Apocalipsis 16:14 - Li Santil hu

¹⁴ Eb li ma̱us aj musikꞌej aꞌin nequeꞌxba̱nu sachba chꞌo̱lej. Nequeꞌxic yalak bar saꞌ ruchichꞌochꞌ chixchꞌutubanquileb li rey ut eb li tenamit re nak teꞌpletik saꞌ eb li cutan nak li nimajcual Dios ta̱pletik riqꞌuin li joskꞌ aj xul.

Q'eqchi Bible

¹⁴ A'aneb' xmusiq'eb' laj tza, li neke'b'aanunk sachb'ach'oolej ut neke'xik wankeb' wi' li awab'ej re chixjunil li ruuchich'och' re xch'utub'ankileb' chi yalok sa' li xnimal xkutankil li Nimajwal Yos.

Apocalipsis 16:14 ပူးပေါင်းရင်းမြစ်များ

Apocalipsis 17:14

Eb li rey teꞌpletik riqꞌuin li Jun li chanchan carner. Abanan aꞌan ta̱numta̱k saꞌ xbe̱neb xban nak aꞌan li Ka̱cuaꞌ, li kꞌaxal nim xcuanquil saꞌ xbe̱n chixjunil. Ut aꞌan li tzꞌakal rey li nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Ut li sicꞌbileb ru, li ti̱queb xchꞌo̱l chixta̱kenquil, teꞌnumta̱k ajcuiꞌ saꞌ xbe̱neb li rey, rochbeneb li Jun li chanchan carner.—

1 Timoteo 4:1

Li Santil Musikꞌej naxcꞌut lix ya̱lal chi tzꞌakal nak saꞌ eb li cutan cha̱lel cuan li teꞌxcanab xpa̱banquil li tijleb li tzꞌakal ya̱l. Ut teꞌbalakꞌi̱k xban li tijleb li incꞌaꞌ ya̱l li nequeꞌxqꞌue li ma̱us aj musikꞌej.

Apocalipsis 20:8

Ut ta̱xic saꞌ chixjunil li ruchichꞌochꞌ chixbalakꞌinquileb li tenamit yalak bar joꞌ li cuanqueb aran Gog ut Magog. Ut tixchꞌutubeb re nak teꞌpletik. Kꞌaxal nabalakeb joꞌ xqꞌuial li cocꞌ ru li samaib li cuan chire li palau.

1 Juan 5:19

Ut nakanau nak la̱o ralal xcꞌajol li Dios. Abanan li jun chꞌol chic li ma̱jiꞌ nequeꞌpa̱ban re li Dios, eb aꞌan cuanqueb rubel xcuanquil laj tza.

Santiago 3:15

Aꞌan ma̱cuaꞌ li naꞌleb naxqꞌue li Dios. Xnaꞌleb ban li ruchichꞌochꞌ. Aꞌan yal xcꞌaꞌuxeb cui̱nk ut qꞌuebil xban laj tza.

Apocalipsis 16:16

Ut queꞌxchꞌutub eb li rey li oxib chi ma̱us aj musikꞌej saꞌ li naꞌajej Armagedón xcꞌabaꞌ saꞌ hebreo.

Apocalipsis 12:9

Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

San Juan 8:44

La̱ex ralal xcꞌajol laj tza. Aꞌan li nataklan saꞌ e̱be̱n. La̱ex nequeba̱nu li cꞌaꞌru naraj aꞌan xban nak cuanquex rubel xcuanquil. Aꞌan aj camsinel chalen saꞌ xticlajic. Incꞌaꞌ nacuulac chiru li ya̱l xban nak aꞌan aj ticꞌtiꞌ. Ac re nak naticꞌtiꞌic. Aꞌan li xyucuaꞌil li ticꞌtiꞌ.

2 Ts 2:9

Laj kꞌetol chakꞌrab ta̱cha̱lk riqꞌuin xcuanquil laj tza. Tixcꞌutbesi nak cuan xcuanquil chixba̱nunquil li milagros ut sachba chꞌo̱lej re xbalakꞌinquil li cristian.

San Marcos 13:22

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb li profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xbalakꞌinquileb li sicꞌbileb ru xban li Dios.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

Apocalipsis 3:10

La̱ex xecuy xba̱nunquil li xinye e̱re ut incꞌaꞌ xchꞌinan e̱chꞌo̱l saꞌ le̱ pa̱ba̱l. Joꞌcan nak la̱in tincolok e̱re saꞌ xkꞌehil nak ta̱cha̱lk li raylal saꞌ xbe̱neb chixjunileb li cuanqueb saꞌ ruchichꞌochꞌ.

Romanos 1:8

Xbe̱n cua ninbantioxi chiru li Dios saꞌ xcꞌabaꞌ li Ka̱cuaꞌ Jesucristo xban nak yalak bar na-abiman resil nak tzꞌakal nequepa̱b li Cristo.

Apocalipsis 16:7

Ut quicuabi jun yo̱ chak chi a̱tinac saꞌ li artal. Ut quixye: Relic chi ya̱l, at Ka̱cuaꞌ, at nimajcual Dios, La̱at nacatrakoc a̱tin saꞌ xya̱lal ut saꞌ ti̱quilal, chan.

Apocalipsis 13:3

Ut quicuil nak jun reheb lix jolom li joskꞌ aj xul yocꞌol ut chanchan ca̱mc re. Abanan quiqꞌuira. Sachso xchꞌo̱leb li tenamit queꞌcana chirilbal nak quiqꞌuira. Ut queꞌxta̱ke li joskꞌ aj xul.

Apocalipsis 6:17

Xcuulac xkꞌehil li rakba a̱tin saꞌ kabe̱n. ¿Ani ta cuiꞌ ta̱ru̱k tixcol rib chiru aꞌan? chanqueb.

Ezequiel 14:9

Junak profeta li ta̱balakꞌi̱k tixye li moco ya̱l ta. Aꞌan xban nak la̱in xincanab chi balakꞌi̱c. Ut la̱in tincuisi saꞌ xya̱nkeb laj Israel.

San Lucas 2:1

Saꞌ eb li cutan aꞌan li acuabej César Augusto quixqꞌue jun li chakꞌrab re nak chixjunileb li tenamit teꞌajla̱k ut teꞌxqꞌue xcꞌabaꞌeb chi tzꞌi̱ba̱c.

1 Reyes 22:6

Ut lix reyeb laj Israel quixchꞌutubeb li profeta. Cuanqueb na ca̱hib ciento chi profeta. Ut li rey quixpatzꞌ reheb: —¿Ma us nak toxic chi pletic aran Ramot xcue̱nt Galaad? chan. Ut eb li profeta queꞌxye re: —Us texxic chi pletic xban nak li Ka̱cuaꞌ tixkꞌaxtesi li tenamit Ramot saꞌ a̱cuukꞌ la̱at, chanqueb.

San Mateo 24:14

Ut li resil lix nimajcual cuanquilal li Dios ta̱yema̱nk yalak bar jun sut rubel choxa re nak chixjunileb li tenamit teꞌrabi resil li colba-ib. Tojoꞌnak ta̱cha̱lk li rosoꞌjiqueb li cutan.

Josué 11:5

Chixjunileb li rey aꞌin queꞌxchꞌutub ribeb ut queꞌco̱eb chi pletic riqꞌuineb laj Israel. Ut queꞌxyi̱b lix muheba̱leb chire li palau Merom.