Apocalipsis 14:5 - Li Santil hu

⁵ Incꞌaꞌ queꞌticꞌtiꞌic. Chiru li Dios ma̱cꞌaꞌ xma̱queb.

Q'eqchi Bible

⁵ Ink'a' ke'tik'ti'ik, xb'aan naq maak'a' xmaakeb'.

Apocalipsis 14:5 ပူးပေါင်းရင်းမြစ်များ

Efesios 5:27

Li Cristo quixba̱nu aꞌan re nak tixcꞌuleb li ralal xcꞌajol chi kꞌaxal nim xlokꞌal, chi ma̱cꞌaꞌ xma̱c ut chi ma̱cꞌaꞌ xpaltil chiru.

Sofonías 3:13

Li joꞌ qꞌuialeb chic li ralal xcꞌajoleb laj Israel li teꞌcana̱k, incꞌaꞌ chic teꞌxba̱nu li ma̱usilal chi moco teꞌticꞌtiꞌik chi moco teꞌbalakꞌi̱nk. Teꞌxchꞌolani ribeb saꞌ xya̱lal. Cꞌojcꞌo̱keb xchꞌo̱l nak teꞌcua̱rk xban nak ma̱ ani chic ta̱chꞌiꞌchꞌiꞌi̱nk reheb ut ma̱cꞌaꞌakeb chic xxiuheb.

Salmos 32:2

Us xak re li ani incꞌaꞌ nabalakꞌic, li nayeheꞌ re xban li Dios nak ma̱cꞌaꞌ xma̱c.

San Judas 1:24

Ut anakcuan lokꞌoninbil taxak li nimajcual Dios. Aꞌan kꞌaxal nim xcuanquil che̱colbal re nak incꞌaꞌ texma̱cobk. Nim ajcuiꞌ xcuanquil che̱kꞌaxtesinquil saꞌ xnimal xlokꞌal li Dios chi ma̱cꞌaꞌak e̱ma̱c ut chi sa saꞌ e̱chꞌo̱l.

San Juan 1:47

Li Jesús quiril nak laj Natanael yo̱ chak chi cha̱lc riqꞌuin ut quixye: —Cueꞌ chak jun cui̱nk tzꞌakal aj Israel. Cha̱bil xnaꞌleb. Aꞌan incꞌaꞌ nabalakꞌic, chan li Jesús.

Colosenses 1:22

Abanan anakcuan xban lix camic li Cristo quexcꞌam saꞌ usilal riqꞌuin li Dios. Xban nak li Cristo quicam saꞌ kacꞌabaꞌ, naru toxkꞌaxtesi chiru li Dios chi ac santobresinbilo ut chi ma̱cꞌaꞌak chic kama̱c ut chi tzꞌakalak re ru li kapa̱ba̱l.

San Lucas 23:4

Ut laj Pilato quixye reheb li xbe̱nil aj tij ut eb li qꞌuila tenamit: —Li cui̱nk aꞌin ma̱ jun xma̱c nintau, chan.

1 Pedro 3:10

Joꞌcaꞌin naxye saꞌ li Santil Hu: Li ani ta̱raj cua̱nc chi sa saꞌ xchꞌo̱l re tixnumsiheb li cutan saꞌ xya̱lal, incꞌaꞌ ta̱a̱tinak riqꞌuin yibru a̱tin chi moco ta̱ticꞌtiꞌik.

San Mateo 12:34

¡La̱ex chanchanex ral li cꞌambolay! ¿Chan ta cuiꞌ ru nak tex-a̱tinak cha̱bil a̱tin nak moco usex ta? Joꞌ chanru lix chꞌo̱l junak, joꞌcan ajcuiꞌ naa̱tinac.

Oseas 10:2

Eb aꞌan aj caꞌ pacꞌal uheb xban nak nequeꞌxcꞌanjela ru li yi̱banbil dios ut nequeꞌraj ajcuiꞌ cꞌanjelac chiru li Ka̱cuaꞌ. Joꞌcan nak anakcuan li Ka̱cuaꞌ tixqꞌueheb chixtojbal rix lix ma̱queb. Tixpuqꞌui lix artaleb ut tixsacheb ru lix dioseb.

Daniel 6:4

Ut eb li gobernador ut eb li nequeꞌtaklan saꞌ li tenamit, queꞌoc chixcakalinquil laj Daniel. Queꞌoc chixsicꞌbal chanru nak ta̱paltok re nak ta̱ru̱k teꞌjitok chirix chiru li rey. Abanan incꞌaꞌ queꞌxtau chanru nak teꞌjitok chirix xban nak laj Daniel ti̱c xchꞌo̱l ut ma̱cꞌaꞌ xma̱c, chi moco quixbalakꞌiheb li tenamit.

Proverbios 8:8

Chixjunil li ninye ti̱c. La̱in incꞌaꞌ ninbalakꞌic.

Salmos 34:13

Cui joꞌcan te̱raj, cheqꞌuehak retal li cꞌaꞌru te̱ye. Mex-a̱tinac chi yalak chaꞌak re ru chi moco texticꞌtiꞌik.

Isaías 53:9

Quimukeꞌ joꞌ nak nequeꞌmukeꞌ eb laj ma̱c. Ut li bar quimukeꞌ cuiꞌ, aꞌan xmukleba̱leb li biom. Quixcꞌul chixjunil li raylal aꞌin usta ma̱ jun sut quima̱cob ut ma̱ jun sut quiticꞌtiꞌic.

Salmos 55:11

Junes raylal nequeꞌxcꞌoxla xba̱nunquil. Incꞌaꞌ nequeꞌxcanab xbalakꞌinquil li tenamit ut junes pletic nequeꞌxba̱nu yalak bar.

Cantares 4:7

At ixk, kꞌaxal nacatinra. Cꞌajoꞌ la̱ chꞌinaꞌusal ut kꞌaxal cha̱bilat. Ma̱cꞌaꞌ a̱paltil.

Malaquías 2:6

Laj Leví quixchꞌolob lix ya̱lal chiruheb li tenamit ut incꞌaꞌ quiticꞌtiꞌic. Quicuan chi sum a̱tin cuiqꞌuin ut saꞌ xcꞌabaꞌ aꞌan nabaleb queꞌxcanab xba̱nunquil li ma̱usilal.

Hebreos 9:14

Cui lix quiqꞌuel li xul naru naxsach lix paltileb, kꞌaxal nim cuiꞌchic xcuanquil lix quiqꞌuel li Jesucristo xban nak aꞌan narisi li kama̱c. Li Santil Musikꞌej quixtenkꞌa li Jesucristo nak quixmayeja rib chiru li Dios re xtojbal rix li kama̱c. Li Jesucristo tzꞌakal cha̱bil. Ma̱cꞌaꞌ xma̱c ut lix quiqꞌuel narisi li kama̱c li nacꞌamoc chak re li ca̱mc saꞌ kabe̱n. Naxsakobresi li kacꞌaꞌux re nak caꞌaj cuiꞌ chiru li yoꞌyo̱quil Dios tocꞌanjelak.

1 Pedro 1:19

Colbilex ban riqꞌuin xlokꞌlaj quiqꞌuel li Cristo. Li Cristo, aꞌan li quixmayeja rib chiru li Dios Acuabej joꞌ jun li carner namayeja̱c chi ma̱cꞌaꞌ re̱cꞌ ut chi ma̱cꞌaꞌ xpaltil.

1 Pedro 2:22

Li Cristo ma̱cꞌaꞌ xma̱c. Ut ma̱ jun sut quibalakꞌin.