenak. Chokꞌ re̱kaj lix cꞌa̱mal xsaꞌ ta̱cua̱nk li cꞌa̱m. Chokꞌ re̱kaj li rismal jolom yi̱banbil chi cha̱bil, tꞌuruꞌak saꞌ lix jolomeb. Chokꞌ re̱kaj li cha̱bil akꞌej teꞌxqꞌue li kꞌes ru tꞌicr. Chokꞌ re̱kaj lix chꞌinaꞌusaleb, cꞌatalak lix tibeleb.

Salmos 78:26

Quixtakla chak jun li ikꞌ. Quichal saꞌ li na-el cuiꞌ chak li sakꞌe ut saꞌ li sur.

Apocalipsis 14:16

Ut li cꞌojcꞌo saꞌ li chok quixtiquib xyocꞌbal li acui̱mk saꞌ ruchichꞌochꞌ ut quixxoc li ru.

Deuteronomio 28:35

Li Ka̱cuaꞌ tixcanab chi xoxi̱rc le̱ tibel. Ta̱ticla̱k chak che̱rok ut ta̱cuulak toj le̱ jolom. Kꞌaxal ra te̱cꞌul ut ma̱cꞌaꞌak xbanbal le̱ yajel.

Apocalipsis 13:12

Li xul aꞌan cuan xcuanquil joꞌ li joskꞌ aj xul li quiyoqꞌueꞌ jun xjolom ut quicam raj abanan quiqꞌuira. Ut chiru ajcuiꞌ aꞌan naxmin ruheb chixjunileb li cuanqueb saꞌ ruchichꞌochꞌ re nak teꞌxlokꞌoni li joskꞌ aj xul.

Apocalipsis 14:9

Ut quicuil li rox ángel, yo̱ chixta̱kenquil li cuib chic. Li jun aꞌin yo̱ chixyebal chi cau xya̱b xcux: —Li ani tixlokꞌoni li joskꞌ aj xul malaj ut lix jalam u̱ch, ut tixcꞌul li retalil saꞌ xpe̱quem malaj chi rukꞌ,

Apocalipsis 16:1

Ut quicuabi jun xya̱b cux quia̱tinac chak chi cau saꞌ lix templo li Dios. Quixye reheb li cuukub chi ángel: —Ayukex ut hoyomak chak saꞌ xbe̱n li ruchichꞌochꞌ lix joskꞌil li Dios li cuan saꞌ li cuukub chi secꞌ.—