Apocalipsis 14:7 - Li Santil hu

⁷ Yo̱ chixyebal chi cau xya̱b xcux: —Chexucua̱k ru li Dios ut cheqꞌue xlokꞌal xban nak xcuulac xkꞌehil nak ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Chelokꞌonihak aꞌan li quiyi̱ban re li choxa, li ruchichꞌochꞌ, ut li palau joꞌqueb ajcuiꞌ li yuꞌam haꞌ, chan.

Q'eqchi Bible

⁷ Ut a'an kixye chi kaw xyaab' xkux: “Chexiwa ru li Yos ut chek'e xloq'al xb'aan naq xtaw xq'ehil naq taaraqoq aatin; cheloq'oni li kib'aanunk re li choxach'och', li palaw ut eb' li yo'leb'aal ha'”.

Apocalipsis 14:7 ပူးပေါင်းရင်းမြစ်များ

Éxodo 20:11

Chiru cuakib cutan li Ka̱cuaꞌ Dios quixyi̱b li choxa, li ruchichꞌochꞌ ut li palau. Quilajxyi̱b chixjunil li cꞌaꞌak re ru cuan saꞌ ruchichꞌochꞌ joꞌ ajcuiꞌ saꞌ choxa. Ut saꞌ xcuuk li cutan quihilan. Joꞌcan nak li Ka̱cuaꞌ Dios quirosobtesi li hiloba̱l cutan ut quixsantobresi.

Apocalipsis 15:4

¿Ma cuan ta biꞌ junak incꞌaꞌ tixxucua a̱cuu? Chixjunileb teꞌxnima a̱cuu, at Ka̱cuaꞌ, xban nak caꞌaj cuiꞌ la̱at ti̱c a̱chꞌo̱l. Chixjunileb li cuanqueb saꞌ li xni̱nkal ru tenamit teꞌcha̱lk ut teꞌxcuikꞌib ribeb cha̱cuu ut tateꞌxlokꞌoni xban nak teꞌxqꞌue retal nak la̱at tatrakok a̱tin saꞌ ti̱quilal.

Nehemías 9:6

Ut laj Esdras quitijoc ut quixye: —At Ka̱cuaꞌ, caꞌaj cuiꞌ la̱at li Dios. Ma̱ ani chic junak Dios. Caꞌaj cuiꞌ la̱at. La̱at catyi̱ban re li choxa joꞌ ajcuiꞌ chixjunil li cuan chiru. La̱at catyi̱ban re li ruchichꞌochꞌ ut chixjunil li cuan chiru. La̱at catyi̱ban re li palau joꞌ ajcuiꞌ chixjunil li cuan chi saꞌ. La̱at nacaqꞌue xyuꞌameb chixjunil li cꞌaꞌru cuan. Joꞌcan nak chixjunileb li cuanqueb saꞌ choxa nacateꞌxlokꞌoni.

Apocalipsis 11:18

Cꞌajoꞌ nak queꞌjoskꞌoꞌ li tenamit li xicꞌ nequeꞌiloc a̱cue. Abanan xcuulac xkꞌehil nak ta̱cꞌut la̱ joskꞌil chiruheb. Xcuulac xkꞌehil nak tatrakok a̱tin saꞌ xbe̱neb li camenak. Ut ta̱qꞌueheb xkꞌajca̱munquileb laj cꞌanjel cha̱cuu li queꞌyehoc resil li cꞌaꞌru ta̱cꞌulma̱nk. Ut ta̱qꞌueheb ajcuiꞌ xkꞌajca̱munquileb laj pa̱banel li queꞌqꞌuehoc a̱lokꞌal, usta cuanqueb xcuanquil usta ma̱cꞌaꞌ. Ut la̱at ta̱sach ruheb li queꞌba̱nun raylal reheb li cuanqueb saꞌ ruchichꞌochꞌ, chanqueb.

Apocalipsis 4:11

Ut queꞌxye re: At Ka̱cuaꞌ, at kaDios, a̱cꞌulub nak takaqꞌue a̱lokꞌal. A̱cꞌulub nak ta̱nima̱k a̱cuu ut ta̱qꞌuehekꞌ a̱cuanquil xban nak la̱at catyi̱ban re chixjunil li cꞌaꞌru cuan. Xban nak joꞌcan xacuaj la̱at, joꞌcan nak xayoꞌobtesiheb li cꞌaꞌru cuanqueb.

