Apocalipsis 16:10 - Li Santil hu

¹⁰ Ut li roꞌ ángel quixhoy li cuan saꞌ lix secꞌ saꞌ xbe̱n lix cꞌojariba̱l li joskꞌ aj xul. Ut chixjunileb li cuanqueb rubel xcuanquil queꞌcana saꞌ kꞌojyi̱n. Chixjunileb yo̱queb chixtiubal li ruꞌuj rakꞌeb xban li raylal yo̱queb chixcꞌulbal.

Q'eqchi Bible

¹⁰ Toja' naq li ro' ánjel kixhoy li xsek' sa' xb'een li xk'ojarib'aal li josq' aj xul. Ut li x'awab'ejihom kikanaak sa' aak'ab'. Li tenamit ke'ok chi xtiwb'al li ru'uj raq'eb' xb'aan li ra,

Apocalipsis 16:10 ပူးပေါင်းရင်းမြစ်များ

Apocalipsis 9:2

Nak quixte li re li chamal jul, cꞌajoꞌ li sib qui-el chak. Chanchan li sib li na-el saꞌ junak nimla horno. Quikꞌojyi̱noꞌ ru li sakꞌe ut li ikꞌ xban li sib li qui-el chak saꞌ li chamal jul.

San Mateo 8:12

Aꞌut nabaleb laj judío li teꞌe̱chani̱nk raj re lix nimajcual cuanquilal li Dios, eb aꞌan chic li teꞌisi̱k ut teꞌqꞌuehekꞌ saꞌ li kꞌojyi̱n. Ut aran ta̱cua̱nk li ya̱bac ut li cꞌuxuxi̱nc ruch e, chan li Jesús reheb li tenamit.

Apocalipsis 18:23

Incꞌaꞌ chic ta̱ilma̱nk junak xam saꞌ li tenamit aꞌan. Ut incꞌaꞌ ajcuiꞌ ta̱abi̱k xya̱b xcuxeb li nequeꞌsahoꞌ saꞌ xchꞌo̱leb saꞌ junak sumla̱c. Teꞌxcꞌul chi joꞌcan xban nak eb laj cꞌay li queꞌcuan saꞌ li tenamit aꞌan queꞌxnimobresi ribeb, ut riqꞌuin li tu̱lac queꞌxba̱nu, queꞌxbalakꞌi chixjunileb li tenamit.

Apocalipsis 17:17

Li Dios quiqꞌuehoc re saꞌ xchꞌo̱leb li rey nak joꞌcan teꞌxba̱nu. Joꞌcan nak junajakeb lix cꞌaꞌux chixqꞌuebal lix cuanquileb re li joskꞌ aj xul re nak ta̱takla̱nk toj ta̱tzꞌaklok ru li quixye li Dios.

San Mateo 22:13

Ut li rey quixye reheb lix mo̱s: “Bacꞌomak li rok rukꞌ ut cutumak saꞌ kꞌojyi̱n chirix cab. Aran ut ta̱cua̱nk li ya̱bac ut li cꞌuxuxi̱nc ruch e.”

Apocalipsis 18:21

Ut jun li ángel cau rib quixchap jun li nimla pec, chanchan li nimla pec li nequeꞌrocsi re li molino, ut quixcut saꞌ li palau ut quixye: Joꞌ nak xsach li pec aꞌin saꞌ li palau, joꞌcan ajcuiꞌ nak ta̱sachekꞌ ru li tenamit Babilonia. Incꞌaꞌ chic ta̱ilekꞌ ru.

San Lucas 13:28

Nak te̱ril laj Abraham, laj Isaac, laj Jacob ut chixjunileb li profeta cua̱nkeb saꞌ lix nimajcual cuanquilal li Dios, ut la̱ex incꞌaꞌ tex-ocsi̱k, toj aran texya̱bak ut te̱cꞌuxuxi li ruch e̱re xban xrahil e̱chꞌo̱l.

San Mateo 24:51

Ut ta̱cꞌajtesi̱k ru ut ta̱qꞌuehekꞌ saꞌ xya̱nkeb laj caꞌ pacꞌal u. Ut aran ta̱cua̱nk li ya̱bac ut li cꞌuxuxi̱nc ruch e.

