Apocalipsis 14:6 - Li Santil hu

⁶ Ut quicuil jun chic li ángel yo̱ chi rupupic chiru choxa. Yo̱ chixyebal jun esilal li ma̱cꞌaꞌ rosoꞌjic reheb chixjunileb li cuanqueb saꞌ ruchichꞌochꞌ aꞌ yal ani xte̱paleb lix xeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Q'eqchi Bible

⁶ Chirix chik a'an kiwil jun chik li ánjel yo chi xik'ank sa' xyi li choxa, wan chaq rik'in jun li chaab'il esilal li maak'a' roso'jik: a'an tento xpuktesinkil rik'ineb' li wankeb' sa' ruuchich'och' jo' ajwi' rik'ineb' chixjunil li amaq' ut tenamit, yalaq chan re ru neke'ilok ut neke'aatinak.

Apocalipsis 14:6 ပူးပေါင်းရင်းမြစ်များ

San Marcos 16:15

Ut li Jesús quixye reheb: —Texxic saꞌ chixjunil li ruchichꞌochꞌ ut te̱chꞌolob xya̱lal li colba-ib chiruheb chixjunileb li tenamit jun sut rubel choxa.

Apocalipsis 8:13

Ut quicuil jun chanchan nimla cꞌuch yo̱ chi rupupic chiru choxa, ut yo̱ chixjapbal re chixyebal: —Cꞌajoꞌ li raylal, cꞌajoꞌ li raylal. Cꞌajoꞌ li raylal li ta̱cha̱lk saꞌ xbe̱neb li cuanqueb saꞌ ruchichꞌochꞌ nak teꞌya̱basi̱k li oxib chic chi trompeta xbaneb li oxib chi ángel, chan.

Apocalipsis 3:10

La̱ex xecuy xba̱nunquil li xinye e̱re ut incꞌaꞌ xchꞌinan e̱chꞌo̱l saꞌ le̱ pa̱ba̱l. Joꞌcan nak la̱in tincolok e̱re saꞌ xkꞌehil nak ta̱cha̱lk li raylal saꞌ xbe̱neb chixjunileb li cuanqueb saꞌ ruchichꞌochꞌ.

Isaías 51:8

Mexcꞌoxlac xban nak eb aꞌan teꞌosokꞌ lix tibeleb joꞌ nak li xul nequeꞌxcux li tꞌicr. Ut li motzoꞌ tixtiu lix tibeleb joꞌ nak li cocꞌ xul nequeꞌxcux li lana. Abanan lin ti̱quilal incꞌaꞌ ta̱osokꞌ. Ta̱cua̱nk ban chi junelic. Ut ta̱cua̱nk ajcuiꞌ chi junelic li colba-ib li ninqꞌue, chan li Dios.

Isaías 51:6

Ilonkex saꞌ choxa ut ilonkex saꞌ ruchichꞌochꞌ. Li choxa ta̱sachk joꞌ nak nasach li sib. Li ruchichꞌochꞌ ta̱osokꞌ joꞌ nak na-osoꞌ junak li tꞌicr. Ut eb li cristian telajeꞌca̱mk. Abanan li colba-ib li ninqꞌue incꞌaꞌ ta̱osokꞌ. Ta̱cua̱nk ban chi junelic ut lin ti̱quilal incꞌaꞌ ta̱paltok.

Salmos 139:24

Chaqꞌue taxak retal ma cuan li ma̱usilal yo̱quin chixba̱nunquil. China̱beresi re nak toxintau li junelic yuꞌam.

Romanos 16:25

Chikalokꞌonihak taxak li Ka̱cuaꞌ Dios, li cuan xcuanquil re xqꞌuebal xcacuilal kachꞌo̱l saꞌ li kapa̱ba̱l. Ninchꞌolob xya̱lal che̱ru chirix li colba-ib saꞌ xcꞌabaꞌ li Jesucristo. Najter kꞌe cutan mukmu chak lix ya̱lal chiku; aban anakcuan cꞌutbesinbil chic lix ya̱lal chiku.

Salmos 145:13

La̱at cuan a̱cuanquil chi junelic kꞌe cutan. La̱at nacattaklan chi junelic.

2 Ts 2:16

Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc.

Daniel 9:21

Toj yo̱quin ajcuiꞌ chi tijoc nak quicuil li ángel Gabriel li quixcꞌutbesi rib chicuu junxil saꞌ li visión. Yo̱ chak chi rupupic ut saꞌ a̱nil quicuulac cuiqꞌuin saꞌ x-o̱ril li mayejac li naba̱numan ecuu.