Apocalipsis 11:13

Ut saꞌ li ho̱nal aꞌan quicuan jun nimla hi̱c ut li xlaje jachalal li tenamit qui-ukꞌeꞌ. Cuukub mil (7,000) xqꞌuial li cristian queꞌcam xban li hi̱c. Ut li joꞌ qꞌuial chic incꞌaꞌ queꞌcam, queꞌxucuac ut queꞌxqꞌue xlokꞌal li Dios cuan saꞌ choxa.

Salmos 33:6

Li choxa ut chixjunil li cꞌaꞌru cuan chiru yal riqꞌuin li ra̱tin quilajxyi̱b li Dios.

Apocalipsis 18:10

Cꞌajoꞌ nak teꞌxucuak chirilbal li cꞌaꞌru tixcꞌul li tenamit. Teꞌxakli̱k chi najt riqꞌuin xban xxiuheb ut teꞌxye: Tokꞌob ru li tenamit Babilonia li nim xcuanquil nak quicuan. Tokꞌob ru lix nimal ru tenamit. Chiru jun cꞌamoc xrakeꞌ a̱tin saꞌ xbe̱neb.

Apocalipsis 16:9

Eb li cristian queꞌcꞌateꞌ xban xtikcual li sakꞌe. Xban li raylal li yo̱queb chixcꞌulbal, queꞌxmajecua li Dios li cuan xcuanquil saꞌ xbe̱neb li raylal. Ut incꞌaꞌ queꞌyotꞌeꞌ xchꞌo̱leb chi moco queꞌxqꞌue xlokꞌal li Dios.

Apocalipsis 4:9

Rajlal nequeꞌxqꞌue xlokꞌal ut nequeꞌxnima ru ut nequeꞌxbantioxi chiru li nimajcual Dios, li yoꞌyo chi junelic kꞌe cutan, li cꞌojcꞌo saꞌ lix lokꞌlaj cꞌojariba̱l.

Salmos 124:8

Li nimajcual Dios, li quiyi̱ban re li choxa ut li ruchichꞌochꞌ, aꞌan li natenkꞌan ke.

Hechos 14:15

—Ex tenamit, ¿cꞌaꞌut nak nequeba̱nu chi joꞌcan? La̱o yal cui̱nko joꞌ la̱ex. Juntakꞌe̱to e̱riqꞌuin. Aꞌan aj e nak xochal arin saꞌ e̱ya̱nk chixyebal e̱re nak te̱canab li joꞌ ma̱joꞌil naꞌleb. Sicꞌomak ban li yoꞌyo̱quil Dios li quiyi̱ban re li choxa, li ruchichꞌochꞌ, li palau ut chixjunil li cꞌaꞌru cuan.

Isaías 40:6

Quicuabi jun xya̱b cux. Joꞌcaꞌin quixye cue: —Jap a̱cue xyebal li a̱tin aꞌin, chan cue. Ut la̱in quinchakꞌoc ut quinye, ¿Cꞌaꞌru tinye nak tinjap cue? ¿Cꞌaꞌru tinye nak tinjap cue? chanquin. Ut aꞌan quixye cue: —Ye resil nak eb li cristian, aꞌan yal tibelejeb. Chanchaneb li ichaj. Ut lix chꞌinaꞌusaleb chanchan xchꞌinaꞌusal li utzꞌuꞌuj li nacuan saꞌ cꞌaleba̱l.

Apocalipsis 19:5

Ut quicuabi jun yo̱ chak chi a̱tinac saꞌ li lokꞌlaj cꞌojariba̱l ut quixye: Chelokꞌonihak li kaDios che̱junilex la̱ex li nequexcꞌanjelac chiru. Chelokꞌonihak li Ka̱cuaꞌ la̱ex li nequexucua ru, la̱ex li cuan e̱cuanquil joꞌ ajcuiꞌ li ma̱cꞌaꞌ e̱cuanquil.

Oseas 8:1

Ya̱basi li trompeta xban nak yo̱queb chi cha̱lc chi pletic li xicꞌ nequeꞌiloc reheb lin tenamit. Chanchaneb li cꞌuch nak yo̱queb chi cha̱lc. Xban nak lin tenamit xeꞌxtzꞌekta̱na li contrato quinba̱nu riqꞌuineb, joꞌcan nak teꞌxcꞌul li raylal. Xeꞌxtzꞌekta̱na li chakꞌrab xinqꞌue reheb.

