Apocalipsis 16:1 - Li Santil hu

¹ Ut quicuabi jun xya̱b cux quia̱tinac chak chi cau saꞌ lix templo li Dios. Quixye reheb li cuukub chi ángel: —Ayukex ut hoyomak chak saꞌ xbe̱n li ruchichꞌochꞌ lix joskꞌil li Dios li cuan saꞌ li cuukub chi secꞌ.—

Q'eqchi Bible

¹ Chirix chik a'an kiwab'i jun xyaab' kuxej q'axal kaw sa' rochoch li Yos, yo chi xyeeb'al reheb' li wuqub' chi ánjel: “Ayuqex ut hoyomaq sa' xb'een li ruuchich'och' li wuqub' chi sek', li wank xjosq'il li Yos chisa'”.

Apocalipsis 16:1 ပူးပေါင်းရင်းမြစ်များ

Sofonías 3:8

Joꞌcan nak chine̱roybeni cuan, chan li Ka̱cuaꞌ, toj ta̱cuulak xkꞌehil nak tincuisi injoskꞌil saꞌ e̱be̱n. La̱in ac xinye nak tinchꞌutubeb ru lix ni̱nkal ru tenamit ut tinrakok a̱tin saꞌ xbe̱neb. Chanchan li xam nak tincꞌut lin joskꞌil che̱ru. Tinsacheb ru chixjunil le̱ tenamit xban nak yo̱ injoskꞌil saꞌ e̱be̱n.

Apocalipsis 15:1

Ut quicuil saꞌ choxa jun chic li sachba chꞌo̱lej rilbal. Quicuil cuukub li ángel ut cuan riqꞌuineb cuukub chi raylal. Aꞌan li raylal li ta̱cꞌulma̱nk saꞌ rosoꞌjiqueb li cutan. Riqꞌuin li cuukub chi raylal aꞌan ta̱tzꞌaklok ru lix joskꞌil li Dios.

Jeremías 10:25

Isi la̱ joskꞌil saꞌ xbe̱neb li xni̱nkal ru tenamit li incꞌaꞌ nacateꞌxlokꞌoni. Isi la̱ joskꞌil saꞌ xbe̱neb li incꞌaꞌ nequeꞌxya̱ba la̱ cꞌabaꞌ xban nak queꞌxsach ruheb li ralal xcꞌajol laj Jacob. Queꞌxsach ruheb chixjunileb ut queꞌxsach ajcuiꞌ lix naꞌajeb.—

Apocalipsis 16:17

Ut lix cuuk ángel quixhoy saꞌ ikꞌ li cuan saꞌ lix secꞌ. Ut quicuabi jun yo̱ chak chi a̱tinac saꞌ lix templo li Dios. Chi cau xya̱b xcux quixye: —Riqꞌuin aꞌin ta̱tzꞌaklok ru li rakba a̱tin saꞌ xbe̱n li ruchichꞌochꞌ.—

Salmos 79:6

Chacꞌutbesi ban la̱ joskꞌil chiruheb li tenamit li incꞌaꞌ nequeꞌxqꞌue a̱lokꞌal chi moco nequeꞌtijoc cha̱cuu.

Ezequiel 10:2

Ut li Ka̱cuaꞌ quixye re li cui̱nk li lino rakꞌ: —Tat-oc saꞌ xya̱nkeb li ruedas li cuanqueb rubeleb li querubines. Riqꞌuin la̱ cuukꞌ ta̱chap li ru xam li yo̱ xxamlel. Ut ta̱paji li ru xam saꞌ xbe̱n li tenamit, chan. Ut la̱in yo̱quin chirilbal nak qui-oc li cui̱nk saꞌ xya̱nkeb li ruedas.

Apocalipsis 14:18

Ut jun chic li ángel qui-el cuan cuiꞌ li artal. Aꞌan li qui-iloc re li xam li naqꞌueman saꞌ xbe̱n li artal. Quia̱tinac riqꞌuin li ángel li cuan xkꞌesnal chꞌi̱chꞌ saꞌ rukꞌ ut quixye re chi cau xya̱b xcux: —Ta̱set chi cu̱t riqꞌuin la̱ kꞌesnal chꞌi̱chꞌ li ru li uva li cuanqueb saꞌ ruchichꞌochꞌ xban nak ac xkꞌanoꞌ, chan.

Apocalipsis 14:15

Ut jun chic li ángel qui-el chak saꞌ xtemplo li Dios. Yo̱ chi a̱tinac riqꞌuin li Jun li cꞌojcꞌo saꞌ xbe̱n li chok ut quixye re chi cau xya̱b xcux: —Tiquib xyocꞌbal li acui̱mk saꞌ ruchichꞌochꞌ. Ac xcuulac xkꞌehil xxocbal li ru li acui̱mk xban nak ac xkꞌanoꞌ, chan.

1 Samuel 15:3

Texxic anakcuan chi pletic riqꞌuineb laj Amalec. Te̱sach ruheb chixjunil li cꞌaꞌruheb re. Me̱ril xtokꞌoba̱l ruheb. Te̱camsiheb chixjunileb joꞌ cui̱nk, joꞌ ixk, joꞌqueb ajcuiꞌ li cocꞌal ut eb li toj cꞌulaꞌaleb. Te̱camsiheb ajcuiꞌ lix cuacax, ut eb lix carner, eb lix camelleb joꞌ eb ajcuiꞌ lix bu̱reb”, chan li Ka̱cuaꞌ.

1 Samuel 15:18

Ut li Ka̱cuaꞌ catxtakla chi pletic riqꞌuineb laj Amalec. Ut quixye a̱cue nak tento ta̱sacheb ru chixjunileb xban nak aj ma̱queb.

Ezequiel 22:31

Joꞌcan nak la̱in tincuisi lin joskꞌil saꞌ xbe̱neb. Chanchanakin li xam nak tinsach ruheb. Aꞌaneb ajcuiꞌ teꞌtojok re li ma̱usilal xeꞌxba̱nu. La̱in li nimajcual Dios ninyehoc re aꞌin.—

Apocalipsis 11:19

Ut quicuil nak quiteheꞌ lix templo li Dios cuan saꞌ choxa. Ut quicꞌutun li Lokꞌlaj Ca̱x li cuan cuiꞌ li contrato saꞌ lix templo li Dios. Nareploc li rakꞌ ca̱k ut nabal li choki̱nc. Quicuan jun li hi̱c ut nabal li sakbach quitꞌaneꞌ nak quicuil.