Apocalipsis 13:7

Quiqꞌueheꞌ xcuanquil chi pletic riqꞌuineb li ralal xcꞌajol li Dios ut quinumta saꞌ xbe̱neb. Quiqꞌueheꞌ xcuanquil saꞌ xbe̱neb chixjunileb, aꞌ yal ani xte̱paleb lix xeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

Colosenses 1:23

Abanan tento nak texpa̱ba̱nk chi tzꞌakal ut cauhak e̱chꞌo̱l riqꞌuin li Dios saꞌ le̱ pa̱ba̱l. Me̱canab xyoꞌoninquil li yechiꞌinbil e̱re saꞌ xcꞌabaꞌ li colba-ib xban nak la̱ex ac nequenau nak saꞌ e̱cꞌabaꞌ quicam li Jesucristo. Ut li resil li ac xerabi la̱ex yo̱queb chirabinquil saꞌ chixjunil li ruchichꞌochꞌ. La̱in laj Pablo, tenebanbil saꞌ inbe̱n xyebal resilal li colba-ib.

San Mateo 10:27

Li cꞌaꞌru xexintzol cuiꞌ e̱junes, aꞌan te̱ye chiruheb chixjunileb, ut li cꞌaꞌru xinye e̱re e̱junes, aꞌan te̱ye chi cau xya̱b e̱cux chiruheb chixjunileb li tenamit.

Apocalipsis 10:11

Quixye cue: —Tenebanbil saꞌ a̱be̱n la̱at xyebal resil li cꞌaꞌru ta̱cꞌulma̱nk. Toj ta̱ye cuiꞌchic resil cꞌaꞌru teꞌxcꞌul eb li tenamit, joꞌ ajcuiꞌ li xni̱nkal ru tenamit joꞌ ajcuiꞌ lix reyeb. Ta̱ye ajcuiꞌ resil li cꞌaꞌru teꞌxcꞌul saꞌ eb li tenamit li jalan jala̱nk ra̱tinoba̱leb.—

Daniel 4:1

Aꞌan aꞌin li esil li quixtakla li rey Nabucodonosor reheb chixjunileb li cuanqueb saꞌ ruchichꞌochꞌ, aꞌ yal bar xtenamiteb ut aꞌ yal chanru li ra̱tinoba̱leb. Quixye chi joꞌcaꞌin: —Chinumta̱k taxak li tuktu̱quil usilal saꞌ e̱ya̱nk che̱junilex.

Ezequiel 1:14

Ut li ca̱hib li chanchaneb ángel nequeꞌchal nequeꞌxic saꞌ junpa̱t joꞌ nak narepoc li ca̱k.

Isaías 45:17

Abanan eb laj Israel teꞌcolekꞌ xban li Ka̱cuaꞌ. Junelic teꞌcolekꞌ ut incꞌaꞌ ta̱cꞌutekꞌ xxuta̱neb,” chaꞌakeb.

Salmos 119:142

La̱ ti̱quilal, aꞌan cuan chi junelic ut la̱ chakꞌrab tzꞌakal ya̱l.

2 Samuel 23:5

Usta ma̱cuaꞌ joꞌcaneb li cualal incꞌajol riqꞌuin li Dios, abanan li Dios quixba̱nu li contrato cuiqꞌuin ut xakxo̱k xcuanquil chi junelic. Aꞌan xyehoc re chixjunil li cꞌaꞌak re ru aꞌin, ut tento ta̱uxma̱nk usta toj ma̱jiꞌ nacꞌulman. Ninnau nak laj Colol cue tixba̱nu li cꞌaꞌru nacuaj.

Isaías 40:8

Li ichaj nequeꞌchakic ut li utzꞌuꞌuj nequeꞌosoꞌ. Abanan li ra̱tin li kaDios incꞌaꞌ na-osoꞌ. Cuan ban chi junelic.—

Génesis 1:6

Ut li Dios quixye: —Chicua̱nk li choxa re tixjach li haꞌ li cuan takꞌa riqꞌuin li cuan takecꞌ.— Ut quicꞌulman joꞌ quixye li Dios.

Isaías 6:2

Ut saꞌ xbe̱n cuanqueb li serafines, chanchaneb li ángel. Cuakitk xxiqꞌueb li junju̱nk; cuib lix xiqꞌueb nequeꞌxtzꞌap cuiꞌ li ruheb, cuib nequeꞌxtzꞌap cuiꞌ li rokeb ut cuib nequeꞌxicꞌan cuiꞌ.

1 Pedro 1:25

Aban li ra̱tin li Dios, aꞌan cuan chi junelic. (Isa. 40:6-8) Ut li a̱tin aꞌin, aꞌan resil li colba-ib li yebil chak e̱re.

Apocalipsis 5:9

Queꞌxbicha jun li acꞌ bich ut queꞌxye: A̱cꞌulub xchapbal li botbil hu ut xtebal li sello xban nak la̱at catcamsi̱c. Riqꞌuin la̱ quiqꞌuel xalokꞌeb nabal re nak teꞌoc chokꞌ ralal xcꞌajol li Dios. Yalak ani xacoleb aꞌ yal ani xte̱paleb xxeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Apocalipsis 10:7

Nak tixya̱basi lix trompeta li xcuuk ángel, saꞌ eb li cutan aꞌan ta̱tzꞌaklok ru lix cꞌaꞌux li Dios, li mukmu nak quicuan. Ta̱tzꞌaklok ru joꞌ quixye reheb li profeta li queꞌcꞌanjelac chiru, chan.