Jeremías 10:10

Abanan li Ka̱cuaꞌ, aꞌan li tzꞌakal Dios. Aꞌan li yoꞌyo̱quil Dios ut li tzꞌakal Rey chi junelic kꞌe cutan. Nak yo̱ xjoskꞌil li Ka̱cuaꞌ, li ruchichꞌochꞌ na-ecꞌan saꞌ xnaꞌaj. Ut eb li xni̱nkal ru tenamit incꞌaꞌ teꞌxcuy rilbal lix joskꞌil.

Isaías 42:12

Cheꞌxqꞌuehak taxak xlokꞌal li Ka̱cuaꞌ ut cheꞌxyehak taxak reheb li cuanqueb saꞌ najtil tenamit nak kꞌaxal nim xcuanquil li Ka̱cuaꞌ.

Salmos 89:7

Chixjunileb li santil ángel nequeꞌxqꞌue a̱lokꞌal xban nak kꞌaxal nim la̱ cuanquil. La̱at xucuanbil a̱cuu xbaneb chixjunileb li cuanqueb saꞌ choxa.

Salmos 36:1

Xban lix ma̱usilaleb li incꞌaꞌ useb xnaꞌleb nequeꞌxtzꞌekta̱na li Dios ut incꞌaꞌ nequeꞌxxucua ru.

Josué 7:19

Ut laj Josué quixye re laj Acán: —At Acán, la̱in nintzꞌa̱ma cha̱cuu nak ta̱qꞌue xlokꞌal li Ka̱cuaꞌ, li kaDios la̱o aj Israel. Ye lix ya̱lal. Ta̱ye cue cꞌaꞌru xaba̱nu. Ma̱muk chicuu, chan laj Josué.

Apocalipsis 8:10

Ut li rox ángel quixya̱basi lix trompeta ut jun nimla chahim quitꞌaneꞌ chak saꞌ choxa. Yo̱ chi cꞌatc. Chanchan jun li chaj yo̱ xxamlel. Caꞌchꞌin chic ma̱ yijach li nimaꞌ ut caꞌchꞌin chic ma̱ yijach li yuꞌam haꞌ li quinak cuiꞌ.

San Lucas 17:18

¿Ma caꞌaj cuiꞌ li jun aꞌin li ma̱cuaꞌ aj judío xsukꞌi chixlokꞌoninquil li Dios? chan.

Daniel 8:19

Ut quixye cue: —Anakcuan la̱in tinye a̱cue li cꞌaꞌru ta̱cꞌulma̱nk saꞌ rosoꞌjiqueb li cutan xban xjoskꞌil li Dios. Li visión li xacuil, aꞌan retalil li talajeꞌcꞌulma̱nk saꞌ eb li cutan cha̱lel.

Ezequiel 7:6

Anakcuan xex-osoꞌ. Xchal le̱ rosoꞌjic. Ac xcuulac xkꞌehil nak tex-osokꞌ.

Ezequiel 7:2

—At ralal cui̱nk, la̱in li Ka̱cuaꞌ Dios. Aꞌan aꞌin li yo̱quin chixyebal reheb laj Israel. Cuulac re xkꞌehil rosoꞌjic chixjunil le̱ tenamit. Cuulac re xkꞌehil nak ta̱osokꞌ le̱ naꞌaj.

Isaías 58:1

Li Ka̱cuaꞌ quixye re laj Isaías: —Jap a̱cue chi cau. Matxucuac. A̱tinan chi cau joꞌ junak li trompeta. Ta̱ye reheb lin tenamit nak xeꞌxkꞌet lin chakꞌrab. Ta̱ye reheb li ralal xcꞌajol laj Jacob nak cuanqueb xma̱c.

Isaías 44:23

Chanchan nak tixjap re chi bicha̱nc li choxa re xqꞌuebal xlokꞌal li Ka̱cuaꞌ. Chanchan nak tixjap re li chamal li ruchichꞌochꞌ, joꞌ ajcuiꞌ li tzu̱l ut chixjunil li cheꞌ li cuan saꞌ qꞌuicheꞌ. Teꞌsahokꞌ saꞌ xchꞌo̱leb xban nak li Ka̱cuaꞌ quixcꞌutbesi lix cuanquilal nak quixcoleb laj Israel li ralal xcꞌajol laj Jacob.