Salmos 78:49

Li Dios quixcꞌutbesi lix joskꞌil chiruheb nak quixtakla li rahil chꞌo̱lej saꞌ xya̱nkeb. Xban xjoskꞌil li Dios quixtakla lix ángel chixcamsinquil li xbe̱n ralaleb laj Egipto.

Apocalipsis 17:9

Tento nak cua̱nk a̱naꞌleb re nak ta̱tau ru lix ya̱lal. Li cuukub chi jolom, aꞌan retalil li cuukub chi cocꞌ tzu̱l li cuan cuiꞌ li tenamit.

San Mateo 13:50

Ut teꞌqꞌuehekꞌ li incꞌaꞌ useb xnaꞌleb saꞌ li horno li lochlo cuiꞌ li xam. Ut aran ta̱cua̱nk li ya̱bac ut li cꞌuxuxi̱nc ruch e xban li raylal li teꞌxcꞌul.

San Mateo 13:42

Ut teꞌqꞌuehekꞌ saꞌ li horno li lochlo cuiꞌ li xam. Ut aran ta̱cua̱nk li ya̱bac ut li cꞌuxuxi̱nc ruch e xban li raylal li teꞌxcꞌul.

Apocalipsis 18:2

Quixjap re chi cau xya̱b xcux ut quixye: X-osoꞌ li tenamit Babilonia. Xsacheꞌ xcuanquil li nimla tenamit Babilonia. Li tenamit aꞌan xcana chokꞌ xnaꞌajeb laj tza ut eb li ma̱us aj musikꞌej. Xcana chokꞌ xnaꞌajeb laj xicꞌanel xul li kꞌaxal yibeb ru li incꞌaꞌ nequeꞌtiꞌeꞌ.

Apocalipsis 11:10

Ut li cuanqueb saꞌ ruchichꞌochꞌ ta̱sahokꞌ saꞌ xchꞌo̱leb nak teꞌca̱mk li cuib chi cui̱nk ut ta̱cꞌojla̱k xchꞌo̱leb. Joꞌcan nak teꞌoc chixsihinquil cꞌaꞌru reheb chi ribileb rib. Ta̱sahokꞌ xchꞌo̱leb nak teꞌca̱mk li cuib chi cui̱nk xban nak chꞌaꞌaj queꞌrecꞌa nak queꞌyeheꞌ reheb nak ta̱cha̱lk raylal saꞌ xbe̱neb.

Apocalipsis 11:8

Li camenak teꞌcana̱k chi tꞌantꞌo saꞌ eb li be re li nimla tenamit bar quicamsi̱c cuiꞌ chiru cruz li Ka̱cuaꞌ Jesucristo. Cuan nak nequeꞌxjuntakꞌe̱ta li tenamit aꞌan riqꞌuineb li tenamit Sodoma ut Egipto xban li ma̱usilal queꞌxba̱nu.

Apocalipsis 11:2

Abanan ma̱bis li neba̱l li cuan chiru lix templo li Dios xban nak aꞌan kꞌaxtesinbil reheb li ma̱cuaꞌeb aj judío. Eb aꞌan teꞌxmux ru li santil tenamit chiru oxib chihab riqꞌuin media (42 po).

1 Pedro 2:17

La̱ex aj pa̱banel, chera e̱rib che̱ribil e̱rib. Chexucua̱k ru li Ka̱cuaꞌ Dios. Che-oxlokꞌi le̱ ras e̱ri̱tzꞌin. Ut cheqꞌuehak xlokꞌal li acuabej.

Apocalipsis 8:12

Ut li xca̱ ángel quixya̱basi li trompeta ut caꞌchꞌin chic ma̱ yijach (1/3) li sakꞌe incꞌaꞌ chic quicutanoꞌ ru. Ut caꞌchꞌin chic ma̱ yijach li po incꞌaꞌ chic quicutanoꞌ ru. Ut caꞌchꞌin chic ma̱ yijach li chahim incꞌaꞌ chic queꞌlemtzꞌun. Caꞌchꞌin chic ma̱ yijach li cutan quikꞌojyi̱noꞌ ru. Ut joꞌcan ajcuiꞌ li po chiru li kꞌojyi̱n. Caꞌchꞌin chic ma̱ yijach li kꞌojyi̱n incꞌaꞌ quicutanoꞌ ru.