Apocalipsis 16:12 - Li Santil hu

¹² Ut li xcuak ángel quixhoy li cuan saꞌ lix secꞌ saꞌ xbe̱n li nimaꞌ Éufrates. Quichakic li haꞌ re teꞌnumekꞌ eb li rey li queꞌchal chak saꞌ eb li naꞌajej li na-el cuiꞌ chak li sakꞌe.

Q'eqchi Bible

¹² Li xwaq li ánjel kixhoy li xsek' sa' xb'een li nima' Éwfrates, ut kichaqik li ha' re naq kawresinb'ilaq xb'eheb' li awab'ej te'chalq chaq sa' releb'l saq'e.

Apocalipsis 16:12 ပူးပေါင်းရင်းမြစ်များ

Apocalipsis 9:14

Quixye re li xcuak ángel li cuan xtrompeta riqꞌuin: —Hiteb li ca̱hib chi ángel li bacꞌbo̱queb chire li nimaꞌ Éufrates, chan.

Jeremías 51:36

Joꞌcan nak li Ka̱cuaꞌ quixye: —La̱in tin-oque̱nk che̱rix ut la̱in tinqꞌue re̱kaj li incꞌaꞌ us xeꞌxba̱nu e̱re. La̱in tinqꞌue chi chakic li nimaꞌ ut eb li yuꞌam haꞌ li cuanqueb Babilonia.

Isaías 44:27

Cui la̱in tinye nak ta̱chakik li palau, ta̱chakik. Ut cui tinye nak teꞌchakik li nimaꞌ, teꞌchakik ajcuiꞌ.

Isaías 41:25

La̱in xinsicꞌ ru jun saꞌ li este. Aꞌan ta̱cha̱lk saꞌ li norte chi pletic. Aꞌan tixya̱ba lin cꞌabaꞌ ut ta̱numta̱k saꞌ xbe̱neb li cuanqueb xcuanquil. Chanchanakeb li sulul chiru malaj ut joꞌakeb li seb chiru laj pacꞌonel.

Isaías 42:15

La̱in tinsacheb ru li tzu̱l ut eb li cocꞌ bol. Tinqꞌue chi chakic li racui̱mkeb. Tinsukꞌisi li nimaꞌ chokꞌ chaki chꞌochꞌ ut tinchakihobresiheb li xnaꞌaj li haꞌ.

Isaías 11:15

Li Ka̱cuaꞌ Dios riqꞌuin lix nimal xcuanquil tixchakihobresi li palau li cuan Egipto. Ut tixtakla li tikcual ikꞌ saꞌ xbe̱n li nimaꞌ Éufrates. Tixjach ru li nimaꞌ ut teꞌcana̱k cuukub chi cocꞌ nimaꞌ re nak eb li tenamit teꞌnumekꞌ jun pacꞌal chi incꞌaꞌ teꞌrisi lix xa̱beb.

Apocalipsis 17:15

Quixye cue li ángel: —Li haꞌ li xacuil li chunchu cuiꞌ li ixk, aꞌan retalileb li xni̱nkal ru tenamit, aꞌ yal ani xte̱paleb xxeꞌto̱nil yucuaꞌeb, ut aꞌ yal chanru li ra̱tinoba̱leb.

Apocalipsis 7:2

Ut quicuil jun chic li ángel yo̱ chak chi cha̱lc na-el cuiꞌ chak li sakꞌe. Cuan chak lix sello li yoꞌyo̱quil Dios riqꞌuin. Ut quia̱tinac chi cau xya̱b xcux riqꞌuineb li ca̱hib chi ángel li ac qꞌuebileb xcuanquil re xba̱nunquil raylal reheb li cuanqueb saꞌ ruchichꞌochꞌ, joꞌqueb ajcuiꞌ li cuanqueb saꞌ li palau.

Isaías 46:11

La̱in xinsicꞌ ru jun li cui̱nk saꞌ li oriente. Saꞌ najtil tenamit ta̱cha̱lk. Chanchan jun li soꞌsol nak tixsach ruheb li xicꞌ nequeꞌiloc e̱re. Li cꞌaꞌru xinye, aꞌan li ta̱cꞌulma̱nk. Li cꞌaꞌru xincꞌu̱b ru, aꞌan li tinba̱nu.

Apocalipsis 11:14

Aꞌin li xcab li raylal ac xnumeꞌ. Abanan toj cuan jun chic li raylal ta̱cha̱lk chi se̱b saꞌ xbe̱neb.

Isaías 8:7

Joꞌcan nak la̱in li Ka̱cuaꞌ tintakla lix reyeb laj Asiria rochbeneb lix soldado chi numta̱c saꞌ xbe̱neb laj Jerusalén. Nak teꞌcha̱lk riqꞌuin lix cuanquileb laj Asiria chi pletic, chanchan nak nabutꞌun li nimaꞌ Éufrates ut naxic yalak bar.