Isaías 40:9

At aj yehol esil, taken saꞌ li nimla tzu̱l re nak chi cau xya̱b a̱cux ta̱ye li cha̱bil esil reheb li tenamit Sión. Ta̱ye reheb laj Jerusalén chi ma̱cꞌaꞌ a̱xiu. Chayehak resil reheb chixjunileb li tenamit li cuanqueb xcue̱nt Judá ut ta̱ye, “cha̱lc re li Ka̱cuaꞌ le̱ Dios.”

Isaías 40:3

Quicuabi jun xya̱b cux quixye cue chi joꞌcaꞌin: —Yi̱bomak ru li be saꞌ li chaki chꞌochꞌ chiru li Ka̱cuaꞌ. Ti̱cobresihomak li be chiru li kaDios.

Salmos 95:5

Aꞌan laj e̱chal re li palau ut li chꞌochꞌ xban nak aꞌan quiyi̱ban re.

1 Samuel 6:5

Te̱yi̱b li retalil li tumor li cuan che̱rix ut li retalil li chꞌo li yo̱queb chi sachoc re le̱ racui̱mk. Qꞌuehomak xlokꞌal lix Dioseb laj Israel. Chi joꞌcan ma̱re tixcanab xqꞌuebal li raylal saꞌ e̱be̱n ut saꞌ xbe̱neb le̱ dios ut le̱ racui̱mk.

Génesis 22:12

Lix ángel li Ka̱cuaꞌ Dios quixye re: —Ma̱camsi la̱ cualal. Ma̱cꞌaꞌ ta̱ba̱nu re. Ninnau nak nacapa̱b chi tzꞌakal li Dios. La̱ cualal jun ajcuiꞌ ut aꞌan xaqꞌue raj chokꞌ re la̱ mayej chiru li Dios, chan.

Apocalipsis 18:19

Queꞌxqꞌue poks saꞌ xjolomeb retalil lix rahil xchꞌo̱leb ut queꞌya̱bac ut queꞌxjap reheb chixyebal: ¡Tokꞌobeb ru! ¡Tokꞌobeb ru li cuanqueb saꞌ li tenamit aꞌan! Riqꞌuin lix biomaleb li tenamit aꞌan xobiomoꞌ la̱o li nococꞌanjelac saꞌ jucub. Ut chiru junpa̱t quisacheꞌ ru li tenamit, chanqueb.

Apocalipsis 18:17

Ut yal chiru junpa̱t x-osoꞌ chixjunil lix biomaleb, chaꞌakeb. Ut eb laj e̱chal jucub ut eb li nequeꞌxberesi li jucub saꞌ li palau ut chixjunileb li nequeꞌtrabajic saꞌ li ni̱nki jucub, joꞌqueb laj cꞌay li nequeꞌxic saꞌ li jucub, queꞌxakli chi najt chi rilbal.

1 Pedro 4:7

Li rosoꞌjic li ruchichꞌochꞌ ta̱se̱ba̱nk chak. Joꞌcan nak aj-ajak e̱ru, ut cheqꞌuehak e̱chꞌo̱l chi tijoc.

San Mateo 25:13

Joꞌcan nak la̱in ninye e̱re: Yoꞌon cua̱nkex xban nak incꞌaꞌ nequenau li cutan chi moco li ho̱nal jokꞌe toline̱lk la̱in li Cꞌajolbej.

Malaquías 2:2

Cui incꞌaꞌ nequeba̱nu li cꞌaꞌru ninye ut cui incꞌaꞌ nequeqꞌue e̱chꞌo̱l chixqꞌuebal xlokꞌal lin cꞌabaꞌ, texintzꞌekta̱na ut le̱ rosobtesinquil tinsukꞌisi chokꞌ raylal. Ac xexintzꞌekta̱na xban nak incꞌaꞌ xeqꞌue e̱chꞌo̱l chixba̱nunquil li cꞌaꞌru xinye e̱re.

Salmos 115:15

Aꞌ ta li nimajcual Dios li quiyi̱ban re li choxa ut li ruchichꞌochꞌ chi-osobtesi̱nk e̱re.